6月8日星期三
話咁快又個半月 , 係時候去日本姐姐度扮靚靚 , 唔講咁多.................去相~!!
我呢個 summer look 靚唔靚呢?
我同媽媽都好滿意
媽媽話我剪細咀好睇 , 所以 keep 住剪細咀~!!
比多張近鏡大家睇吓啦
希望大家鐘意我呢個新 look 呢~!!
6月9日星期四
今日係一年一度嘅端午節 , 嫲嫲每年都會整椶比爸媽食 , 今年都唔例外 , 有鮑魚瑤柱咸肉椶 , 好香架 , 不過我無份食~!!
今日有貴客到訪 , 就係 Apelles ee 同 Tiff 嚟我屋企探我同爸媽 , 當然要影張合照留念呢~!!
Tiff 真係好鐘意我 , 成日讚我靚仔架
依家仲夠膽抱我添 , 比 10 個 like 你
坐咗一陣 , 佢哋就落元朗開餐 , 食泰國菜 , 佢哋話好好味~!!
四個人食六個餸 , 好大食 , 第一次見蒜蓉包係一條長方型 , 好有特式
呢間媽媽推介 , 叫" 亞萊嘜嘜 " 超多人等位 , 不過真係好好味呢~!! 食到十點送埋佢哋去搭車 , 爸媽就返嚟陪我 , 謝謝 ee 送咗 6 包鮑魚麪比爸爸做生日禮物 , 真有爸爸心 , 端午節就這樣過~!!
好靚！
回覆刪除謝謝小月讚美~!!
刪除哩個look好襯咕碌:)
回覆刪除我都覺呢~!! ^0^
刪除好靚嘅look喔，以前我老闆有隻poodle，我很錫佢，一向比日本人gromming好地地，有次他的媽媽為了慳錢，比星人gromming...他回來很愁的躲在我的書桌不肯見人XD。。。我都住過元朗一年，好多食铺又平又好味，超懷念呢！
回覆刪除哈哈.........隻poodle 都聰明呢~!!
刪除元朗真係好多好嘢食 , 有機會.........靚姐姐返嚟食餐飽呢~!! ^0^
圓咕碌嘅summerlook好好睇，好可愛呢！
回覆刪除Man Man 鐘意就好喇~!!!!!!!
刪除碌碌個summer look 好醒神呀^^
回覆刪除hehee.........真架? 開心呢~!! ^0^
刪除梗係真啦😊
刪除謝謝ee讚美。
刪除4個人6個餸, 你哋真係好食得喎! (^0^)b
回覆刪除樣樣都好味，傾吓食吓唔夠又再叫多兩個餸，份量唔係好大碟呢。
刪除我幾時都覺得咕碌仔係最靚仔的
回覆刪除聽到ee咁讚我，今晚又開心到瞓唔著呢。
刪除碌BB時時都咁靚仔。
回覆刪除前日我遊完大阪返來,買左包野食比你呀,嘻嘻!
好掛住你呀，原來你去咗日本旅行，一定玩得好開心呢。
刪除你唔駛成日買嘢比我架，得閒出嚟見吓我，我仲開心呢。