探望老友記

由Yahoo Blog 搬過嚟(累積瀏覽 44)

6月18日星期六

今日哈比媽同埋兩個 ee 入咗嚟元朗約咗媽媽飲茶 , 飲完茶仲上咗嚟我屋企坐添 ,  原來哈比媽特登入嚟飲完茶車我哋去佢屋企玩呢~!!

嚟到哈比媽屋企睇吓我幾開心~!!

咁耐無見..............同哈比影番張合照先~!!

又點少得"卡卡"妹妹呢~!!

"卡卡"對我太熱情 , 所以我唔同佢玩 , 佢唯有自己咬住呢個玩具發洩~!!

估唔到佢狗仔細細咬住個咁大嘅玩具通屋走 , 好似响度拖地咁 , 好好笑呢~!!

cool 爆的"哈比" , 早排入咗幾日院 , 好在依家無事咋~!!

不過睇到佢隻手咁..............我又諗起自己有病嗰陣時 , 有啲心痛呢~!!

第一次嚟"哈比"家, 緊係要同媽媽影番張相留念啦~!!

零食時間到喇............ , 最乖緊係我同"卡卡"啦~!!

响"哈比" 家玩到五點幾 , 轉下場喇.............
地點係元朗大棠 , 去到大棠啱啱六點鐘 , 睇吓天色幾靚~!!

嚟到忍唔住即刻vv , 因為响哈比家無去過廁所呢~!!

跟住由S姐姐帶路 , 我要等埋媽媽所以行得最慢~!!

行咗一大段路............我同"卡卡"都有啲熱 , 係時候補充吓水份~!!

飲完水食完零食又向住呢條路出發 lu~!!

行咗成個鐘 , 同"卡卡"揾張櫈休息一陣先.............

行到七點鐘 , 天開始黑, 唯有回程 lu ~!!

返到停車場攞車已經七點半 , 跟住揸車落元朗食晚飯 , 食完晚飯又麻煩哈比媽車我哋返屋企 , 响返屋企途中我攰到瞓著咗呢~!!  今日節目真係好豐富 , 我玩得好開心~!!  
6月19日父親節

由於爸爸有少少喉嚨痛 , 一早走咗去睇醫生 , 食咗啲藥好眼瞓 , 所以今日我無扭出街 , 出名孝順嘅我 , 決定留响屋企陪住爸爸 , 當同爸爸慶祝咗父親節 ,  媽媽見响屋企咁得閒..............於是捉住我剪手甲 , 拔耳毛同洗耳仔 , 又幫我剪 pat pat 毛 , 幫我扮完靚靚仲陪我玩咗一陣玩具 , 爸爸媽媽陪到我五點鐘就走去接爺爺嫲嫲出九龍灣食晚飯慶祝父親節 , 我留响屋企揾周公, 响度祝大家有個開心嘅父親節~!!!!!!!!!!