又係時候去扮靚

由Yahoo Blog 搬過嚟(累積瀏覽 90)

6月11日星期六

爸爸媽媽尋日攞咗假過澳門 , 一行五人去澳門睇水舞間同飲飲食食 , 雖然行程好趕 , 都係為咗早啲返嚟照顧我 , 趕啲都無辦法呢~!!  媽媽對水舞間仲讚不絕口 , 佢話真係好值得睇~!!  到咗今日 , 以為爸爸要返工得媽媽陪我 , 點知佢一早攞咗假 , 仲話車我入西貢玩 , 同我行咗一陣 , 就放低咗我响姐姐度 , 原來今日嘅目的係帶我去扮靚靚 , 唔知點解次次嚟都好快走得 , 但係今日我足足企咗四個鐘頭咁耐呢~!!   媽媽就由有陽光等到落大雨 , 初時媽媽仲以為我唔知發生咗咩嘢事嚇屎佢呢 , 好彩接我嗰陣見我無嘢先放心哂~!!

睇吓我個new look , 係咪好 BB 呢~??  

今次唔要高耳 , 將對耳仔剪短哂~!!

手腳都剪得好短 , 方便第日去游水呢~!!

我同媽媽都好滿意今次呢個夏天裝 ~!!

6月12日星期日
今日媽媽一早起身 , 好忙咁响度執屋 , 原來我嘅表妹大駕光臨 , 我同佢都係第一次見面咋~!!
呢個就係我個表妹"旻旻" , 今年一歲零五個月大 , 佢好鐘意狗狗架~!!  

一嚟到.............我就遞隻手同佢握握手 ~!!

握完手佢仲摸我個頭呢~!!

比表妹摸完唔知有無零食呢~??

等陣先同你玩 , 我要食嘢喇~!!

見你咁鐘意我 , 等表哥錫啖你啦 , 唔駛怕羞架~!!

表妹仲餵我食士多啤梨添~!!

我仲同舅母一齊影合照 , 睇吓我哋笑得幾開心 , 表妹响後面呷醋呢~!!

媽媽見表妹唔開心 , 仲比咗啲餅餅佢食 , 睇吓佢食得幾津津有味~!!

除咗舅父一家 , 仲有婆婆同姨姨嚟探我 , 我玩得好開心呢 , 佢哋坐到六點鐘一齊去食晚飯 , 媽媽等我食埋糧 , 去埋大小廁所先回合佢哋 , 我測試咗............媽媽雖然好錫表妹 , 但係始終最錫嗰個都係我 , 哈哈~!!!!!!!!