復活節假期第三天 @ 坪洲半日遊+喜喜冰室

4月16日星期日


一個月前約咗我個女神豆豆 , 仲有Juicy 妹妹今日去坪洲玩  , 十點九個字响中環碼頭集合 , 大家都準時到達 , 買咗少少早餐响碼頭出面食 , 食完啱啱好夠鐘上船 , 即刻去相~!!

上船前同媽媽影返張合照留念

 豆豆小姐

Juicy 妹妹

落咗船.................太陽實在太猛烈 , 大家決定嘆個茶食個包先 , 好彩揾到張枱係有瓦遮頭 , 叫做食得舒服啲~!! 

爸爸仲走咗去買坪洲最出名嘅蝦多士 , 真係好好味架~!! 

仲有芝麻餅

食飽飽原本行上山 , 因為太熱嘅關係 , 大家決定周圍行吓影吓相就算

行到嚟呢度.................近海邊有啲風吹吓先無咁熱 , 爸爸攞部相機出嚟先發現無記憶咭响入面 , 原來之前一晚媽媽拎咗張咭出嚟放相落電腦度 , 唔記得放返入相機呢 , 搞到要用手機影相 , 媽媽有啲唔開心架~!! 

下面兩張相係豆爸幫我影架

唔該哂豆爸呢~!! 

影完相我同媽媽响呢度吹吓海風

望吓海都唔錯呢~!! 

等豆爸影完相我哋又周圍行吓 , 途經蝦多士店舖 , 又打吓咭先

有個妹妹走埋嚟話同我影合照 , 我當然 say yes 啦

點少得同女神影合照留念

今日坪洲有巡遊

舞龍舞師好熱鬧

我哋都企响一邊欣賞吓

睇完又行吓 , 呢間屋好懷舊又影吓相

連消防車都好似玩具車咁...............好細部呢~!! 

行到嚟海邊 , 有大片樹蔭

可以落地周圍聞吓

去個廁所先

Juicy 妹妹知道熱 , 點都唔肯响狗袋出嚟行 , 要豆爸揹住佢 , 對豆爸嚟講真係幾辛苦 , 唯有坐船出返香港 , 臨上船前影返張合照先走~!! 

落咗船...............大家覺得尚早 , 所以出咗銅鑼灣喜喜食 tea , 第一次嚟喜喜 , 當然要影吓相留念啦~!! 

呢度仲有得打兵兵波

估唔到呢度有咁多景點影

有嘢食喇..................

睇吓我幾開心 , 豆豆掛住望嘢食 , 笑屎我呢~!! 

影埋呢張相我有包包食 lu 

謝謝豆媽借部相機比媽媽幫我影沙龍相

我仲有車車揸 , 玩得好 happy 

估唔到响呢度野生捕獲華哥 , 開心屎我同媽媽呢~!! 

咁就過咗一個愉快又難忘嘅假期~!!