廣告

2013年10月9日 星期三

麥理浩徑第10段


10月6日星期日

今日嘅天氣.............下午都有成31.2度 , 爸媽決定四點半先出車同我去屯門行山 , 今次地點係黃 泥墩水塘~!!

 上到山嘅一半路程 , 見到有人放羊 , 爸爸將架車泊埋一邊 , 帶我去睇羊羊~!!






































呢隻咁特別嘅羊羊 , 我同媽媽大愛 , 仲有隻羊bb 跟住佢 , 不過走得好快影唔到~!!



完羊羊開車上山 lu , 泊好車由呢度開始出發~!!





行完長長嘅斜路 , 嚟到堤壩同媽媽响度欣賞吓日落嘅景色~!!


 


 坐定定影番張沙龍相~!!


 


 影完向黃泥墩水塘出發 , 行到一半見到水塘喇~!!


 


 見呢度啲葉生得咁特別 , 入去睇吓先 , 點知又比爸爸偷影咗~!!


 


 响呢度望落水塘風景真係好靚~!!





 爸爸話唔夠靚 , 爬咗上呢個山坡上面睇景~!!


 


我又要跟埋爸爸上去 , 快啲抱我啦~!!  


 


 爸爸上到咁高...............就係為咗影呢個遠景呢~!!





 行到六點鐘仲未到水塘 , 爸爸話要回程 , 因為怕天黑 , 無得再玩添~!!


 


跟住爸爸落山喇~!!!!!!!!!


 


 媽媽話松樹開始結果 , 代表冬天好快就來臨~!!




返到屋企七點鐘 , 沖埋涼吹埋毛已經七點半 , 食埋dinner 我就去揾周公傾計 , 爸媽想我瞓
耐少少 , 仲專登走去打邊爐 , 真係唔話得呢 , 咁就過咗一個愉快嘅family day ~!! ^0^




30 則留言:

  1. 圓咕碌條圍巾好靚好襯你呀!

    回覆刪除
  2. 我又要跟埋爸爸上去 , 快啲抱我啦~!! <<<<<<<<好鍾意哩張相, 碌碌仔好可愛,好心急驚爸爸漏低佢..

    回覆刪除
    回覆
    1. 我真係怕爸爸漏低我架,所以媽媽影我相.........我都無望佢一見呢。

      刪除
  3. 點解爸爸, 媽媽要去打邊爐等你瞓耐啲, 係唔係碌碌見到爸爸媽媽就唔瞓覺, 要玩呢? (*∩_∩*)

    回覆刪除
    回覆
    1. 因為我嗰日無瞓過晏覺,平時爸媽返咗工...........我習慣咗瞓晏覺,所以玩完返嚟會好攰,BB姐姐估啱咗一半,爸媽响度我係唔會瞓覺呢。

      刪除
  4. 咕碌仔, 你企係度o個張好得意, 你靜雞雞話比ee 知, 你究竟見到d 咩, 搞到你o甘緊張, hehe

    回覆刪除
    回覆
    1. 見到爸爸爬上山坡唔等埋我囉,卡卡。

      刪除
  5. 圓咕碌你真係好乖呀.....跟爸媽一齊行!!
    天氣好d,個景仲正呀)))))

    回覆刪除
    回覆
    1. 我好鐘意行山架,有益身心,講得啱如果有埋藍天白雲..........嗰景會仲正呢。

      刪除
  6. 爸、媽都咁錫你,點會漏低你呢!

    回覆刪除
  7. 係高處影個水塘真係好靚啊 ^0^

    回覆刪除
    回覆
    1. 哈哈..........真係有啲似去咗桂林睇山水。

      刪除
  8. 秋天到開始行山啦,這天我都有去行山,去了大潭水塘到陽明山莊,路線輕鬆風景優美,有機會你過來行吓啦﹗

    回覆刪除
    回覆
    1. 大譚水塘真係好靚,之前行過呢個地方都好鐘意,一於叫媽媽 plan 吓先。

      刪除
  9. 嘩,有咁多羊羊。
    圓咕碌哥哥,你幾時都keep得咁靚仔,讃。

    回覆刪除
    回覆
    1. 好開心你嚟探我呢,仲讚我keep得好,抵錫。

      刪除
  10. Oh I love the snap #4 ~ Sooooo Cool with your mummy^^

    回覆刪除
    回覆
    1. 我都好鐘意同媽媽影嗰張相,影得好自然呢。

      刪除
  11. 咕碌仔你爸爸好勇呀! 為咗影相咁斜都爬得上, 不過影到咁靚嘅相都係抵嘅! (^0^)

    回覆刪除
    回覆
    1. 爸爸話:影相有時要冒險........先會影到靚相呢。

      刪除
  12. 回覆
    1. 羊咩咩真係好可愛,有幾隻仲同我一樣咁細身呢。

      刪除
  13. 圓咕碌媽...想請教下點樣將舊blog既資料搬黎呢度架?

    回覆刪除
    回覆
    1. 我係將每篇blog copy 過嚟架 , 有blog 友教路copy 過嚟啲相會有個藍色框框住張相 , 按連結就會無咗個藍色框 , 代表唔再同yahoo blog 連結 , 咁啲相就唔會變死圖 , 搬咗一半過嚟 , 又有另一個blog 友同我講話咁做係唔work 嘅 , 啲相遲啲都係會變死圖 , 搞到我無心機再搬舊blog 呢~!! 唯有自己做back up 就算lu~!!

      刪除
  14. 回覆
    1. 有隻羊仔同我咁大咋,媽媽超鐘意佢呢。

      刪除