廣告

2014年6月11日 星期三

參加 MoMo 生日會


6月8日星期日

好開心今日可以出席到靚女 MoMo 5 歲嘅生日爬地 , 因為之前一日..............我個胃唔舒服 , 嘔咗一次 , 胃痛咗兩次 , 媽媽見我咁辛苦 , 原本打算唔比我去生日會 , 好彩休息咗一日...............見我無大礙就比我出席呢 , 地點响九龍城 Dog Romance 舉行 , 大家都準時12點正到達 , 唔講咁多 , 去片..................


睇吓個生日蛋糕幾靚 ?





到場嘅嘉賓可以响呢張相度留祝福語






壽星女 " MoMo " 出場喇~!!!!!!!!! 






Mo 媽仲親手整咗每人一頂生日帽 , 帶咗生日帽嘅我.................靚唔靚呢 ?






等我介紹吓啲朋友仔比大家認識呢 , 呢個係我嘅學生 " Mui Mui " 






仲有佢妹妹 " BeBe " 






跟住有我同 " 蕃薯 " "可樂 " 嘅合照~!! 






仲有好耐無見嘅 " 緑茶 " 






帶咗生日帽嘅 BeBe 同 Mui Mui 






仲有全場最細粒嘅靚女 " 麥皮 " 






佢哥哥 " 奶茶 " 






坐定定同啲氣球影張合照留念






可樂今日唔乖 , 咬自己哥哥 , 比人罰呢~!! 






BeBe 同 綠茶合照






狗狗開餐喇..................有鴨胸同南瓜雞肉通心粉






仲有三文魚 cream cheese 熱香餅






睇吓蕃薯同可樂坐定定等食~!! 






哈哈....................奶茶話要企响度先快啲有得食呢~!! 






爸媽掛住開餐都無時間影相 , 除咗春卷同咖哩角 , 仲有雞翼 , 鴨胸螺絲粉 , 白汁火腿意粉 同甜品呢~!! 







最後點少得 9狗嚟張大合照 , 辛苦哂背後啲爸爸們~!! 




玩到下午三點鐘左右交場 , 生日會响一片歡樂聲中完結 , 再一次謝謝 MoMo 家嘅邀請 , 我哋玩得好開心呢~!! 






46 則留言:

  1. 原來碌碌星期五唔舒服, 唔怪得生日會冇乜落地啦.. .. 唔怕唔怕,, 去過生日會,病痛遠離碌碌..

    回覆刪除
    回覆
    1. ee 唔係星期五,係星期六呢。
      希望如此,承 ee 貴言呢。

      刪除
  2. 碌碌無事ma? 好好休息, 要快D好番呀!

    回覆刪除
    回覆
    1. 有心喇..............仔仔媽 , 可能嗰幾日食得飽咗啲 , 希望休息下會無事呢~!!

      刪除
  3. 最乖左手邊幾隻狗仔,唔駛管住都坐定定影相喎!
    麥皮最靚女,奶茶同碌BB最靚仔!(BB唔在狀態咋!)BB快d好返啦!

    回覆刪除
    回覆
    1. janejane 係右手邊呢 , 我都坐响右手邊 , 你唔認得我咩 ?
      謝謝 janejane 讚我啲朋友仔靚呢~!!

      刪除
    2. 掛住揾碌BB,左右都講錯左添!哈!
      可樂時時咬哥哥o架?BB你要避開d啦!

      刪除
    3. 唔緊要,你咁掛住我,抵錫呢。
      可樂之前咬過我一次,好彩只係紅咗,不過已經嚇屎媽媽呢。
      可樂成日都蝦哥哥架,今次咬得好勁,替蕃薯難過呢。

      刪除
    4. 怪唔之叫蕃薯啦!被狗蝦真陰公!

      刪除
    5. 蕃薯好乖架,可惜有個咁惡嘅細佬。

      刪除
    6. 其實可樂只係保護自己意識強啲啫, 又唔可以話好惡嘅, 咁麥皮都係好保護自己架... 行埋啲都會發惡架... 個個小朋友都有自己想保護嘅嘢啫 :)

      刪除
    7. 樂樂咬親碌碌,我真係好唔好意思,也明白碌ma好心痛,我以用了好多方法去教佢,每次出去玩我都睇到實,作為樂樂的mama 唔通因為佢咁要遺棄佢,帶佢去人道毀滅嗎?又或只困佢在家唔比機會佢接觸朋友嗎?我深信蕃薯能感受到我的痛苦,所以佢都容忍包容樂樂,不是因為佢叫蕃薯。

      刪除
    8. 樂樂咬碌碌件事已經係上年嘅事,而且事後大家都知道係因為未齊人時,樂樂比一隻史納莎咬,所以處於戒備狀態...何解仲要一而再,再而三喺哩個公開地方標榜, 蕃薯同可樂係兄弟,薯樂爸媽同版主一樣對自已狗狗都視為心肝寶貝... 有否諗下人家嘅感受

      刪除
    9. 多謝大家指教!
      都係最錫碌BB!
      祝所有狗狗健健康康!生活愉快!

      刪除
    10. janejane 我都好錫圓咕碌!
      我都祝你兩位友誼永固!
      永遠幸福快樂!

