10月23日星期日
今日約咗豆豆 family 去東龍島郊遊 , 十一點鐘响東龍島碼頭士多集合 , 然後一齊出發 , 唔講咁多...............即刻去相....................!!
咁耐無嚟呢度...............同媽媽打吓咭先
話咁快就嚟到營地
天朗氣清 , 郊遊真係一大樂事
近海真係好好風
當然唔少得同豆媽豆豆影合照留念 ~!!
媽媽抱住我一齊望海
行到嚟燈塔 , 我見到一大片草地 , 開心到狂奔 , 原來啲草草係濕嘅 , 因為之前一日落過雨 , 所以影呢張大合照 , 我最 dirty , 哈哈................好彩笑容搭夠 ~!!
景點之一
184 號燈塔
因為太斜..................抱住我哋落去會有危險 , 所以响呢度影算數 , 吹到我頭髮都亂了~!!
呢張偷拍相...............爸爸影得唔錯 ~!!
影完相行返上嚟大草地
豆豆話玩得好開心
咁遲先肯同我影合照 , 嬲嬲豬
Juicy 小姐話影完相快啲比小食做奬勵
回程去士多嘆個 tea
抱完長長嘅樓梯 , 到我哋自由行呢~!!
快樂嘅旅程話咁快就要完結
食完下午茶搭 3 點鐘船回碼頭 , 今日玩得好盡興 , 返到屋企比媽媽同我沖涼 , 發現我尾巴位置有條刺插住咗 , 於是用眉鉗幫我拔出嚟 , 爸爸負責 hold 住我 , 拔出嚟原來都幾長 , 我大叫咗一聲 , 無流血 , 只係又紅又腫 , 媽媽幫我消毒完再用茶樹膏幫我搽傷口 , 好彩無全支插哂入去 , 如果唔係...............就要見醫生呢 , 真係不幸中之大幸 ~!!
今日玩得開心喎~~吹吹風就爽啦~~
回覆刪除好彩無事咋~~~媽媽手勢好好,無流血
呢度好易行,除咗泥路同樓梯由媽媽抱,其他地方都行得好舒服呢。😊
刪除帶咗幾日喇叭,好慘呢。😁
噢,慘慘豬,要嗲阿娘比多哋好嘢食補充番呢
回覆刪除佢哋有呀,如果唔係..........我唔放過佢哋呢。😁
刪除嘩,碌碌仔,香港啲島都有你啲腳我啦^^
回覆刪除哈哈.......都留低唔少腳毛呢。😂😂
刪除我打錯字你都估到係腳毛, 叻^^
刪除有我最鍾意o既兩個BB呀!
回覆刪除係呀,你幾時得閒?同我去行山?
刪除第2第3張相碌碌好靚!
回覆刪除謝謝小月讚美。😊
刪除全因你做導遊我先知道香港有咁正的景,連比刺插到,你媽媽都發現到,太細心呢!
回覆刪除靚姐姐有時間返嚟.........一定要行吓山,香港有好多好地方呢。😉
刪除每次玩完返屋企,媽媽都會沖洗乾淨,然後會全身幫我check 一次,確保我有無整損咗,媽媽真係好錫我架。😘
東龍島都幾舒服呢:)
回覆刪除唔錯架,有時間要去行吓呢。😉
刪除係咪路邊啲草叢有刺?
回覆刪除係呀.........真係唔好彩呢~!! >.<
刪除