7月26日星期日
今日因為要沖涼 , 媽媽唔想太夜同我出街 , 所以下午三點半出發 , 近近地去屯門碼頭其中一個公園 hea 行 , 有幾 hea ? 睇相就知呢~!!
呢個公園之前嚟過 , 有一邊係曬唔到太陽 , 加上近海 , 又吹住海風 , 咁就點玩都唔怕中暑呢~!!
睇吓我個頭都吹到亂哂
呢度仲有片小草地 , 可惜太曬 , 影張相算啦~!!
玩到熱 , 食返條紅豆雪條降温 , 咪話唔爽呢 , 卡卡~!!
食完雪條去咗海邊個公園坐吓
望吓海 , 吹吓海風 , 真係一大樂事~!!
响呢度仲撞到幾個朋友仔 , 打完招呼坐响度吹海風
又做吓 model 比爸爸影
每次我去嘅地方都經過精挑細選 , 有個咁錫我嘅媽媽 , 真係好幸福呢~!!
唔知大家 feel 唔 feel 到呢 ?
近近地行下都不錯呀~~
回覆刪除圓咕碌有爸爸媽媽錫，幾時都咁幸福^^
依家天氣咁熱 , 多數都轉咗夜晚九點半後落街散步 , 咁黑影唔到相比大家睇 , 去泳池游水...........有狗友同媽媽講 , 啲池水好 dirty , 媽媽怕我染皮膚病 , 所以令可响屋企嘆冷氣 , 又或者等到夜晚落街散步算 lu~!!
刪除今日可以日頭出街 , 都係因為唔想太夜沖涼 , 怕冷親我 , 所以揀地方真係好頭痛架 , 好彩媽媽揾到呢個地方比我玩呢~!!
圓咕碌梗係幸福啦~~
回覆刪除風下海風好寫意呀!!
我都認我好幸運嚟到呢個家 , JimJim 都唔錯吖~!!
刪除吹海風又真係幾寫意~!!
圓咕碌咁可愛又靚仔，點止你爸媽錫你，連我地都錫晒你呀！
回覆刪除知道你哋錫我 , 所以堅持寫 blog , 好開心識到你哋呢~!! ^0^
刪除深情對望....好溫馨
回覆刪除爸爸捕捉得好好呀~
哈哈.............嗰張相又真係幾温馨架 , 所以我一定 post 出嚟比大家睇呢~!!
刪除等我話比爸爸知.............殷師奶讚佢呢~!!
最正係有雪條食呢
回覆刪除無錯...............出街玩又有雪條食 , 真係一大樂事~!!
刪除最後一張你同媽媽講乜? 一定係I love you 啦, hehe
回覆刪除咁都比月ee 估到 , 叻女 , 抵讚~!!!!!!!!
刪除最尾一張很温柔，很感人！
回覆刪除好開心留住最動人一刻 , 謝謝你都感覺到~!!
刪除食雪條呀！碌BB係唔係大啖咁食？或細細啖慢慢舔呢？
回覆刪除其實BB張張相都望住媽媽啦！所以眼神如此迷人。
話比 janejane 知吖，我想大啖大啖咁食，但係媽媽唔準，要我食得斯文啲，唯有 lam 啦。
刪除哈哈........都係 janejane 最了解我呢。
嘩! 碌碌嘆到半支雪條咁多! 好開心呢! (^皿^) (^皿^)
回覆刪除係呀.............B 姐姐 , 紅豆雪條真係好好味架~!!
刪除同媽媽對望個張相真係影得好好呀! 真情流露..... :)
回覆刪除爸爸知道咗咁多人讚佢呢張相，一定好開心呢。
刪除幸福到爆啦
回覆刪除小吉都唔差呢。
刪除碌碌同媽媽對望，好有愛... <3 <3
回覆刪除唔知同爸爸對望，有咩火花呢？
咪好有火囉，卡卡。
刪除有雪條食with sea view....同媽媽對望...幸福到DRUNK :)
回覆刪除靚姐姐，有街去又有雪條食，真係開心屎我呢。
刪除