      刪除
    11. 首先响度要同 janejane 講聲 " 對唔住 " 因為我..............而令到你受到傷害 , 希望你唔好介意~!!
      我選擇沉默.................係因為唔想小事化大 , 畢竟大家都認識咗一段好長嘅日子 , 想大家好來好去 , 日後留一線 , 它日好相見~!!
      我相信..............每一個在你生命裡出現嘅人,都有原因,都有使命。
      喜歡你嘅人給了你溫暖和勇氣;你喜歡嘅人讓你學會了愛和自持;你不喜歡嘅人教會了你寬容和尊重;不喜歡你嘅人讓你知道了自省和成長。
      沒有人是無緣無故出現在你生命裡,每一個人的出現都是緣份,都有原因,都值得感恩 , 謝謝你哋曾經出現過响我嘅生命裡面 , 謝謝你哋曾經愛錫過咕碌仔 , 無奈...........緣盡於此~!!

      刪除
    12. 我都信缘份,綠份到的時候真係擋都擋唔住,因為相信綠份,所以傷害更深,因為包容所有事都變得理所當然,表達自己的感受變成千吉罪人,真係教我上了人生寶貴的一課。

      刪除
  4. hahaha......d 爸爸終于都發揮作用喇! 好大場面呀, 9隻小狗! 咕碌仔小心個胃呀, 近來天氣又悶熱, 無喇喇又落場大雨倒水咁, 好多人病咗呀, take care....^_^

    回覆刪除
    回覆
    1. 我爸爸嘅作用係影相,我唔駛佢扶呢,卡卡。
      Grey ee , 尋日食咗杜蟲藥..........隔咗半個鐘又唔舒服,媽媽好擔心我呢,希望我快啲好番啦。

      刪除
    2. 可能胃粘膜損咗, 暫時唔好刺激個胃呀!

      刪除
    3. 唔好食凍嘢, 过一排好返先喇.

      刪除
    4. 收到,我會話比媽媽知,謝謝 Grey ee 咁關心我呢,錫哂你。

      刪除
    5. 媽媽話可能啲藥太勁,個胃受唔到,會觀察一吓我呢。

      刪除
  5. 咁多隻都要爸爸捉住, 除咗碌碌, 碌碌好叻仔啊! (^0^)b
    胃仔好返啲未呀! 要小心啲呀! 唔係又無街街去架啦!

    回覆刪除
    回覆
    1. 聽到 B 姐姐讚我叻叻...........好開心呢。
      未呀,尋日食咗杜蟲藥又唔舒服,媽媽好擔心呢。

      刪除
  6. 祝碌碌早日康復!怪唔之得碌碌嗰日無乜精神咁

    回覆刪除
    回覆
    1. 謝謝ee 關心。
      係呀.........所以嗰日唔可以食咁多嘢呢。>.<

      刪除
  7. 參加生日會,有得食、有得玩,圓咕碌咩唔舒服都無晒

    回覆刪除
    回覆
    1. 原本就係,不過因為唔舒服,所以食得好少嘢,美中不足呢。

      刪除
  8. 生日蛋糕好靚呀~~BTW,圓咕碌要早日康復呀!到時再食餐好~

    回覆刪除
    回覆
    1. 謝謝艾華斯嘅祝福 , 我會努力..............戰勝病魔呢~!!

      刪除
  9. Wow...... I wish I can join this party, everyone is happy!

    回覆刪除
  10. 最後一張好搞野, 好多穿崩腳 XDDDD

    回覆刪除
    回覆
    1. 無辦法,因為咁多狗狗真係好難影呢。

      刪除
  11. 位位都悉心打扮
    人有人玩,小朋友有小朋友玩^^

    回覆刪除
    回覆
    1. 係呀,呢個生日比咗個好好回憶比我呢。

      刪除
  12. 碌BB,能夠明白對方才可以做朋友,誤解嘅就已經越走越遠啦!
    對我來講少少苦楚等於激勵,昨天的事不會成為今天的絆腳石,反而怕你一家更受傷害。
    太陽伯伯照常出落,世界繼續和平。

    回覆刪除
    回覆
    1. janejane 講得好啱 , 誤解只會越走越遠 , 原本只係同你閒話家常 , 估唔到變成咁樣 , 真係好無奈 , 我寫每篇日記...............係將當日發生嘅事寫出嚟 , 無加多無減少都搞成咁 , 只好認命~!!

      刪除
  13. 咕碌媽, 唔好唔開心, 我了解你嘅為人淡泊和平, 唔係搞是非嘅人, 支持你繼續寫咕碌仔嘅生活點滴, 我係佢嘅big fans呀....^_^

    回覆刪除
    回覆
    1. Grey ee , 真係謝謝你 , 發生呢件事..............我真係好唔開心 , 搞到咁我都唔相信仲可以做朋友 , 既然佢哋都唔當我係朋友 , 唯有响 facebook delete 佢哋 , 估唔到都仲比佢哋話 , 真係唔想再糾纏落去 , 唯有以平常心面對~!!

      刪除
  14. 好細心啊,每位小朋友都有一頂生日帽*^O^*

    回覆刪除
  15. Oh I love the last snap...like all the poodle toys display @ shop :)

    回覆刪除
    回覆
    1. 哈哈.............咁多狗狗一齊影大合照................真係唔容易 , 開心靚姐姐鐘意呢張相呢~!!

      刪除