廣告

2014年2月6日 星期四

初三赤口約咗朋友仔一齊行山


2月2日星期日
 
每年嘅初一初二我都要留响屋企等爸媽拜完年返嚟 , 今年都唔例外 , 屈咗兩日响屋企..............今日初三赤口終於有街街去 , 媽媽仲一早約埋 Mui Be 家出嚟拜年兼行山呢~!!
 
 
今日我哋行麥理浩徑第10段
 
 
 
未出發..............先興奮 , 睇吓我哋個個笑容滿面~!!

 
 
 
今日由我做領隊 , 帶未行過呢度嘅兩位學生出發~!!
 

 
 

 學生一號 Mui Mui 出場
 


 

學生二號 BeBe 出場
 
 
 
 

 今日天朗氣清 , 仲有埋藍天白雲 , 最適宜效遊樂~!!
 
 
 
 
 行咗大半路程...............係時候飲吓水食吓嘢補充吓體力 , 睇吓 Mui Mui 為咗食無哂儀態~!!
 
 
 
 
 沿途風景優美 , 水塘景超靚~!!
 
 
 
 
 咁靚嘅景當然要同媽媽影番張合照留念~!!
 
 
 
 

 Mui Mui 問我哋影完未? 要出發喇..................
 

 
 
 睇吓 Mui Mui 個 pat pat 黑白色好得意 , 卡卡~!!
 
 
 
 

 呢度就係我哋今日嘅目的地 , 行到咁高...............當然要影番張相留念 , 由 BeBe 帶頭影先~!!
 
 
 
 
 跟住輪到我影................笑得夠唔夠甜呢~?
 
 
 
 
 咁高望落去..................真係好正 , 仲有埋雲海睇呢~!!
 
 
 
 
 最後幫 Mui Be family 影張家庭照留念~!!


 
 
 又點少得我哋咕碌家呢 , 謝謝 Mui Be Ba 幫我哋揸機 , 影得算唔錯~!!
 
 
 
 
 行番落山 , 遇見一群羊群 , 有成幾拾隻咁多 , 難怪沿途有咁多羊屎屎~!! >.<
 
 
 
 

 難得有呢個機會同羊羊影合照 , 我同媽媽又點會放過呢~!!
 
 
 
 
 再見喇牛牛 , 唔係唔係................哈哈.................係羊羊至啱~!!
 
 
 
 
行咗二個幾鐘頭 , 攞車講好咗一齊去飲下午茶 , 點知去到間食店...............佢哋趕住收爐 , 無得食下午茶 , 唯有各自回家 , 今日我真係玩得好開心 , 謝謝 Mui Be 媽兩封利是 , 行山都有利是收真係好開心 , 唔知各位又收咗幾多利是呢~??
 
 
 
 
 

38 則留言:

  1. BeBe : 教練, 教練, 我好開心呀.. 好耐冇同教練行山喇 )))))))))

    回覆刪除
    回覆
    1. 我都係呀.............嗰日見到你同家姐嘅笑容.................就知你哋好滿意呢個行程呢~!!

      刪除
  2. Mui Mui : 我近排肥咗好多, 教練帶我地去行山,仲可以順便減肥..嘻嘻

    仲有...多謝ee 給我同bebe 的利是 ^0^

    回覆刪除
    回覆
    1. 減吓肥好呀.................女仔要瘦啲先好睇呢 , 卡卡~!!
      我媽媽仲有盒朱古力送比 ee , 唔知食咗未呢?

      刪除
    2. Mui Be 媽: 碌碌,話比媽媽聽朱古力未食呀, 代我多謝媽媽吖, 通常過咗十五我先會拆賀年禮品食咖 ^-^

      刪除
    3. 原來係咁........要過咗十五先食,明白哂,媽媽想知道好唔好味,心急咗添呢。

      刪除
  3. 新年行下大運真係好喇。

    回覆刪除
  4. 新年同朋友一齊行大運,讚!馬年一定健康滿分^^

    回覆刪除
    回覆
    1. 承艾華斯貴言~!!
      媽媽趁尋日未返工 , 仲第一次整餅餅比我食添 , 過幾日一定要寫番篇 blog 留念吓~!!

      刪除
  5. 哎呀! 咁慘! 初一, 二要獨留在家等爸爸媽媽! :(
    唔緊要啦我知你媽咪做咗個大麵包比你食補數! {{(^皿^)}}

    回覆刪除
    回覆
    1. 每年都咁係...............習慣咗呢~!!
      麵包食哂 lu , 得番啲餅餅咋~!!

      刪除
  6. 隻羊個樣....真係好似牛呀!
    圓咕碌笑得好sweet, 睇黎行山的確令人心曠神怡^^

    回覆刪除
    回覆
    1. 哈哈..............係呀 , 我初時以為係隻牛仔嚟呢~!!
      話比你知吖...............我真係好鐘意郊遊架 , 所以笑容特別 sweet 架~!! ^0^

      刪除
  7. 有街出,圓咕碌都顯得特别有朝氣呢~ 爽!
    不過過年期間我都食多佐,都係要開始運動喇(碌地板... 碌,碌,碌...)

    回覆刪除
    回覆
    1. 講得無錯..............有街街去寧舍醒神~!!
      過年咁開心 , 食得是福呢 , 慢慢減~!!

      刪除
  8. 你有無追住D 羊羊玩呀? 哈哈哈 ~

    回覆刪除
  9. 新春行大運, 個個都好精神呢! 圓咕碌笑得好甜, 咕碌媽睇黎好返哂喇, 神清氣爽, 恭喜恭喜! ^_^

    回覆刪除
    回覆
    1. 謝謝 Grey ee 關心 , 我媽媽無哂事喇 , 比之前仲肥咗呢 , 卡卡~!!

      刪除
  10. 今日人日 ^^祝咕碌仔上上員工生日快樂,馬年馬運享通,馬上開心,馬上 健康

    回覆刪除
    回覆
    1. 謝謝森里 , 我都祝你工作順利 , 心想事成呢~!!

      刪除
  11. 碌碌BB伸脷仔個張相好得意,又最上鏡!一家三口個張又好sweet!

    回覆刪除
    回覆
    1. 我張張都伸脷仔 , jane jane 你講邊張呀?
      新年點都要出返張全家福呢 , 卡卡~!!

      刪除
    2. 哈哈.......明白,嗰張相係笑得甜呢。

      刪除
  12. 碌碌由頭到尾都笑容可掬,唔使講都知玩得好盡興。

    回覆刪除
    回覆
    1. Yeah..............都係 Angelo 知我心意 , 抵錫~!!

      刪除
  13. 有朋友仔一齊行山,唔怪得圓咕碌笑得咁甜

    回覆刪除
    回覆
    1. 緊係...............多啲人熱鬧啲呢~!!

      刪除
  14. 我從來冇見過「野羊」! 吉兆呀!

    回覆刪除
    回覆
    1. 啲羊羊有人養架 , 放上山食草 , 咁唔知算唔算吉兆呢?

      刪除
  15. 咁多羊!!!!!原來香港有羊!!!!!*v*

    回覆刪除
  16. Hi Baby, I'm Back! This CNY~ HK really 天朗氣清 , 仲有埋藍天白雲...weather same as summer time^^ I just wear T-shirt last whole week...but I just know become very cold this few days! Take care & wear more coats hor!

    回覆刪除
    回覆
    1. 今年過農曆年真係好溫暖 , 我都唔駛著外套呢~!!
      尋晚開始...............得番幾度......................加上剪完毛毛 , 被迫要著衫衫呢 , 謝謝靚姐姐關心~!! ^0^

      刪除