廣告

2011年8月13日 星期六

舊病復發


由Yahoo Blog 搬過嚟(累積瀏覽 239)

8月8日星期一

今朝晨咁早嘔咗二次黃膽水 , 驚醒咗睡夢中嘅媽媽 , 佢即刻彈起身梳洗 , 然後開糧比我食 , 跟住入房換床單被袋 , 佢以為我肚仔餓 , 點知隔咗半個鐘 , 我個胃痛到抽筋 , 嘔番哂啲糧出嚟 , 媽媽見我咁辛苦 , 決定十點鐘診所開門就打電話去 book 睇醫生 , 點知張醫生要夜診先有得睇 , 唯有等到夜晚同我去見張醫生呢~!!
 
今次要食嘅藥................



見到醫生................媽媽將我個情況講比張醫生知 , 又比番幾個月前我抽筋啲片比醫生睇 , 佢都認為我個胃有事 , 因為醫生按我個肚仔某啲位置 , 我痛到不停大叫 , 就係咁..............我要食五日藥 , 仲要空肚24小時 , 等個胃入面啲食物消化哂先可以再食嘢~!!

睇吓我幾無心機~!!

媽媽估計..............可能呢排比得太多好嘢我食, 自船河開始 , 所以搞到我個胃又復發 , 點解我個胃比其他小狗咁弱架~??
另外媽媽問醫生點先可以預防個胃再痛 , 因為媽媽唔想再見到我咁辛苦 , 張醫生建議1.) 改食 Hill's 嘅腸胃糧 , 2.) 可以試食益生菌 , 同爸爸商量完............決定食哂啲藥比益生菌我試 , 睇吓有無幫助 , 希望食哂啲藥我會好番哂呢~!!





沒有留言:

張貼留言