10月20日星期日
今日天朗氣清 , 爸媽話帶我去行山 , 呢啲天氣郊遊最適合不過 , 唔知爸爸今次帶我去邊度行呢~?
我哋嘅目的地就係呢度喇~!!!!!!!!
我哋將架車泊响呢度 , 然後出發..............
一嚟就行幾拾級樓梯 , 好彩媽媽抱我咋 , 到咗平路就自己行lu~!!
呢啲山路對我嚟講 easy 汁
沿途有好多樹蔭 , 行得好舒服呢~!!
行咗幾個字就嚟到呢片大草地 , 開心指數即時提升~!!
難得有片草地..............跑陣先
跑完坐定定影番張沙龍相
見到呢個牌...............爸爸話好快就到水塘
沿住呢度一直行
就見到水壩(我哋嘅目的地)
水塘好靚..............仲好平靜
到喇................到水壩喇...................
呢度風景咁靚一定要影番張相留念
行咗咁耐同媽媽休息吓先
呢片咁靚嘅蘆葦草令我深深感受到秋天已經來臨
响呢度望落去................仲會見到"小欖監獄"
呢條堤壩好長 , 行極都未行完
坐响200尺咁高欣賞水塘風景真係好爽呢~!!
影完呢張相離遠見到二隻牧羊咬隻雪橇犬 , 嚇到媽媽即刻抱我走入藍色窗下面躲避
好彩媽媽頭先無比我過去咋 , 驚驚............
以為無事啦...............點知又撞到兩隻唔友善嘅積羅素 , 媽媽已經叫爸爸即刻抱起我 , 點知有一隻積羅素明明跟咗主人走咗................突然跑番轉頭從爸爸背後跳高咬我 , 咬完即刻走佬 , 嚇咗媽媽一跳 , 爸爸仲未知發生咩嘢事 , 行到嚟呢度媽媽即刻同我檢查隻腳 , 好彩只係咬濕咗啲毛 , 隻腳無受傷呢 , 感恩~!!
睇吓我哋行咗幾遠? 影埋呢張相回程lu~!!
今日真係有驚無險 , 點解啲主人知道自己隻狗惡唔拖住呢? 唉................
行到黃昏 , 日落西山~!!
要快啲行落山 , 唔係就天黑喇~!!
六點鐘行番出嚟平路 , 睇吓我幾滿意今日嘅行程~!!
回到家媽媽幫我洗白白 , 爸爸負責吹毛毛 , 食埋糧糧我就瞓覺豬呢 , 謝謝收看~!!
好彩有驚無險咋 >_<
回覆刪除出得來玩大家都想放繩鬆鬆, 但d 主人都要睇實自己d 毛小孩架 .\_/. 有咩意外大家都無引啦 >_<
咪係囉.............好似嗰兩隻積羅素咁 , 跑過嚟圍住我有惡意 , 嗰刻幾驚佢咬我呀 , 媽媽即刻叫爸爸抱起我 , 嗰女主人叫個男主人拖番繩 , 不過嗰男主人無理 , 繼續向前行 , 點知其中一隻跑番轉頭跳高咬我 , 好彩咬唔到我隻腳咋 , 唔係實比佢拉落地呢 , 真係嚇屎媽媽~!! >.<
刪除好彩! 第日如果圓咕碌你見到我或我呢種狗都要避開呀! XD
回覆刪除吓? 鋼毛犬都係惡犬嚟架? 咁下次見到Belle 咪唔可以打招呼囉? XDDD
刪除啲狗主好無家教
回覆刪除真頭係啦..............睇見隻雪橇比嗰兩隻牧羊狗咬 , 牧羊狗主人都無理亦無拉開佢啲狗 , 得雪橇主人自己救隻狗 , 真係好恐怖呢~!!
刪除點解d 主人唔叫住佢地 D 大狗架，終於大細狗都有分別
回覆刪除唉............如果每個狗主做好自己本份就唔會有狗受傷呢~!!
刪除我都PLAN緊同朋友11月去郊遊，希望唔會遇見啲無家教嘅狗狗啦~~
回覆刪除唔駛驚............唔會嘅 , 因為你都無狗狗 , 狗好少咬人 , 放心遊仲要玩得開心啲呢~!!
刪除好彩圓咕碌無樹
回覆刪除丸丸都試過行烏蛟藤比跎地狗咬傷
諗起都驚驚呀 ~
吓............原來丸丸都有呢啲咁可怕嘅經歷 , 好彩無大問題咋 , 聽完你咁講.............我唔會去烏蛟藤呢~!!
