廣告

2015年8月10日 星期一

豆豆十歲生日會


8月2日星期日

今日係我嘅女神豆豆開生日會 , 狗生第一個十年 , 一定要搞大佢 , 生日會响下午二點鐘開始 , 我哋一點半到達 , 幫手佈置場地 , 爸爸負責做攝影師 , 我同媽媽當然周圍招呼朋友仔啦 , 唔講咁多...............去相~!!!!!!!!



呢個就係當日嘅生日蛋糕



人嘅食物




狗狗嘅食物




壽星女出場喇~!!!!!!!! 




比個近鏡大家睇清楚啲




睇吓豆媽笑得幾開心




豆豆一家




我都好替豆豆開心呢~!! 




影完相要招呼朋友仔喇~!!!!!!! 




豆豆換咗第二件衫出場




等我都同女神影張合照先




8月之星仲有 Timmy 仔 , 兩位壽星合照留念




當然唔少得我同豆豆合照呢~!! 




仲有我同媽媽合照




Juicy 妹妹




雪糕仔




QQ 媽媽




佢個孫 " 草莓 " 




新朋友仔 " 拉茜 " 




Hero 




Precy 




Horlick 妹妹




呀 Don 




難得3隻唔同色嘅臘腸合照




爸爸都幫我影咗呢張沙龍相




最後多謝大家出席豆豆嘅生日會




美中不足 , 我比隻大貴婦狗咬損咗隻耳仔 , 流咗少少血 , 當時媽媽去咗廁所 , 爸爸放咗我落地 , 嗰隻狗無端端走過嚟咬我 , 圍住條頸都損哂 , 媽媽知道咗件事之後好唔開心 , 止咗血唔再比我落地玩 , 唔想再有流血事件發生 , 好彩耳仔咬中耳邊位 , 如果成隻耳仔咬落去 , 嗰度咁多微絲血管 , 一定流好多血 , 止血嘅姐姐話我哋知嘅 , 唉................點解啲狗主知道自己隻狗會咬狗都唔拖住呢 , 事後先拖又有咩嘢用呢?????? 








28 則留言:

  1. 圓咕碌冇事丫麻,個隻狗真係好唔啱,佢個主人更要反省下囉。

    回覆刪除
    回覆
    1. 唉.........嗰晚返到屋企同佢沖涼,第二日耳邊仲流緊血,我幾擔心呀,好彩搽咗幾日藥膏無事咋,傷口痛咕碌又唔想比我搽,唔搽又唔好,真係好心痛呢。
      謝謝 Man Man 關心呢。

      刪除
  2. 聽妳咁講圓咕碌真係好辛苦呢,俾多些佢鍾意食嘅食物或玩具氹下佢啦,好想抱抱佢安慰一下呢。

    回覆刪除
    回覆
    1. 咕碌媽:謝謝你咁錫咕碌仔,我比咗好多零食氹佢呢,佢好乖又懂事,搽藥膏已經唔再周圍郁,有心呢。

      刪除
  3. 開口咬的一定是不對,狗主要學識點樣令自己嘅狗冷靜,否則只會再有下次發生。
    戥媽媽心痛,你要快啲好番。

    回覆刪除
    回覆
    1. 你講得啱,教好一隻狗係狗主嘅責任。
      我咁錫咕碌,佢受傷我真係好心痛,希望快啲好返哂呢。

      刪除
  4. 哎呀... 陰公豬囉~
    本來開開心心去玩點知受傷, 依家好返未呀?!

    回覆刪除
    回覆
    1. 謝謝 JimJim 關心,我已經好返好多呢。
      咪係囉,原本得幾隻小狗嘅時候,我玩得好開心,後來嚟咗隻大poodle 就出事,

      刪除
  5. 圓咕碌點呀?爸爸媽媽實好擔心!
    好可惜,本來玩得咁開心,最後竟然流血收場……希望佢主人會反省,唔好再俾佢隻狗狗亂咬~

    回覆刪除
    回覆
    1. 今晚會同佢洗耳仔啲血 , 睇吓傷口埋咗未? 謝謝艾華斯關心呢~!!
      唉.............好日都唔去生日會 , 一去就有意外 , 豆家同嗰個咬人狗主都熟 , 唔想為難豆家 , 所以無追究件事 , 只希望佢哋經過今次嘅意外 , 會教吓佢隻狗呢~!!

