8月2日星期日
今日係我嘅女神豆豆開生日會 , 狗生第一個十年 , 一定要搞大佢 , 生日會响下午二點鐘開始 , 我哋一點半到達 , 幫手佈置場地 , 爸爸負責做攝影師 , 我同媽媽當然周圍招呼朋友仔啦 , 唔講咁多...............去相~!!!!!!!!
呢個就係當日嘅生日蛋糕
人嘅食物
狗狗嘅食物
壽星女出場喇~!!!!!!!!
比個近鏡大家睇清楚啲
睇吓豆媽笑得幾開心
豆豆一家
我都好替豆豆開心呢~!!
影完相要招呼朋友仔喇~!!!!!!!
豆豆換咗第二件衫出場
等我都同女神影張合照先
8月之星仲有 Timmy 仔 , 兩位壽星合照留念
當然唔少得我同豆豆合照呢~!!
仲有我同媽媽合照
Juicy 妹妹
雪糕仔
QQ 媽媽
佢個孫 " 草莓 "
新朋友仔 " 拉茜 "
Hero
Precy
Horlick 妹妹
呀 Don
難得3隻唔同色嘅臘腸合照
爸爸都幫我影咗呢張沙龍相
最後多謝大家出席豆豆嘅生日會
美中不足 , 我比隻大貴婦狗咬損咗隻耳仔 , 流咗少少血 , 當時媽媽去咗廁所 , 爸爸放咗我落地 , 嗰隻狗無端端走過嚟咬我 , 圍住條頸都損哂 , 媽媽知道咗件事之後好唔開心 , 止咗血唔再比我落地玩 , 唔想再有流血事件發生 , 好彩耳仔咬中耳邊位 , 如果成隻耳仔咬落去 , 嗰度咁多微絲血管 , 一定流好多血 , 止血嘅姐姐話我哋知嘅 , 唉................點解啲狗主知道自己隻狗會咬狗都唔拖住呢 , 事後先拖又有咩嘢用呢??????
圓咕碌冇事丫麻，個隻狗真係好唔啱，佢個主人更要反省下囉。
回覆刪除唉.........嗰晚返到屋企同佢沖涼，第二日耳邊仲流緊血，我幾擔心呀，好彩搽咗幾日藥膏無事咋，傷口痛咕碌又唔想比我搽，唔搽又唔好，真係好心痛呢。
刪除謝謝 Man Man 關心呢。
聽妳咁講圓咕碌真係好辛苦呢，俾多些佢鍾意食嘅食物或玩具氹下佢啦，好想抱抱佢安慰一下呢。
回覆刪除咕碌媽：謝謝你咁錫咕碌仔，我比咗好多零食氹佢呢，佢好乖又懂事，搽藥膏已經唔再周圍郁，有心呢。
刪除陰公豬囉，姨姨錫番
回覆刪除有ee 錫，我即刻無事呢。
刪除開口咬的一定是不對，狗主要學識點樣令自己嘅狗冷靜，否則只會再有下次發生。
回覆刪除戥媽媽心痛，你要快啲好番。
你講得啱，教好一隻狗係狗主嘅責任。
刪除我咁錫咕碌，佢受傷我真係好心痛，希望快啲好返哂呢。
哎呀... 陰公豬囉~
回覆刪除本來開開心心去玩點知受傷, 依家好返未呀?!
謝謝 JimJim 關心，我已經好返好多呢。
刪除咪係囉，原本得幾隻小狗嘅時候，我玩得好開心，後來嚟咗隻大poodle 就出事，
圓咕碌點呀？爸爸媽媽實好擔心！
回覆刪除好可惜，本來玩得咁開心，最後竟然流血收場……希望佢主人會反省，唔好再俾佢隻狗狗亂咬~
今晚會同佢洗耳仔啲血 , 睇吓傷口埋咗未? 謝謝艾華斯關心呢~!!
