由Yahoo Blog 搬過嚟(累積瀏覽 390)
1月29日星期日
今日係人日.............即係人人都生日 , 响度祝大家生日快樂 , 唔知係咪爸爸知道自己生日大哂 , 所以佢趁住今日休息 , 瞓到十二點幾先肯起身 , 難為我同媽媽要自己食早餐 , 媽媽仲不停做家務打發時間 ,
而我呢.............有計畫地陪伴爸爸身邊 , 佢一郁我就即刻上前"lam" 醒佢~!! 
今日無得行山 , 唯有嚟東涌跑吓草地 , 吹吓海風呢~!!
一嚟到我就忍唔住跑喇...................
飛得幾高.................
哈哈.............安全降落~!!
跑到嚟爸爸面前先停低~!!!!!!!!!!
跑咗咁耐................要坐低休息一陣~!!
跑完草地過咗嚟另一邊吹海風 , 比我發現新朋友仔~!!!!!!!!!
即刻上前打招呼................聞吓你係男定女先................!!
原來係女仔嚟架 , 5 歲喇..............點解你咁凍仲鏟哂啲毛架~??
原來係佢個主人無同佢定時梳毛 , 所以好多"kick" , 咪要鏟哂成個身啲毛 , 真係鄧佢可憐~!!!!!!!!! 
同靚女傾完計..............我哋沿海邊行吓~!!
插响水中嘅木條 , 係欣澳嘅特式嚟架 , 不過越嚟越少lu~!!
咁有特式..............當然要比媽媽同我影番張相留念~!!
呢度平時好多人响度釣魚 , 唔知係咪因為太陽伯伯無出嚟................加上有啲凍嘅關係 , 所以得番一兩個人釣魚~!!
行到五點鐘................又係時候上車返屋企~!!
媽媽見啲花花開得咁燦爛 , 要我坐定定影埋張沙龍相先走~!!
返到屋企仲要比媽媽同我洗白白 , 吹毛毛同梳毛毛 , 好開心呢個新年媽媽每日都煮雞肉同三文魚比我食 , 我真係希望自己增肥成功 , 呢個係媽媽响龍年其中一個願望之一 , 我要加油呢 , 聽日媽媽就要返工lu , 又得番我一個响屋企 , 一切要回復正常喇 , 有啲唔慣呢 , 開心嘅時光過得特別快~!!!!!!!!!!
沒有留言:
張貼留言