抽血檢驗

由Yahoo Blog 搬過嚟(累積瀏覽 618)

2月15日星期三

响三個月前(即舊年11月)...............我第一次皮膚敏感 , 當時媽媽見我個肚仔出咗幾點紅點 , 以為我去完街街比蚊咬 , 點知隔多一日.............紅點越嚟越多 , 於是媽媽帶我睇醫生 , 醫生問媽媽係咪用咗漂白水拖地 , 咁啱個陣時..............屋企換新 sofa , 媽媽拖咗一個禮拜漂白水 , 以為真係呢個原因搞到皮膚敏感 , 點知一停藥隔多個禮拜又返發 , 前前後後睇咗幾次醫生 , 媽媽覺得唔對勁 , 加上呢幾個月我嘅體重不斷下降 , 由原本4kg 降到得番2.9kg , 足足無咗成 kg 咁多 , 媽媽真係好擔心 , 除咗瘦咗之外............我又食得玩得瞓得 , 藉著今日打一年一度嘅防疫針 , 媽媽決定叫醫生同我做全身檢查~!!!!!!!!!!


醫生話要驗哂所有嘢...............抽咗我2.0ml 咁多血呢~!!




醫生聽完媽媽嘅分析...............都話要驗血 check 吓 ~!!





所以唔同我打防疫針住 , 等驗血報告出咗先................





抽血喇..............我好叻無郁又無叫~!!





話咁快就抽完..............醫生都話我乖呢~!!





等咗個幾鐘頭..............有報告睇 lu ~!!




自上次响大帽山腳行山 , 發現有牛B , 媽媽一直好擔心我會中牛B 熱 , 嗰陣時問過醫生..............醫生話要隔幾個月先驗得血 , 所以今次驗血媽媽都叫醫生驗埋牛蜱熱 , 以防萬一 , 入到醫生房睇報告..............醫生話我好健康 , 心肝脾肺腎都好正常 , 紅白血球都正常 , 又無牛蜱熱 , 又無心絲蟲 , 爸爸媽媽聽到醫生咁講..............真係開心到眼有淚光 , 報告唯一一樣偏低................就係 AMYL (俗稱: 澱粉酵素) , 我瘦嘅原因都係因為呢個指數低 , 導致我吸收唔到營養 , 同埋皮膚免疫力差 , 容易敏感 , 媽媽好開心揾到個原頭 , 醫生開咗呢兩種藥比我食~!! 解釋完仲要比醫生打防疫針 , 原本相安無事 , 當打咗支針落去..............有隻狗不停吠 , 嚇咗我一跳 , 我一郁 , 好彩醫生手快............即刻放手 , 等我郁完先再註射啲藥入我個身度 , 好彩無斷針咋~!!




解釋吓啲藥先................第一種係消化酵素 , 食咗應該令到我體重增加 , 第二種係抗氧化(俗稱: 魚油丸) 食咗皮膚會好轉 , 兩種藥要食一個月 , 如果食咗啲藥有成效 , 就代表對症到下藥 , 爸爸媽媽真係希望醫生開啲藥有效 , 咁我就可以肥番少少 , 靚仔過以前 , 哈哈..............!! 今年做咗全身檢查 , 醫生話下年先要再做 , 咁咪要年年抽血驗囉~?? 我唔制呢~!!!!!!!!!!!