刪除唉.............好日都唔去生日會 , 一去就有意外 , 豆家同嗰個咬人狗主都熟 , 唔想為難豆家 , 所以無追究件事 , 只希望佢哋經過今次嘅意外 , 會教吓佢隻狗呢~!!
咕碌媽, 我回來了 :)
回覆刪除叻女 , 識開新 blog , 歡迎你回來呢~!!
刪除有無9両菜呀,D人唔睇住自己隻狗咩,仲要去咬人
回覆刪除我覺得咬人狗一定唔止第1次去咬狗,無啦啦仲咩咬人吖,一定發狗癲
以後唔好再見咬人狗,怕咬開有條癮.....嗚嗚'''
咕碌：知道殷師奶咁激動都係因為緊張我同錫我，媽媽當時同你一樣都好嬲，仲決定豆豆如果下年搞生日會，再請嗰家人，媽媽會全程抱住我，唔比我落地玩呢，媽媽仲話咗爸爸幾句，話佢放我落地又唔睇住我，搞到發生今次嘅意外呢。
刪除碌BB，來抱抱多D！快D好返哂！以後識帶眼識狗呀！識say no呀！識走呀！
回覆刪除心痛C人！！！
豆豆Happy Brithday！
刪除剛剛洗完耳仔啲血，耳邊開始結蕉，janejane 唔駛擔心我，我好快好返呢。
刪除我代豆豆謝謝你嘅祝福。
刪除狗善俾狗欺，佐咩咬人哋喔... 難道嬌小，可愛，靚仔都有罪？碌碌真係陰公猪囖~ 希望無嚇親喇！
回覆刪除唉..........可能黑仔先比狗咬，所以媽媽好少同我去多狗嘅地方玩，就係怕發生意外，一家人簡簡單單行郊外仲開心呢。
刪除有心，謝謝Joyce 姐姐關心。
好多狗主都識唔教 ! 出左事就只會講 : 佢係咁架 ! 衰到死 ! ...........
回覆刪除我地嗰時咪又係咁 ! 只要星期 6 有時間都會早放 cookie . 點知次次都會預到嗰隻 芝娃娃 . 明明係佢沖埋黎咬 cookie 頸 ! 好彩 cookie 係 金毛 . 條頸毛厚 ! 有一次我同老公都出聲鬧佢 ! 唔識教就拖住佢啦 ! 點之個主人話 : 狗係咁玩架啦 ! 你又唔拖住自己嗰隻 ~ 我咪答佢 . 係呀 你報警話我唔拖狗啦 ! 等你呀 .
你話幾好笑呀 ~ 佢隻狗沖埋黎咬我隻狗 , 重可以聲大大話我唔拖狗
原來你哋都有呢啲唔好嘅經歷，好彩cookie 無受傷，咕碌就無咁好彩呢。
刪除其實狗主唔好好教好自己隻狗，咬到人同狗都唔好，只好講句：無家教。
真係無妄之災，圓咕碌好慘呀！希望你早日康復啊！
回覆刪除我覺得個狗主真係好有責任，明知自己狗狗燥狂就拖實D啦大哥！
謝謝你安慰，狗主連一句sorry 嘅說話都無，好唔負責任，算啦，我唔會再比呢啲意外發生呢。
刪除碌碌好番未呀? 一定好痛......主人太唔負責任勒! 知道自己隻狗會咬狗就要帶口罩同拖繩啦! 好過份!!!
回覆刪除好返哂喇，嗰日真係嚇屎我，去完廁所出嚟，碌爸話呀仔比隻狗咬到隻耳仔濕哂，叫我用紙巾抹返啲口水，抹抹吓我成隻手都係血，先知呀仔流血，真係好驚，好彩嗰間店嘅職員即刻同呀仔止血，返到屋企檢查，圍住條頸都損哂，心痛屎我呢。
刪除唉........嗰家人知道咗件事，只係拖返隻狗，一聲sorry都無，都係嗰句，知自己隻狗咬狗就拖繩啦，點解咁唔負責任呢？