12月5日星期六
今日媽媽放假 , 原本佢响屋企做家務 , 因為天文台話星期日會落雨 , 媽媽唔想我呢個星期無得出街 , 十一點幾就同我落街散步 , 難得兩母子出街 , 媽媽帶埋相機同我吓影相呢~!!
行咗唔夠幾個字 , 就比呢兩個小妹妹野生捕獲 , 我覺得自己好似發哥 , 咔咔~!!
好喇 , 影完相簽埋名 , 終於有自己嘅私人時間
hehee............好彩我今日著得都幾型仔
企高啲睇吓佢哋仲有無跟嚟
終於有自己嘅私人時間
呢度風景都唔錯架 , 沿途有樹蔭
影咗咁耐相 , 點解無零食做獎勵 ? 吓 ? 無帶出嚟 ? 返到屋企記得比返我呢~!!
原本行去新公園影相 , 點知..............嚟到圍牆就開始落雨
啲雨仲越落越密 , 唯有急步行返屋企
媽媽行快啲啦 , 部相機濕咗好麻煩架~!!
行到返屋企我都變咗半隻落湯雞 , 好彩都玩咗個幾鐘頭 , 返到屋企即刻沖涼涼吹毛毛 , 然後瞓返個晏覺 , 媽媽就忙住做家務 , 咁就過咗一個愉快嘅週末 , 謝謝大家收看~!!
哦.......無帶零食落街,唔係呀嘛,下次唔好喇^^
回覆刪除咕碌媽: 哈哈........又要揹袋又要攞相機 , 太趕真係一時大意 , 下次唔敢呢~!!
刪除行行吓落雨，有啲掃興囉，係咪一返到屋企就問阿娘補番啲零食呢
回覆刪除媽媽初時打算做完家務先帶我落街散步 , 見嗰天好似想落雨 , 唯有即刻同我落街 , 係有啲掃興架 , 我都未玩夠 , 不過越落越密 , 唔走唔得呢~!!
刪除有呀 , 媽媽講過一定算數 , 我最信任媽媽呢~!! ^0^
"比呢兩個小妹妹野生捕獲 , 我覺得自己好似發哥 , 咔咔~!!" Baby U make me laugh on the spot XDXD Singapore on Dec always raining also, but I love it...sometime imagine look like snowing here :)
回覆刪除哈哈.......我專登咁寫架 , 就係想入嚟睇嘅人開開心心呢 , 引到靚姐姐笑 , 証明我成功咗喇~!!!!!!!
刪除原來星球嗰邊十二月會落雨 , 好彩靚姐姐識自我安慰 , 有時幻想吓落雪又真係幾浪漫呢~!!
咪幾浪漫 ^^
回覆刪除都係嘅。
刪除我都想野生捕獲圓咕碌呀！
回覆刪除咁就要睇吓我同Man Man 有無緣呢，咔咔。
刪除最鍾意岳高頭望住媽媽個張相，真係乖BB，抵錫！人人都錫你呀。
回覆刪除唔制呀............我要janejane 錫，嗰張相我都好 like 呢。
刪除應該係野生捕獲朝偉呀 :)
回覆刪除哈哈.........發哥比朝偉多人捕獲，所以我咪寫發哥呢，証明小月真係我嘅忠實fans。
刪除如果ee野生捕獲咗圓咕碌, 一定要捉住影相留念呢! :)
回覆刪除你唔捉我影，我都捉你影呢。
刪除遇到偶像是很興奮的，好羨慕兩個小妹妹呢！
回覆刪除唔駛羨慕，你可能都有機會呢，咔咔。
刪除媽媽真係好錫圓咕碌，咁忙都同你散步同影相~~
回覆刪除我好幸運有個咁錫我嘅媽媽呢。
刪除碌碌, 比人野生捕獲呢重行為, 遲啲你就會習慣啦! 哈哈! (^0^) (*0*)
回覆刪除我唔係唔習慣，只不過呢兩個小妹妹太熱情，臨走仲要同我講.........好唔捨得呢。
刪除