由Yahoo Blog 搬過嚟(累積瀏覽 108)
8月5日星期五
今日呢個日子對我非常重要 , 因為係三年前約定 , 爸爸媽媽放咗工返嚟就車我去見呢個重要嘅人 , 泊好車............好快就行到嚟呢個門口~!! 
就係呢度喇 , 大家估唔估到呢~!!!!!!!! 
首先我要乖乖企响呢度~!!
跟住就聽到媽媽讚我 fit 咗好多~!!
原來等待係可以................好緊張呢~!!!!!!!!
爸爸見到我咁緊張...............於是抱起我行去門口 , 嗰一刻我仲以為爸爸拯救我 , 原來所謂嘅拯救行動 , 只係望住個門口睇街街咋~!!
等咗一陣..............入到房就比我見到呢個重要人物(醫生) , 佢手持一支捧捧 , 跟住叫個靚女抱住我 , 原來係拮我個 pat pat , 我呢世仔最憎就係探熱 , 佢一路拮...........我一路 woo 爆佢~!!
探完熱............就笑騎騎同我聽心肺~!!
跟住又睇我啲牙............話我有牙石 , 叫媽媽同我每晚刷牙~!!
然後就到咗戲肉..............
同我打三年一度嘅瘋狗針同續牌
除咗拮pat pat , 我樣樣都好乖, 無記性嘅媽媽竟然唔記得拎針咭嚟比醫生簽 , 又要第日攞番嚟補簽 , 跟住醫生就比咗呢條臨時狗牌比我~!!
返到屋企比媽媽影低個針吼 ~!!
呢個禮拜無得出街街 , 因為打咗針抵抗力會弱咗 , 醫生吩咐7日後先可以沖涼涼呢~!!
沒有留言:
張貼留言