廣告

2013年10月26日 星期六

野生大閘蟹有幾好味?


10月23日星期三
 
每年到咗呢個季節 , 大閘蟹又出籠喇 , 想食得健康又無激素 , 近呢一兩年興起食歐洲野生大閘蟹 ,  究竟有幾好味 , 等我咕碌家話比大家知啦~!!
 
我哋買咗2公2乸(4両半至5両)
 
 
食大閘蟹又點少得陳年花雕酒~!!
 
 
 

 當然唔少得食大閘蟹用具
 
 



碌碌帶上圍巾準備做試食兵團
 
 


 
隔水蒸十五分鐘
 
 
 
 
 打開蟹蓋超多膏(公) , 食落都好甜美 , 略嫌肉質唔夠扎實
 
 
 
 
 乸同樣爆膏
 
 
 
 
 除咗蟹蓋其他地方都好多膏
 
 
 
 
 比個近鏡大家睇吓 , 真係好多膏架 , 肉質比公更加鮮甜 , 更加好味道~!!
 
 
 
 
 到碌碌試食蟹腳 , 嘩............好香蟹味 , 肉質仲好鮮甜呢 , 比分指數4粒半星~!!
 
 
 

 
 最後食埋薑汁花生湯丸 , 大滿足呢~!!
 
 
 
 
 睇碌碌個笑容就知有幾滿意~!!
 
 


食野生大閘蟹有個弊端就係要博 , 之前聽食評講..............有機會會食到"苦"嘅大閘蟹 , 可能因為係野生關係................同佢哋食嘅食物有關 , 唔知算唔算唔好彩 , 我哋4隻有1隻係苦嘅 , 係啲膏超苦 , 不過照食埋落肚 , 証實係無肚痛 , 大家可以放心呢 , 不過經我哋試食兵團食完之後 , 覺得博唔過 , 萬一黑仔起上嚟...............隻隻都係苦咁點算呢~? 都係食番上年食過嘅"木牛湖"大閘蟹會有多啲保証呢~!!




 

23 則留言:

  1. 碌碌想由行山兵團轉為食物品評專家呢! 睇你個樣就知好味啦! {{ (^()^) }}

    回覆刪除
    回覆
    1. 哈哈...........我想走多元化路線,做食家都唔錯呢。

      刪除
  2. 睇到我都流晒口水呢。嘻.........

    回覆刪除
  3. Waaaaa~is my first time to see it from Australia, May I know how much is it?
    Every year I also enjoy it with husband, and must match Ginger Tea also ...Specially this year we can find good quality in Singapore, coz toooo yummy so forget to take photo ^^

    回覆刪除
    回覆
    1. 靚姐姐 , 唔係澳洲.............係荷蘭蟹嚟呢~!! 4両至5両都係為港紙$100蚊/隻 , 當然越大越貴~!!
      係呢..............唔知你哋食嗰啲蟹係邊個國家呢? Giger Tea 一定要飲 , 可以驅寒 , 媽媽鐘意重Giger 味呢~!!
      美食當前真係唔想影相架................不過媽媽答應咗朋友要影比佢睇呢~!!

      刪除
    2. 我哋就冇你咁幸福了。。。只能享受国內飼養的,而且大多是公,不容易找到母的(*^﹏^*)

      刪除
    3. 原來係咁..............好多人都鐘意食公多啲 , 我爸爸就係鐘意食公 , 媽媽鐘意食乸多啲 , 各有各口味~!!

      刪除
  4. EE 唔食蟹, 因為有皮膚敏感 ~

    回覆刪除
    回覆
    1. 我記得..............所以你睇吓好喇 , 唔準你食呢~!!

      刪除
  5. 圓咕碌真係好口福!我媽媽唔食蟹,因為皮膚敏感啊!

    回覆刪除
    回覆
    1. 原來有咁多blog 友仔都唔食得蟹 , 真係可惜呢~!!

      刪除
  6. 咕碌媽咁識整好嘢食, 咕碌仔真係好幸福!

    回覆刪除
    回覆
    1. 媽媽放完工返嚟都會煮飯 , 不過都係好簡單嘅家庭菜 , 唔算叻呢~!! 不過遲啲我真係好有口福 , 話比Grey ee 知..............媽媽買咗個麵包機 , 每日都有新鮮又健康嘅麵包倉呢~!!

      刪除
  7. 蟹好唔好食就其次, 見到碌碌個得意樣先至係最重要

    回覆刪除
    回覆
    1. 你呢位超忠實嘅貴賓 Fans , 睇我就飽呢 , 卡卡~!!

      刪除
  8. 我星期六咁岩又係食野生大閘蟹
    我想問你地有無洗乾淨先烚黎食
    因為呢, 佢地唔似大陸蟹有水草縛住
    一剪開個布袋就周圍爬, 嚇屎我地
    所以無洗就直接放落鑊度煮

    回覆刪除
    回覆
    1. 有洗.............一定要全隻刷 , 唔洗剪開個布袋架 , 連布袋一齊蒸 , 你剪開咗好易比佢夾傷你呢~!!
      係呢.............你嗰啲有無苦呀?

      刪除
  9. 苦 @@ 咁就真係好博下喎 =.="

    回覆刪除
    回覆
    1. 係........啲膏超苦,食野生真係要博。

      刪除