爸爸放大假

9月26日星期四

爸爸由星期一開始放大假 , 排到今日終於輪到我有街街去喇 , 咁啱媽媽要出觀塘做嘢 , 爸爸同我就做柴可夫車媽媽出觀塘做嘢 , 等媽媽做完嘢 , 首站...........去咗觀塘狗公園 , 地方都算唔錯 , 有草地比我跑吓 , 第二站..............去咗觀塘海濱花園 , 等我介紹一吓呢個地方先................
 
觀塘海濱花園原址為觀塘公眾貨物裝卸區東南端的沿海地段，佔地7340平方米，是整項啟德發展計劃的首個休憩用地項目。海濱花園建有一座特色塔樓地標，其設計意念來自公眾貨物裝卸區內堆放的一疊疊回收廢紙。每天晚上，塔樓地標內的燈飾會隨着音樂變色閃動，配合地上散射的水霧，以及整條海濱步道地燈的色彩變化，悅目的燈光營造出七彩繽紛的夢幻效果。
    
   呢座就係"塔樓 " 係咪好有特式呢~!!

 
 
   側面睇都好靚架
 
 
 
   咁有特式嘅建築物 , 一定要影番張相留念~!!
  
 
  企定定比爸爸影
 
 
 
  坐定定又影 , 呢度仲好大風添 , 吹到我頭髮亂了~!!
 
 
 
   點少得同媽媽合照
 
 
 
  影完相跑吓草地先
 
 
 
   又比媽媽捉住影相相
 
 
 
   跑到熱哂.............媽媽叫停我飲水水
 
 
 
   仲要我坐低休息吓 , 坐响呢度睇海景真係好正架~!!
 
 
   休息完爸爸叫我哋做 model 比佢影吓 , 當然無問題呢~!!
 
 
 
   哈哈.............睇吓我幾專業 ?
 
 
 
   第三站............."玩轉天橋底 " 呢度有好多"塗鴉作品" 影相唔錯架~!!
 
 
 
  我身後面呢座就係"玩轉天橋底 " 嘅作品之一
 
 
 
  入去參觀吓先..............咩嘢都無 , 不過風涼水冷~!!
 
 
 
   坐响呢度欣賞" 塗鴉 "最適合不過喇~!!!!!!!
 
 
 
  介紹完觀塘好去處 , 我哋又出發去下一站 lu~!!
 

 
  第四站.............汀九灣海濱公園 , 爸爸上網睇過 , 呢度最適宜影青馬大橋 , 夜景仲一流~!!

 
  視察完環境 , 真係唔錯 , 下次一定會再嚟~!!
 
 
  我頭頂係"汀九橋 " 呢個角度影真係好正~!!
 
 
  
 行到六點幾要走喇 
 
 
 
  因為開始有蚊咬爸爸媽媽呢~!!
 


返停車場攞車 , 見到有架綠Van 轉彎撞到架電單車 , 好彩電單車手只係擦傷手腳 , 媽媽問候咗佢幾句 , 証實無事先開車返屋企 , 媽媽話雖然大家唔認識 , 不過發生交通意外點都會驚驚 , 慰問一吓 , 心都會定啲 , 希望電單車哥哥早日康復~!!