晨咁早去行山

由Yahoo Blog 搬過嚟(累積瀏覽 546)

8月5日星期日

交代一吓點解呢篇blog咁耐都未出 , 都係因為四年一度嘅奧運 , 媽媽太熱愛睇奧運 , 每晚睇到好夜都未瞓...............邊有時間幫我執相吖 , 再加上佢唔小心整親隻手婉 , 痛咗幾日 , 要等佢好番先可以搞相, 所以咪咁遲出呢篇blog 囉~!!  希望大家唔好介意~!! 每次媽媽同我出街都會睇吓天文台 , 今日都唔例外..............佢知道大埔, 西貢嗰邊一早落緊雨 , 就叫爸爸早啲同我出街街 , 今日對我哋嚟講.............十點鐘出發算早呢 , 仲要爸爸媽媽餓住個肚嚟行山 , 都係為咗趕及落雨前同我去街街呢~!! 爸爸媽媽真係好錫我架~!!!!!!!!!

今日行呢度係因為大埔嗰邊落緊雨...............呢邊一定係蔭天~!!



爸爸因為唔慣太早起床 , 所以今日由媽媽操刀幫我影相相~!!





咁早嚟晨運...............真係幾舒服架~!!





我哋沿住水塘行 , 等我周圍聞吓先..............





途經一個小瀑布 , 嚟親都無影過比大家睇 , 媽媽今次記得影呢~!!





仲有呢個山洞 , 唔知入面住咗咩嘢動物呢~!!





今日行呢度好好風 , 吹到我變咗隻小魔怪.................好好笑呢~!!!!!!!!!





比媽媽發現沿途有好多松果 , 又大又靚~!!





嚟到呢個涼亭................就係終點站 , 呢度有一片小草地比我跑 , 好正架~!!





媽媽見我跑到咁熱..............





即刻要我坐响涼亭到飲水休息吓................





休息完..............我哋回程走 lu , 話咁快就行番出嚟水壩~!!





我一支箭帶頭行先..............爸爸媽媽都唔夠我快呢~!!





行到出嚟大路...............食粒零食補充吓~!!





爸爸呢度好好風呀...............吹多陣先行啦~!!





吹到唔捨得走..................好舒服呀))))))))))





掛住吹風..............快啲追番爸爸至得喇~!!!!!!!!!





行咗二個鐘係時候陪爸爸媽媽食lunch , 今日好好彩無落雨 , 感恩呢~!!




我哋去咗大埔食 lunch , 仲撞到隻邊界牧羊狗 , 得歲半大非常活潑呢 , 食完 lunch 就返屋企洗手腳 , 吹毛毛 , 然後下午去揾周公傾計呢~!! 今日玩得好開心~!!