由Yahoo Blog 搬過嚟(累積瀏覽 392)
12月25日星期二(聖誕節)
今日係普天同慶嘅大日子 , 我身邊當然唔少得有靚女陪伴 , he............hee..............唔只一位..................係兩位先啱 , 仲同呢兩位靚女一齊去離島玩 , 我哋搭十一點鐘船 , 船程大約半個鐘 , 啱哂搭短程怕暈船浪嘅媽媽~!!
上咗岸...............同地標影番張相留念~!!
第一位聖誕小姐出場喇................佢就係"多士"
咁耐無見...............同佢影番張合照留念~!!
由於第二位小姐化緊妝 , 未出得場 , 唯有帶大家睇吓啲特色店 , 呢間店主題係貓咪 , 喜歡貓咪嘅朋友仔一定唔可以錯過呢~!!
講到食就一定要試南丫島雞蛋仔 , 至於買手信................一定要嚟呢度探佢 , 呢間店門口放咗好多唔同味道嘅cookie , 又平又好味~!!
今日雖然無藍天白雲 , 但係無損我哋照上山去風采發電站~!!
途經呢間好出名嘅豆腐花店 , 不過已經無以前咁好味 lu~!!
行行吓...............見到呢棵楊桃樹~!!
行到熱哂要除衫衫呢~!!
睇吓我哋幾八卦................周圍聞~!!!!!!!!!
行咗咁耐................見到大風車喇~!!!!!!!!
到咗目的地 , 當然要幫"多士" family 影番張全家福留念~!!
又點少得咕碌家呢~!!
第二位聖誕小姐終於出場喇...............就係Creamy 妹妹 , 做出高難度動作 , 大家千祈唔好學呀~!!!!!!!!
抱到咁高家姐"多士"都替妹妹擔心~!!
計我話坐定定影都唔差啫~!!
睇吓我哋個個紅噹噹................幾有節日氣氛~!!
多士family 今日襯到絕~!!
媽媽都話要同靚太合照留念~!!
多士家庭好sweet 呢~!!
呢套衫係契爺送比我 , 點都要著嚟影吓相~!!
大家覺得我靚唔靚仔呢~??
著到咁型仔............兩姊妹都話要同我影合照留念~!!
點少得嚟張姊妹花合照~!!
跟住行上呢條長長嘅樓梯 , 上涼亭影吓風景相~!!
有我呢個導賞員帶路..............Creamy 同多士玩得幾開心~!!
上到嚟有無敵大海景睇...............爸爸幫多士媽, Creamy 影合照留念~!!
當然唔少得我同助手媽媽呢~!!
另一邊望到三支大煙囪~!!
仲可以近距離影風車添~!!
同媽媽影埋呢張相...............行番落山去食嘢 lu~!!
我哋沿路行返出市中心 , 經過一個教會..................一班人响度唱聖詩 , 仲唱得好好聽 , 好有節日氣氛 , 側門口掛住好多日本鯉魚旗 , 媽媽超鐘意 , 仲同我影咗呢張相留念~!!
多士話佢無得去日本...............唯有影張相當去咗呢~!!
Creamy 就最開心 , 未出發先興奮 , 下個禮拜去日本玩 lu~!!
呢個教會真係好好 , 有免費棉花榶派~!!
棉花榶仲可以做到成朵花 , 靚到唔捨得食之外 , 仲有Gingerbread Cookie 任食 , 又有嘢飲 , 難怪多士 family 玩得咁開心呢~!!
呢個Poodle 波波................都係免費派架 , 媽媽又有聖誕禮物收~!!
玩到三點半................跟住陪啲大人去醫肚 , 多士family 揀咗食泰國菜 , 首先食個炒飯暖吓肚先~!!
跟住嚟碟炒貴勺
再嚟個炸蝦餅~!!
點少得叫個菜................咸魚炒介蘭~!!
最後嚟埋呢個紅咖哩雞 , 食到啲大人lam lam 脷~!!
跟住買埋cookie 做手信 , 坐四點半班船返中環 , 因為多士family 有下場 , 所以到咗碼頭就各自走 , 爸爸話難得嚟中環 , 所以同我哋去咗皇后像廣場影Tiffany 聖誕樹~!!
