今日同天氣競賽

6月12日星期日



今日天文台話咗有雨落 , 天文台 apps 顯示.............十一點鐘有大雨來臨 , 媽媽即刻叫醒爸爸 , 趁未落雨前同我去公園行一陣 , 今日仲約咗 Horlick 妹妹食 lunch , 所以要爭取時間~!!

以下全部相都用手機影 , 因為有雨落唔攞大機呢~!!

嚟到公園泊好車 , 影張相就開始自由活動

我梗係爭取時間去 vv 先..................

行入嚟公園吹吓風

好耐無見過呢種蝸牛 , 媽媽超興奮 , 因為媽媽讀書時期好鐘意呢種蝸牛架~!! 

呢度幾靚吖 , 影張相留念先

跑草地我笑得最開心

夠鐘喇.................約咗靚女唔可以遲到呢~!! 

天文台真係好準 , 話十一點鐘開始落大雨 , 真係落大雨 , 仲落咗好耐呢 , 我哋會合完 Horlick 家 , 响停車場等停咗雨先入餐廳食 lunch , 送咗份生日禮物比 Horlick , Horlick 媽話要影返張合照留念 , 睇吓我同 Horlick 妹妹幾開心 , 出面落雨都無影响我哋嘅心情~!!  

呢個飯局食咗兩個幾鐘頭 , 見無雨落.............然後再同 Horlick 家去之前嗰公園行一陣 , 不過我唔知係咪之前飲水飲得太多同太急 , 咳咗好耐先無事 , 加上有啲攰 , 去到公園我胃痛唔舒服 , 坐咗响架車休息 , 陪唔到 Horlick 妹妹玩 , 真係唔好意思 , 等到我無事 , 就同 Horlick 家各自回家休息 ~!!