10月6日星期日
今日嘅天氣.............下午都有成31.2度 , 爸媽決定四點半先出車同我去屯門行山 , 今次地點係黃 泥墩水塘~!!
上到山嘅一半路程 , 見到有人放羊 , 爸爸將架車泊埋一邊 , 帶我去睇羊羊~!!
呢隻咁特別嘅羊羊 , 我同媽媽大愛 , 仲有隻羊bb 跟住佢 , 不過走得好快影唔到~!!
睇完羊羊開車上山 lu , 泊好車由呢度開始出發~!!
行完長長嘅斜路 , 嚟到堤壩同媽媽响度欣賞吓日落嘅景色~!!
坐定定影番張沙龍相~!!
影完向黃泥墩水塘出發 , 行到一半見到水塘喇~!!
見呢度啲葉生得咁特別 , 入去睇吓先 , 點知又比爸爸偷影咗~!!
响呢度望落水塘風景真係好靚~!!
爸爸話唔夠靚 , 爬咗上呢個山坡上面睇景~!!
我又要跟埋爸爸上去 , 快啲抱我啦~!!
爸爸上到咁高...............就係為咗影呢個遠景呢~!!
行到六點鐘仲未到水塘 , 爸爸話要回程 , 因為怕天黑 , 無得再玩添~!!
跟住爸爸落山喇~!!!!!!!!!
媽媽話松樹開始結果 , 代表冬天好快就來臨~!!
返到屋企七點鐘 , 沖埋涼吹埋毛已經七點半 , 食埋dinner 我就去揾周公傾計 , 爸媽想我瞓
耐少少 , 仲專登走去打邊爐 , 真係唔話得呢 , 咁就過咗一個愉快嘅family day ~!! ^0^
爸爸影相好pro呀!
回覆刪除太過奬喇，我代爸爸謝謝你。
刪除圓咕碌條圍巾好靚好襯你呀！
回覆刪除謝謝Man Man 讚賞。
刪除我又要跟埋爸爸上去 , 快啲抱我啦~!! <<<<<<<<好鍾意哩張相, 碌碌仔好可愛,好心急驚爸爸漏低佢..
回覆刪除我真係怕爸爸漏低我架，所以媽媽影我相.........我都無望佢一見呢。
刪除點解爸爸, 媽媽要去打邊爐等你瞓耐啲, 係唔係碌碌見到爸爸媽媽就唔瞓覺, 要玩呢? (*∩_∩*)
回覆刪除因為我嗰日無瞓過晏覺，平時爸媽返咗工...........我習慣咗瞓晏覺，所以玩完返嚟會好攰，BB姐姐估啱咗一半，爸媽响度我係唔會瞓覺呢。
刪除咕碌仔, 你企係度o個張好得意, 你靜雞雞話比ee 知, 你究竟見到d 咩, 搞到你o甘緊張, hehe
回覆刪除見到爸爸爬上山坡唔等埋我囉，卡卡。
刪除圓咕碌你真係好乖呀.....跟爸媽一齊行!!
回覆刪除天氣好d,個景仲正呀)))))
我好鐘意行山架，有益身心，講得啱如果有埋藍天白雲..........嗰景會仲正呢。
刪除爸、媽都咁錫你，點會漏低你呢！
回覆刪除咁又係.........不過都唔放心呢。
刪除係高處影個水塘真係好靚啊 ^0^
回覆刪除哈哈..........真係有啲似去咗桂林睇山水。
刪除秋天到開始行山啦，這天我都有去行山，去了大潭水塘到陽明山莊，路線輕鬆風景優美，有機會你過來行吓啦﹗
回覆刪除大譚水塘真係好靚，之前行過呢個地方都好鐘意，一於叫媽媽 plan 吓先。
刪除嘩，有咁多羊羊。
回覆刪除圓咕碌哥哥，你幾時都keep得咁靚仔，讃。
好開心你嚟探我呢，仲讚我keep得好，抵錫。
刪除Oh I love the snap #4 ~ Sooooo Cool with your mummy^^
回覆刪除我都好鐘意同媽媽影嗰張相，影得好自然呢。
刪除咕碌仔你爸爸好勇呀! 為咗影相咁斜都爬得上, 不過影到咁靚嘅相都係抵嘅! (^0^)
回覆刪除爸爸話：影相有時要冒險........先會影到靚相呢。
刪除哈哈 ~ 羊咩咩 !!
回覆刪除羊咩咩真係好可愛，有幾隻仲同我一樣咁細身呢。
刪除圓咕碌媽...想請教下點樣將舊blog既資料搬黎呢度架?
回覆刪除我係將每篇blog copy 過嚟架 , 有blog 友教路copy 過嚟啲相會有個藍色框框住張相 , 按連結就會無咗個藍色框 , 代表唔再同yahoo blog 連結 , 咁啲相就唔會變死圖 , 搬咗一半過嚟 , 又有另一個blog 友同我講話咁做係唔work 嘅 , 啲相遲啲都係會變死圖 , 搞到我無心機再搬舊blog 呢~!! 唯有自己做back up 就算lu~!!
刪除睇人放羊，好得意喎
回覆刪除有隻羊仔同我咁大咋，媽媽超鐘意佢呢。
刪除