廣告

2013年10月22日 星期二

遇惡犬 , 避無可避


10月20日星期日 
 
今日天朗氣清 , 爸媽話帶我去行山 , 呢啲天氣郊遊最適合不過 , 唔知爸爸今次帶我去邊度行呢~?
 
我哋嘅目的地就係呢度喇~!!!!!!!!
 
 
我哋將架車泊响呢度 , 然後出發..............
 
 
 
 
 
 
 
 
 
 
 
 

 
 
 
 
 
 
 


 
 
 
 
 
 
 
 
 
 
 
 

 一嚟就行幾拾級樓梯 , 好彩媽媽抱我咋 , 到咗平路就自己行lu~!!




 
 呢啲山路對我嚟講 easy 汁
 
 
 
 
 
沿途有好多樹蔭 , 行得好舒服呢~!!
 
 
 
 
 
行咗幾個字就嚟到呢片大草地 , 開心指數即時提升~!!
 
 
 
 
 
難得有片草地..............跑陣先
 
 
 
 
 
跑完坐定定影番張沙龍相
 
 
 
 
 
見到呢個牌...............爸爸話好快就到水塘
 
 
 
 
 
沿住呢度一直行
 
 
 
 
 
就見到水壩(我哋嘅目的地)
 
 
 
 
 水塘好靚..............仲好平靜
 
 
 
 
 到喇................到水壩喇...................
 
 
 
 
 呢度風景咁靚一定要影番張相留念
 
 
 
 
 行咗咁耐同媽媽休息吓先
 
 
 
 
 
呢片咁靚嘅蘆葦草令我深深感受到秋天已經來臨
 
 
 
 
 
响呢度望落去................仲會見到"小欖監獄"
 
 
 
 
 呢條堤壩好長 , 行極都未行完
 
 
 
 
 
坐响200尺咁高欣賞水塘風景真係好爽呢~!!
 
 
 
 
影完呢張相離遠見到二隻牧羊咬隻雪橇犬 , 嚇到媽媽即刻抱我走入藍色窗下面躲避
 
 

 
 
好彩媽媽頭先無比我過去咋 , 驚驚............
 
 
 
 
以為無事啦...............點知又撞到兩隻唔友善嘅積羅素 , 媽媽已經叫爸爸即刻抱起我 , 點知有一隻積羅素明明跟咗主人走咗................突然跑番轉頭從爸爸背後跳高咬我 , 咬完即刻走佬 , 嚇咗媽媽一跳 , 爸爸仲未知發生咩嘢事 , 行到嚟呢度媽媽即刻同我檢查隻腳 , 好彩只係咬濕咗啲毛 , 隻腳無受傷呢 , 感恩~!!
 
 

 
 
  睇吓我哋行咗幾遠? 影埋呢張相回程lu~!!
 
 
 
 
今日真係有驚無險 , 點解啲主人知道自己隻狗惡唔拖住呢? 唉................ 
 
 
 
 
 
行到黃昏 , 日落西山~!!
 
 
 
 
 
要快啲行落山 , 唔係就天黑喇~!!
 
 
 
 
 
六點鐘行番出嚟平路 , 睇吓我幾滿意今日嘅行程~!!
 
 
 
 
 回到家媽媽幫我洗白白 , 爸爸負責吹毛毛 , 食埋糧糧我就瞓覺豬呢 , 謝謝收看~!!




 
 
 
 
 
 
 

40 則留言:

  1. 好彩有驚無險咋 >_<
    出得來玩大家都想放繩鬆鬆, 但d 主人都要睇實自己d 毛小孩架 .\_/. 有咩意外大家都無引啦 >_<

    回覆刪除
    回覆
    1. 咪係囉.............好似嗰兩隻積羅素咁 , 跑過嚟圍住我有惡意 , 嗰刻幾驚佢咬我呀 , 媽媽即刻叫爸爸抱起我 , 嗰女主人叫個男主人拖番繩 , 不過嗰男主人無理 , 繼續向前行 , 點知其中一隻跑番轉頭跳高咬我 , 好彩咬唔到我隻腳咋 , 唔係實比佢拉落地呢 , 真係嚇屎媽媽~!! >.<

      刪除
  2. 好彩! 第日如果圓咕碌你見到我或我呢種狗都要避開呀! XD

    回覆刪除
    回覆
    1. 吓? 鋼毛犬都係惡犬嚟架? 咁下次見到Belle 咪唔可以打招呼囉? XDDD

      刪除
  3. 回覆
    1. 真頭係啦..............睇見隻雪橇比嗰兩隻牧羊狗咬 , 牧羊狗主人都無理亦無拉開佢啲狗 , 得雪橇主人自己救隻狗 , 真係好恐怖呢~!!

      刪除
  4. 點解d 主人唔叫住佢地 D 大狗架,終於大細狗都有分別

    回覆刪除
    回覆
    1. 唉............如果每個狗主做好自己本份就唔會有狗受傷呢~!!

      刪除
  5. 我都PLAN緊同朋友11月去郊遊,希望唔會遇見啲無家教嘅狗狗啦~~

    回覆刪除
    回覆
    1. 唔駛驚............唔會嘅 , 因為你都無狗狗 , 狗好少咬人 , 放心遊仲要玩得開心啲呢~!!

      刪除
  6. 好彩圓咕碌無樹
    丸丸都試過行烏蛟藤比跎地狗咬傷
    諗起都驚驚呀 ~

    回覆刪除
    回覆
    1. 吓............原來丸丸都有呢啲咁可怕嘅經歷 , 好彩無大問題咋 , 聽完你咁講.............我唔會去烏蛟藤呢~!!

