6月15日星期日
今日係一年一度嘅父親節 , 爸爸一早同我講...............叫我唔好一早叫佢起身 , 比佢瞓晏啲 , 咁就送咗份好好嘅父親節禮物比佢 , 咁簡單嘅要求 , 我當然應承佢啦 , 卡卡~!!
我哋二點半到達 , 揀咗行呢度~!!
坐定定影張水塘相先
跟住開始 hea 行
爸爸想我同啲車車影相 , 今日佢大哂 , 我無得 say no 呢~!!
揀咗行呢段路 , 係因為沿途有樹蔭
呢到好好風 , 企响度涼吓先..................
估唔到有片咁翠綠嘅小草地比我跑呢
呢到仲有條長長嘅樓梯行落深井 , 不過我無行 , 只係負責介紹比大家行呢~!!
介紹完畢
回程 lu
父親節 , 當然要登張同爸爸嘅 sweet sweet 合照~!! ^0^
爸爸換咗架新車 , 我都係第一次同新車合照呢~!!
返到屋企仲要比媽媽幫我洗白白 , 吹毛毛 , 食埋 dinner , 我就去揾周公 , 爸媽就去接爺爺嫲嫲 , ee 出九龍食 dinner , 慶祝父親節 , 响度祝大家父親節快樂~!!!!!!!!!
見到碌BB真係好開心！^_^
回覆刪除最鍾意綠草地個張相！BB你的毛長得都幾快喎！
想問下你坐車要扣安全帶嗎？
聽到 janejane 咁講咁..........我真係好開心。
刪除綠葉襯托吓..........出嚟嘅效果估唔到咁靚，哈哈.........其實都唔算好長，不過影出嚟就好似好長呢，錯覺嚟架。
我坐响媽媽大脾，唔駛扣安全帶呢。
父親節，圓咕碌一家都咁快樂
回覆刪除謝謝 Ruby ee ，我相信你都一定過咗過開心嘅父親節。
刪除我都“無意中”行過呢度呢，不過當時無着運動鞋就無入到郊野公園，但就行過條樓梯通到深井大街～ 仲食佐碗麵先行返青山公路 哈哈
回覆刪除祝咕碌爸父親節快樂！
哈........估唔到你都行過呢度喎，下次你返嚟，媽媽真係頭痛唔知帶你去邊度玩好呢？因為你好多地方都去過呢。
刪除我代爸爸謝謝你。
圓咕碌真係乖仔呀~~
回覆刪除樹蔭低下無咁熱最適合,依家好焗要小心呀
嗰日真係有啲焗架，所以媽媽不停用凍水同我噴濕全身，加上 hea 行半個鐘，所以唔覺得辛苦呢，開心得到殷師奶嘅關心呢。
刪除哈哈，圓咕碌是隻小狗，不旦可愛仲有靈氣！
回覆刪除謝謝小愚探訪，仲讚我有靈氣，開心呢。
刪除咕碌仔企起身個張相好醒目呀! 咕碌爸成身藍色好趁架新車, 佢一定好鐘意架車喇! ^_^
回覆刪除多得有綠葉扶持咋，爸爸依家對個二奶仲好過我同媽媽呢，卡卡。
刪除胃仔唔痛, 心情都靚啲, 笑容都開心啲! 碌碌笑係最靚仔嘅! (^皿^) (^皿^)
回覆刪除B姐姐講得啱，無病痛心情都特別靚呢。
刪除圓咕碌好貼心啊，真係唔早起叫醒爸爸∩__∩
回覆刪除無辦法啦，爸爸要求到，加上一年一度父親節，對我嚟講...........呢個要求無難度呢，卡卡。
刪除你有無送個b'day kiss 比爸爸先? ^o^
回覆刪除好啦.........靜雞雞話比月ee 知，每日我都要錫過爸爸先安落架，卡卡。
刪除You always show the kawai pose to Daddy...everyday is father's Day leh ^^
回覆刪除靚姐姐講得無錯.............日日都係父親節 , 因為我日日都比個kiss 爸爸呢~!!
刪除架車好靚喎，同你一樣咁靚呀！
回覆刪除係咩？聽到 Man Man 咁講......... 真係超開心呢。
刪除