端午節前夕大戰 Pig Pig 車

由Yahoo Blog 搬過嚟(累積瀏覽 58 )

6月5日星期日

今日天氣實在太熱 , 其實最適宜去游水 , 但係我上個禮拜先游完 , 媽媽唔想我沖涼沖得咁密搞到啲皮膚唔好 , 所以早兩日買咗個玩具比我 , 決定今日响屋企陪我玩~!!

等我嚟同大家介紹 , 呢個就係 Pig Pig 車

我好鐘意呢個新玩具~!!

來來回回咁接個玩具 , 我都唔嫌架~!!

玩咗成個鐘 , 媽媽話同我影張大頭相比大家睇~!!  

 

哈哈..............係咪好似PigPig 豬呢~??  媽媽今日仲煮咗雞肉比我做晚餐呢~!!  雖然今日無街街出 , 但係我都過得好開心呢~!!
6月6日端午節
今日係端午節, 爸爸媽媽當然要應吓節食吓糭啦~!! 媽媽全日都陪住我 , 爸爸下午走咗去洗車 , 到咗夜晚佢哋食完飯返嚟已經十點鐘 , 估唔到爸爸媽媽話帶我去元朗西鐵站某個公園玩...........
睇吓我幾興奮 , 坐响架車入面不停望出窗睇街街~!!

話咁快就到咗西鐵站 , 呢個公園都係第一次嚟咋~!!

睇吓我玩得幾開心~!!

呢度又有草地比我跑 ~!!

又有石屎地行 , 睇吓我個樣就知我好滿意呢~!!

玩咗成個鐘 , 臨走同媽媽影張合照先返屋企呢~!!

兩日假期話咁快就完結 , 開心嘅日子過得特別快~!!  希望大家端午節都過得開開心心呢~!!