      刪除
  7. 仲幫圓咕碌打埋格仔添~Whoahahahaha
    但呢度風景都幾靚,都唔知有呢個地方呢!

    回覆刪除
    回覆
    1. 我只可以性感..............但係唔可以露點呢~!! XDDD
      香港其實有好多好靚嘅地方 , 不過好多地方要有車先去到呢~!!

      刪除
  8. 好彩碌碌無事咋! 知道自己隻狗咁惡就唔應該放繩啦, 不負責任! 牧羊狗狗主仲可惡!!!!!!

    回覆刪除
    回覆
    1. 真係唔明.........點解呢啲狗主咁不負責任,牧羊狗嗰主人真係好衰,唔拉開啲狗,搞到隻雪橇比佢啲狗咬完一次又一次,聽到啲慘叫聲媽媽同我都好驚呢。

      刪除
  9. 睇個標題,嚇得我好緊張地睇到尾,知道圓咕碌最後安全無事.才鬆口氣.

    回覆刪除
    回覆
    1. 嚇親Angelo真係唔好意思,我無事........唔駛擔心,証明你好錫我,開心ing

      刪除
  10. 好彩圓咕碌無事咋,隻狗咁衰真抵打。佢主人都無責任心,都唔睇住自己隻狗,任得佢咬其他動物,好乞人憎呀!

    回覆刪除
    回覆
    1. ManMan 見到你咁緊張我,好開心呢,隻積羅素真係抵打,我無得罪佢,佢無啦啦咬我,好彩我毛多咋,唔係比佢咬到隻腳就扯咗我落地呢。

      刪除
  11. 根本就係主人有問題,哩啲米係身教囉,睇見狗狗咁嘅壞行為,就知狗主本人嘅品行,自私,冇家教,全部係人做成,好彩呀仔冇事,以後唔好再行哩度

    回覆刪除
    回覆
    1. 講得好啱,係同主人有關。
      知道,媽媽話呢度咁多惡狗唔敢再行呢度呢。

      刪除
  12. 碌碌又一次驚險旅程, 好彩無事, 睇怕下次行山碌碌都唔可以距離爸爸媽媽太遠, 最怕嗰啲突襲狗! (-.-)(>﹏<)
    都好擔心隻雪橇, 唔知傷成點? //(ㄒoㄒ)//

    回覆刪除
    回覆
    1. 我係响爸爸腳邊行,冷不提防轉彎跑2隻積羅素落嚟,佢哋圍住我聞,媽媽見唔友善即刻叫爸爸抱起我,嗰女主人仲同媽媽講唔好意思,仲叫個男主人拖番佢哋,不過嗰男主人唔聽繼續行,先發生今次事件,好彩只係咬毛毛咋。

      刪除
  13. hihi, 近日我忙住copy舊blog去新blog, 少左黎探你忝

    回覆刪除
    回覆
    1. 嘩.............好耐無見呀? 原來你最近搬緊blog , 唔怪之得唔見你嚟探我呢~!!

      刪除
  14. 真係有驚無險,好彩 @@.... 呢度景色不錯,若果天氣好一定好正:P

    回覆刪除
    回覆
    1. 真係好好彩,如果啲相有埋藍天白雲........一定好美呢。

      刪除
    2. 以後影多啲比你睇吖。

      刪除
  15. 最後一張....真係好識笑架~~
    圓媽前左頭髮
    原來上去的風景咁靚

    回覆刪除
    回覆
    1. 笑一笑,世界更美妙。
      殷師奶好眼厲呀..........咁都睇得出媽媽剪咗髮,抵讚。
      係呀........行到咁高風景真係好正,如果有埋藍天白雲仲靚呢。

      刪除
  16. 好彩你無事咋, 唔係個個狗主都識睇住d 狗, 有感怪獸家長都係o甘, 成日縱d 仔女行兇, 一d 家教都無, 所以..... 唉, 人同狗咪一樣

    回覆刪除
  17. Lucky have mummy & daddy protect you dear~ some "Parent" don't mange their pet at all~Sigh

    回覆刪除
    回覆
    1. 靚姐姐 , 嗰日真係嚇屎媽媽呀 , 好彩我無事咋 , 都唔明點解啲狗主咁唔自律 , 明知自己隻狗係惡嘅就要拖住嚟行, 發生意外佢哋個良心過意得去咩?

      刪除
  18. 好彩圓咕碌冇事咋!
    點解啲主人咁冇品o架,簡直係不負責任,任由自己隻狗咬其他狗,仲唔出手阻止!佢哋明知自己隻狗惡就唔好放繩啦!

    回覆刪除
    回覆
    1. 謝謝Mo 仔關心 , 總算有驚無險~!! >.<
      經過呢件事..............媽媽會帶定把雨傘行山 , 咁會安全啲呢~!!

      刪除
  19. 好憎d人唔教好狗狗, 希望雪橇冇事! 水霸個張相好靚, 当然圓咕碌仲靚喇....^o^

    回覆刪除
    回覆
    1. 雪橇嗰男主人挺身而出保護自己隻狗狗 , 真係好偉大 , 應該皮外傷 , 唔會好大件事呢~!! ee 唔駛咁擔心呢~!!
      呢度風景真係好靚 , ee 會唔會嚟影吓相呢?

      刪除