刪除仲幫圓咕碌打埋格仔添～Whoahahahaha
回覆刪除但呢度風景都幾靚，都唔知有呢個地方呢！
我只可以性感..............但係唔可以露點呢~!! XDDD
刪除香港其實有好多好靚嘅地方 , 不過好多地方要有車先去到呢~!!
好彩碌碌無事咋! 知道自己隻狗咁惡就唔應該放繩啦, 不負責任! 牧羊狗狗主仲可惡!!!!!!
回覆刪除真係唔明.........點解呢啲狗主咁不負責任，牧羊狗嗰主人真係好衰，唔拉開啲狗，搞到隻雪橇比佢啲狗咬完一次又一次，聽到啲慘叫聲媽媽同我都好驚呢。
刪除睇個標題,嚇得我好緊張地睇到尾,知道圓咕碌最後安全無事.才鬆口氣.
回覆刪除嚇親Angelo真係唔好意思，我無事........唔駛擔心，証明你好錫我，開心ing
刪除好彩圓咕碌無事咋，隻狗咁衰真抵打。佢主人都無責任心，都唔睇住自己隻狗，任得佢咬其他動物，好乞人憎呀！
回覆刪除ManMan 見到你咁緊張我，好開心呢，隻積羅素真係抵打，我無得罪佢，佢無啦啦咬我，好彩我毛多咋，唔係比佢咬到隻腳就扯咗我落地呢。
刪除根本就係主人有問題，哩啲米係身教囉，睇見狗狗咁嘅壞行為，就知狗主本人嘅品行，自私，冇家教，全部係人做成，好彩呀仔冇事，以後唔好再行哩度
回覆刪除講得好啱，係同主人有關。
刪除知道，媽媽話呢度咁多惡狗唔敢再行呢度呢。
碌碌又一次驚險旅程, 好彩無事, 睇怕下次行山碌碌都唔可以距離爸爸媽媽太遠, 最怕嗰啲突襲狗! (-.-)（＞﹏＜）
回覆刪除都好擔心隻雪橇, 唔知傷成點? //(ㄒoㄒ)//
我係响爸爸腳邊行，冷不提防轉彎跑2隻積羅素落嚟，佢哋圍住我聞，媽媽見唔友善即刻叫爸爸抱起我，嗰女主人仲同媽媽講唔好意思，仲叫個男主人拖番佢哋，不過嗰男主人唔聽繼續行，先發生今次事件，好彩只係咬毛毛咋。
刪除hihi, 近日我忙住copy舊blog去新blog, 少左黎探你忝
回覆刪除嘩.............好耐無見呀? 原來你最近搬緊blog , 唔怪之得唔見你嚟探我呢~!!
刪除真係有驚無險,好彩 @@.... 呢度景色不錯,若果天氣好一定好正:P
回覆刪除至LIKE 跑步相 ^^
刪除真係好好彩，如果啲相有埋藍天白雲........一定好美呢。
刪除以後影多啲比你睇吖。
刪除最後一張....真係好識笑架~~
回覆刪除圓媽前左頭髮
原來上去的風景咁靚
笑一笑，世界更美妙。
刪除殷師奶好眼厲呀..........咁都睇得出媽媽剪咗髮，抵讚。
係呀........行到咁高風景真係好正，如果有埋藍天白雲仲靚呢。
好彩你無事咋, 唔係個個狗主都識睇住d 狗, 有感怪獸家長都係o甘, 成日縱d 仔女行兇, 一d 家教都無, 所以..... 唉, 人同狗咪一樣
回覆刪除絕對認同 , 身教真係好重要~!!
刪除Lucky have mummy & daddy protect you dear~ some "Parent" don't mange their pet at all~Sigh
回覆刪除靚姐姐 , 嗰日真係嚇屎媽媽呀 , 好彩我無事咋 , 都唔明點解啲狗主咁唔自律 , 明知自己隻狗係惡嘅就要拖住嚟行, 發生意外佢哋個良心過意得去咩?
刪除好彩圓咕碌冇事咋！
回覆刪除點解啲主人咁冇品o架，簡直係不負責任，任由自己隻狗咬其他狗，仲唔出手阻止！佢哋明知自己隻狗惡就唔好放繩啦！
謝謝Mo 仔關心 , 總算有驚無險~!! >.<
刪除經過呢件事..............媽媽會帶定把雨傘行山 , 咁會安全啲呢~!!
好憎d人唔教好狗狗, 希望雪橇冇事! 水霸個張相好靚, 当然圓咕碌仲靚喇....^o^
回覆刪除雪橇嗰男主人挺身而出保護自己隻狗狗 , 真係好偉大 , 應該皮外傷 , 唔會好大件事呢~!! ee 唔駛咁擔心呢~!!
刪除呢度風景真係好靚 , ee 會唔會嚟影吓相呢?