變哂落水狗

由Yahoo Blog 搬過嚟(累積瀏覽 62)

7月1日香港特別行政區成立紀念日

今日係公眾假期 , 爸爸媽媽唔駛返工 , 仲約咗幾個朋友仔同我一齊去行山 , 目的地係粉嶺鶴藪水塘 , 三部車由元朗出發 , 入到粉嶺估唔到落好大雨 , 於是啲大人決定返元朗大棠行 , 因為出嚟嘅時候...........元朗係好好天呢~!!

泊好哂車............開始行lu , 蔭蔭天又有風好正呀~!!

好耐無見嘅"BeBe" 妹妹

仲有佢哥哥"綠茶" 

沿途行嘅時候落咗幾陣雨 , 搞到個個小朋友都濕哂身 , 越向前行就越落得大雨 , 啲大人有雨傘都濕身~!!  唯有行返轉頭 , 响涼亭避雨 , 順便影吓相 , 個個小朋友都笑唯獨"BeBe" 唔開心, 我同"BeBe"講: 希望在明天嫲~!!

我雖然變咗落水狗 , 但係都玩得好開心~!!

"MuiMui"都好enjoy呢~!! 

反而"BeBe"依然好cool ~!!  

綠茶好開心可以同妹妹相認~!!

"BeBe"同家姐影合照~!!

跟住又點少得同親哥哥影合照留念呢~!!

等雨停咗..........一齊行番去停車場攞車 , 然後一齊去洪水橋食lunch , 食飽飽就各自揸車回家 , 回到家比媽媽洗完白白吹完毛毛 , 我先可以瞓覺豬呢 , 今日玩得好開心~!!