廣告

2015年1月28日 星期三

愛心古堡生日會


1月18日星期日

今年係我踏入狗生第一個十年 , 十歲大壽咁大件事...............對我同爸媽嚟講真係好重要 , 由籌備到訂場地食物同蛋糕 , 媽媽都親力親為 , 當然响過程中一定遇到唔少問題 , 對一個新手嚟講..............搞生日會真係一啲都唔容易呢 , 好彩到最後都可以順利完成 , 感恩呢~!! 



睇吓嗰 background  就知幾有氣氛~!! 




當然唔少得呢個翻糖蛋糕 , 主題係馬戲團 , 希望比到一個開心又難忘嘅生日會比大家~!! 






主角出場喇 , 咪就係我囉 , 卡卡





大人食嘅到會幾豐富 

煙肉法蘭克福腸卷配沙律 , 松葉蟹棒配蟹子螺絲粉沙律




焗蜜糖雞翼 , 火腿蛋沙律




卡邦尼煙肉意粉 , 泰式小食拼盤





雜錦三文治卷 , 三色鬆餅




當然唔少得狗狗小食 : 煎日本和牛粒 , 西蘭花雞肉漢堡扒 , 甘筍鴨肉漢堡扒




輪到介紹吓我啲朋友仔出場 :

好朋友"卡卡" "哈比" "德德 " 三兄妹





仲有 " 仔仔 "






" 薯仔 "






仲有 " 雪糕仔 " 






當然唔少得我嘅女神 " 豆豆 " 同 " Juicy " 






仲有 " QQ " 







" 傻豬 " 妹妹






仲有 " GiGi " 同 " CiCi " 






身為壽星仔嘅我 , 當然坐定定等食啦






" 卡卡 " 妹妹同我一樣坐定定等食和牛






謝謝 B 姐姐出席我嘅生日會 , 招呼唔到~!! 






媽媽抱住我同哈比一齊合照 , 因為哈比都係同我同年同月生日呢~!! 






仲有好可愛嘅 "卡卡 " 妹妹







當然唔少得同埋 " 德德 " 細佬合照呢~!! 






最 sweet 當然係全家福 , 卡卡~!! 






謝謝貞 ee 出席我嘅生日會





食飽飽要同各位來賓影吓合照留念

有 B 姐姐





有豆豆家






有豆豆 , Juicy 家






好開心女神讚我個蛋糕好靚呢






仲有雪糕家






B 姐姐






哈比家






QQ 家抽中咗大獎 , 當然要影合照留念 






仲有 GiGi 家都抽中咗大獎呢 , 恭喜哂~!! 





由於食剩咗好多食物 , 唯有拎哂出嚟抽安慰獎 , 玩到咁大? 笑屎我同媽媽呢~!! 

恭喜豆家中獎 XDDD





恭喜 B 姐姐中獎 XDDD






恭喜貞 ee 中獎 XDDD






恭喜雪糕家中獎 XDDD






謝謝貞 ee 出席我嘅生日會





好多謝你一直咁錫我呢~!! 






謝謝 QQ 家出席我嘅生日會 , 招呼唔到呢~!! 






謝謝傻豬家出席我嘅生日會 , 招呼唔到~!! 





謝謝仔仔薯仔家出席我嘅生日會 , 招呼唔到~!! 





臨近尾聲 , 影返張全狗大合照 , 可惜失敗咗 , 卡卡~!! 





呢個生日會除咗好開心 , 背後仲有一個好有意義嘅活動 , 就係所有來賓唔駛花錢送禮物比我 , 折現封利是錢 , 少少心意都可以 , 不記名又得 , 收到嘅所有利是錢................咕碌家全數捐比流浪狗機構 , 令到呢個生日會來得更有意義 ~!! 


睇吓大家幾錫我 , 又做善事又送禮物比我 , 我真係好感動呢~!! 


最開心係收到 $4,100 蚊利是錢 , 媽媽已經幫我捐哂出去 ,  受惠機構有 : 動物朋友 , 大樹下 , 志永傻瓜傻狗特工隊 , 仲有 NPV 流浪狗基金 , 希望盡少少綿力幫助大家 , 特別鳴謝豆爸 , 又幫手佈置又影相又搞氣氛 , 再一次感謝你~!! 

最後希望大家都身體健康 , 生活愉快~!! 






26 則留言:

  1. 圓咕碌除左有爸、媽錫你之外,仲有咁多人錫你真係好有福氣呀!
    祝你生日快樂!身體健康!

