由Yahoo Blog 搬過嚟(累積瀏覽 181)
10月15日星期六
呢個星期媽媽工作得不太如意 , 心情唔係太開心 , 加上星期五食 lunch 嗰陣時................行緊路比迎面而來嘅呀嬋隻手打落媽媽隻錶度 , 原來係錶撞錶 ,結果媽媽隻錶面爆咗 ,
破財不特止 , 放工搭車返屋企途中 , 架巴士又爆軚 , 佢幾驚啲唔好嘢一不離二 , 二不離三 , 好彩平平安安返到屋企咋~!!
每當媽媽唔如意嘅時候就會鐘意自己一個人去影吓相 , 今次都唔例外, 佢今日走咗去濕地公園行吓散吓心呢~!! 
每次去濕地總會有驚喜比到媽媽 , 今次都唔例外 , 媽媽只係用咗支 Marco 鏡去影 , 估唔到有滿意作品 , 媽媽好想同大家分享一吓~!!
所有相都無經過裁剪 , 真係影到咁近呢~!! 
影蝴蝶唔難..............難就難在要捕捉佢哋打開嘅一面~!!
蝴蝶專注的採花蜜
呢隻新品種 , 媽媽都係第一次影咋~!!
呢隻蝴蝶警覺性好高 , 一行近佢就飛走 , 所以只可以離遠影~!!
又一新品種 , 紫色好靚呢~!!
呢隻都未影過 , 啲腳黑白間好似白紋衣蚊呢~!!
呢隻細小的灰班蝶 , 好可愛~!!
當然唔少得影吓蝴蝶 bb 蟲 ,長大一定係好美的蝴蝶~!!
蜻蜓篇................
紅色的蜻蜓在產卵
呢啲就係蜻蜓嘅卵子
黑白蜻蜓屬於特別品種 , 難得比媽媽近距離接觸呢~!!
橙色呢隻反而影得多
營光藍色都係第一次見
金色係意外收穫 , 好乖乖比媽媽任影唔嬲~!!
雀仔亦是意外收穫 , 無長鏡之下都影到咁近 , 媽媽好開心呢~!!
呢隻只可以遠影 , 因為警覺性非常高~!!
識媽媽嘅人就知佢好驚蜜蜂 , 但係一講到影相 , 哈哈............佢就變咗另一個人~!!
估唔到响濕地比媽媽撞到呢條蜥蜴出嚟曬太陽
嚟到濕地一定要影彈塗魚
同埋招潮蟹
呢隻蟹有一對橙色蟹蚶好特別呢~!!
花花篇................
白色的小花
好似玫瑰嘅海棠花
呢朵係巴西嘅大紅花品種
雖然唔知呢種叫咩嘢花 , 媽媽係比佢嘅香味吸引咗而去影嘅~!!
好細少嘅蘭花品種
呢種花啲葉好大好大 , 但係啲花就好細好細 , 相影成趣呢~!!
荷花的蓮子 , 荷葉似一個心型 , 媽媽見幾特別於是又影低佢~!!
果實篇.................
好硬的木果實
好細粒的果實
似蕃茄的果實
好似菠蘿 , 唔知係咩嘢嚟呢~??
媽媽足足影咗四個幾鐘頭 , 影完就開心番哂 lu ~!!
媽媽真係好熱愛影相同大自然 , 佢唔介意熱到全身濕透 , 亦唔介意比蟻咬 , 今次啲相令到佢好有滿足感 , 原來同陽光玩遊戲就可以吸收正能量 , 唔怪之得我都咁鐘意大自然啦~!! 
沒有留言:
張貼留言