由Yahoo Blog 搬過嚟(累積瀏覽 371)
10月5日重陽節
今日係一年一度嘅重陽節 , 爸爸媽媽都唔例外要去拜山 , 佢哋七點幾起床梳洗完畢 , 跟住同我洗眼仔去廁所 , 然後搞埋糧比我食就出門口 lu ~!!
媽媽話拜完山返嚟就同我去登高 , 我緊係好開心啦 , 等到十二點幾佢哋真係返咗嚟 , 仲即刻執埋嘢就出發同我去行山 lu~!! 
由於佢哋六點鐘仲有下一場節目 , 所以近近地揀咗去大棠咋 ~!!
好多謝 MB ee 嘅通報 , 我哋揀咗行家樂徑 , 避開哂啲車同人~!!
睇吓我玩得幾開心~!!
成地下都係枯葉 , 好有秋天氣息呀~!!
行完山又跑吓草地 , 爽哂~!!!!!!!!
話明登高.............緊係要行吓樓梯啦~!!
行完樓梯不特止仲要坐响高處望風景 , 點解無靚女架??
今日嘅收獲只係識咗一個九歲嘅金毛婆婆 , 佢主人仲以為我係 bb 嚟 , 估唔到我真係 keep 得咁好 , 開心屎我喇~!!!!!!!!!
玩完仲陪爸爸媽媽响偉記食下午茶 , 食完下午茶去攞車途中接到哈比媽電話 , 問媽媽係咪响大棠 , 原來佢架車啱啱經過見到我哋呢~!! 佢哋成三點半先開始行 , 又慳緣一面添~!! 
返到屋企洗完手腳 , 爸爸幫我吹毛 , 媽媽煮雞肉比我做晚餐 , 重陽節過得好快樂呢~!!!!!!!! 
沒有留言:
張貼留言