      刪除
  6. 回覆
    1. 叻女 , 識開新 blog , 歡迎你回來呢~!!

      刪除
  7. 有無9両菜呀,D人唔睇住自己隻狗咩,仲要去咬人
    我覺得咬人狗一定唔止第1次去咬狗,無啦啦仲咩咬人吖,一定發狗癲
    以後唔好再見咬人狗,怕咬開有條癮.....嗚嗚'''

    回覆刪除
    回覆
    1. 咕碌:知道殷師奶咁激動都係因為緊張我同錫我,媽媽當時同你一樣都好嬲,仲決定豆豆如果下年搞生日會,再請嗰家人,媽媽會全程抱住我,唔比我落地玩呢,媽媽仲話咗爸爸幾句,話佢放我落地又唔睇住我,搞到發生今次嘅意外呢。

      刪除
  8. 碌BB,來抱抱多D!快D好返哂!以後識帶眼識狗呀!識say no呀!識走呀!
    心痛C人!!!

    回覆刪除
    回覆
    1. 剛剛洗完耳仔啲血,耳邊開始結蕉,janejane 唔駛擔心我,我好快好返呢。

      刪除
    2. 我代豆豆謝謝你嘅祝福。

      刪除
  9. 狗善俾狗欺,佐咩咬人哋喔... 難道嬌小,可愛,靚仔都有罪?碌碌真係陰公猪囖~ 希望無嚇親喇!

    回覆刪除
    回覆
    1. 唉..........可能黑仔先比狗咬,所以媽媽好少同我去多狗嘅地方玩,就係怕發生意外,一家人簡簡單單行郊外仲開心呢。
      有心,謝謝Joyce 姐姐關心。

      刪除
  10. 好多狗主都識唔教 ! 出左事就只會講 : 佢係咁架 ! 衰到死 ! ...........
    我地嗰時咪又係咁 ! 只要星期 6 有時間都會早放 cookie . 點知次次都會預到嗰隻 芝娃娃 . 明明係佢沖埋黎咬 cookie 頸 ! 好彩 cookie 係 金毛 . 條頸毛厚 ! 有一次我同老公都出聲鬧佢 ! 唔識教就拖住佢啦 ! 點之個主人話 : 狗係咁玩架啦 ! 你又唔拖住自己嗰隻 ~ 我咪答佢 . 係呀 你報警話我唔拖狗啦 ! 等你呀 .
    你話幾好笑呀 ~ 佢隻狗沖埋黎咬我隻狗 , 重可以聲大大話我唔拖狗

    回覆刪除
    回覆
    1. 原來你哋都有呢啲唔好嘅經歷,好彩cookie 無受傷,咕碌就無咁好彩呢。
      其實狗主唔好好教好自己隻狗,咬到人同狗都唔好,只好講句:無家教。

      刪除
  11. 真係無妄之災,圓咕碌好慘呀!希望你早日康復啊!
    我覺得個狗主真係好有責任,明知自己狗狗燥狂就拖實D啦大哥!

    回覆刪除
    回覆
    1. 謝謝你安慰,狗主連一句sorry 嘅說話都無,好唔負責任,算啦,我唔會再比呢啲意外發生呢。

      刪除
  12. 碌碌好番未呀? 一定好痛......主人太唔負責任勒! 知道自己隻狗會咬狗就要帶口罩同拖繩啦! 好過份!!!

    回覆刪除
    回覆
    1. 好返哂喇,嗰日真係嚇屎我,去完廁所出嚟,碌爸話呀仔比隻狗咬到隻耳仔濕哂,叫我用紙巾抹返啲口水,抹抹吓我成隻手都係血,先知呀仔流血,真係好驚,好彩嗰間店嘅職員即刻同呀仔止血,返到屋企檢查,圍住條頸都損哂,心痛屎我呢。
      唉........嗰家人知道咗件事,只係拖返隻狗,一聲sorry都無,都係嗰句,知自己隻狗咬狗就拖繩啦,點解咁唔負責任呢?

      刪除