呢度雖然多人..............不過好有節日氣氛 , 睇吓媽媽幾興奮~!!!!!!!!
爸爸揾到個靚位比我自己同聖誕樹影相 , 開心 ing~!!
我深深响中環感受到濃厚嘅節日氣氛 , 呢個聖誕節真係玩得好happy , 上到車我攰到瞓著咗 , 返到屋企洗完手腳吹完毛 , 媽媽就整咗雞肉三文魚聖誕大餐比我食 , 食完我就好滿足去揾周公傾計 , 爸媽攰到响屋企附近食 dinner 就算 , 咁就過咗一個好難忘嘅聖誕節~!!!!!!!!!!
我想問問 ~
回覆刪除你話你依個 POST 係由 YAHOO 搬過黎 .
咁你係用 COPY & PASTE or 相 + 內文 由頭 UP KNOW 上黎 ?
我係用copy 方式一篇篇搬過嚟 , 跟住按連結 , 就會取消同yahoo 嘅連結 , 咁就唔會變死圖呢~!!
刪除?? 唔明 ...... 即係有另一個方法可以搬得容易 d
刪除係呀.............即係响yahoo 每篇blog copy (由頭拉到落尾 , 連相連文字) , 响呢邊開篇新blog , 然後copy 過嚟 , 跟住按"連結" , (寫新blog 入面會有個"連結"制 , 就會取消同yahoo 嗰邊嘅連結 , 因為你copy 嗰嚟呢邊 , 啲相會有個藍色框框 , 按咗"連結"就會無咗個藍色框框 , 代表取消同yahoo 嘅連結呢 , 咁就算12月26號yahoo 嗰邊關閉 , 啲相都唔會變死圖~!!
刪除係 ?! 等我試試先 !! 謝謝你
刪除另外我想問問 ..... 唔知係咪我 set 錯野 !?
我唔止一次收唔到留言(回覆) 提醒( 訊息)
好似依次( & 上次 ) 咁.都係我自己入黎睇野自知你有冇回覆我 !!
去人哋度留言下面有格"通知我" , 只要你click 一吓就會收到e-mail 通知, 另外你亦可以去Gmail 嘅收件匣的社交網絡度睇 , 仲有可以去以下條link度set 功能~!!
刪除http://seeddauding.blogspot.hk/2013/09/blogspot-comments.html
hihi ~ 我岩岩試過你講既方便 ~
刪除但我發現應該唔 work .... 因為我 check 返張相既網小, ( 不論你係上面其中一張相 或 我做試驗 ) 個網子開頭都重有 http://blog.yimg.com/ ( + 後面一大揪字 ) 而我係我 yahoo 舊 blog 都 check 過相既網子 . 都係 : http://blog.yimg.com/ ( + 後面一大揪字 ) .
而新 up know 上 blogger 既相 開頭就係 http://3.bp.blogspot.com/- ( + 後面一大揪字 ) . 所以有理由相信 http://blog.yimg.com/ 係 yahoo 的 !
基於相既網子開頭同 yahoo 時相同 . 所以 ......
建議 check 清楚好 d , 咪一陣滿心歡喜以為 ok . 但最後都係唔 ok . 就慘啦
刪除吓？咁我真係要check check 先，謝謝通知。
刪除其實我都唔知係咪 ( 岩唔岩 ) ~ 只係見 d 相既網子開頭都重係 http://blog.yimg.com/ ( + 後面一大揪字 ) ..... 所以大家再努力check check 吧 !
刪除我check 過.............真係同你講嘅一樣 , 咁我唔繼續搬舊blog lu , 唔想浪費時間 , 寫新blog 無咁辛苦呢~!! >.<
刪除哈哈 ~ 其實我都係諗住 係 yahoo 搬 遊記 only ! 如果到時有時間先睇下點 .....
刪除唉 ~ 好地地 yahoo 學咩人執凹呀 ?!
咪係囉，我依家唔搬喇，自己一早做咗backup 唔搬都無所謂呢。
刪除