由Yahoo Blog 搬過嚟(累積瀏覽 404)
2月19日星期日
今日太陽伯伯一早出嚟開工 , 我同媽媽唔想錯過曬太陽嘅時光 , 迫爸爸十點幾起床 , 然後一家人落元朗食 lunch , 食完 lunch 直踩入流水嚮水塘 , 因為我早幾日打咗防疫針嘅關係 , 今次只會 hea 住嚟行 , 媽媽唔比我行得太辛苦呢~!!
一落車就比我哋見到呢隻咁靚嘅蝴蝶~!!
行到嚟水塘 , 今次啲水好滿好滿~!!
連媽媽都話靚................忍唔住同我影合照留念~!!
影完相我哋沿呢條路入去...............
行到盡頭有條樓梯上燒烤場
上到去...............比我哋發現呢隻咁特別嘅蝴蝶响度採緊花蜜 , 春天真係來臨 lu ~!!
等我四周圍聞吓先...............
爸爸話有條路向山上面行................不過要行好多級樓梯 , 媽媽同我聽到...............即刻掉頭走~!!
話咁快行番嚟水塘 lu ~!! 
媽媽話我尿尿個姿勢好man , 所以偷影咗我 , 搞到我好尷尬~!!
呢度真係好適宜 hea , 玩咗個幾鐘頭係時候返屋企 lu ~!!
快樂嘅時光過得特別快呢~!!
大家睇完呢個行程...............係咪覺得我哋好 hea 呢~?? 因為中午時份越嚟越熱...............我又未剪毛毛 , 爸爸唔想我太辛苦 , 所以決定回家呢~!!
响尋日我走咗去扮靚靚 , 剪咗個春裝 , 好清爽 , 唔信..............比張相大家睇吓呢~!! 
我靚唔靚仔呢~??
希望大家都鐘意我呢個新 look 呢~!! 
沒有留言:
張貼留言