    回覆刪除
    回覆
    1. 藉著十歲大壽,加上施比壽更有福,希望盡少少綿力幫到更多流浪狗,咁就皆大歡喜呢。
      謝謝 Man Man 祝福。

      刪除
  2. Wa~ You must super touching ba baby! Daddy Mummy treat you very well always!
    P.S. Your mummy have pretty hair cut to celebrate with you le ...Look Nice:)

    回覆刪除
    回覆
    1. 靚姐姐,呢個生日會真係又感動又難忘,係咪睇相都感受到呢?
      哈哈........你係第一個讚媽媽剪短頭髮好睇,爸爸話無咩嘢特別呢。

      刪除
  3. 回覆
    1. 所以會做多啲善事,施比受更有福呢,卡卡。

      刪除
  4. 尾3個張相眾狗狗好合拍呢!

    回覆刪除
    回覆
    1. 我哋呢三個小生好好感情,所以好合拍呢。

      刪除
  5. Whoa~ 媽媽身體唔舒服都準犕到甘多食物同佈置,認真盡心盡力。碌碌要多多體恤同惜惜媽媽呢!當然都唔少得要經常嗲下幕後黑手爸爸喇,等佢多d带你出街街影靚相~ 咔咔咔咔

    回覆刪除
    回覆
    1. 媽媽為咗搞呢個生日會,真係勞心勞力,唔知係咪咁.........先會病咗呢?好開心聽到咁多人讚個生日會有聲有色,媽媽辛苦啲都值得呢。
      當然會錫錫爸爸啦,唔係無街去就慘慘呢,卡卡。

      刪除
  6. 圓咕碌生日有咁多朋友參加, 真係好高興呢! 證明咕碌家人緣好好, 好多人錫圓咕碌, 好幸福嘅小朋友......^_^

    回覆刪除
    回覆
    1. 原本爸爸打算幫我搞好大型嘅生日會,可惜心意嘅場地比人訂咗,唯有遷就場地,變咗小型呢,卡卡。
      媽媽原本都想請埋 Grey ee ,怕太唐突嚇親 ee ,打退堂鼓呢,卡卡。

      刪除
    2. 多謝先, 將來一定有機會見下靚仔圓咕碌! ^_^

      刪除
    3. 聽到你咁講好開心呢。

      刪除
  7. 好多可愛又靚嘅狗狗呀!都係碌BB最靚仔啦!^_^
    祝BB健康快樂呀!
    好多美味食物呀!咁多人都食唔哂嘅!用來抽獎真係好主意。碌媽媽要休息多d啦!

    回覆刪除
    回覆
    1. 好感激所有朋友仔都出席到我個生日會 , 身為壽星仔.............一定要打扮得靚仔啲 , 更何況我永遠响 janejane 心目中都係靚仔嚟呢 , 卡卡~!! ^0^
      知你錫我喇 , 謝謝祝福~!!
      一定唔可以浪費食物 , 因為第三世界國家好多人都要捱餓 , 我哋有得食已經好幸福 , 多得豆爸諗到用嚟抽獎 , 應記一功呢~!!
      媽媽好返哂...............又輪到爸爸病咗 , 好彩食咗藥已經康復 , 大家都要保重身體~!!

      刪除
  8. 真係好有意義呀))))都不忘流浪中的狗狗
    我覺得狗狗小食好吸引呀,我想食......狗狗小食多D

    回覆刪除
    回覆
    1. 係呀..............所以話呢個生日會好有意義呢~!!
      哈哈..............殷師奶真識貨 , 我哋啲小食全部用外國貨嚟整 , 特別好味架~!!

      刪除
  9. 咁多嘢食,咁多毛小孩,我都想出席呀,嘻嘻

    回覆刪除
    回覆
    1. 如果你响香港 , 我一定請埋你一齊玩呢 , 卡卡~!!

      刪除
  10. 碌碌, 嗰日我玩得好開心呀! 見你呢個小小主人家, 都好落力咁招呼你啲朋友仔, 就知你大個仔啦! 要叻叻呀! 要Keep 住身體健康, 再攪多幾個十年生日會, 記住又要請埋我咖! (^0^) (^0^)

    回覆刪除
    回覆
    1. 我嗰日都玩得好開心呀,仲同你影咗好多靚相,謝謝你一直都咁錫我,我會好好keep 住身體健康,放心呢?
      一定一定,如果再搞生日會,一定要請埋你呢。

      刪除
  11. 小朋友, 知道遲了很多, 但祝福希望永遠也不遲, 生日快樂啊 ~ 你媽媽難得捨得剪了一半長髮呢 ~

    回覆刪除
    回覆
    1. 謝謝月ee 嘅祝福呢~!!
      哈哈............媽媽留咗長髮好多年 , 想剪短好耐架喇 , 今次佢下咗好大決心剪短呢~!!

      刪除
  12. 慶生之餘都不忘幫助流浪動物.
    爸媽教導有方, 圓咕碌真抵錫 !!!

    回覆刪除
    回覆
    1. 呢個構思..............响一年前已經想好咗 , 藉著十歲大壽 , 想盡少少綿力 , 幫助一班流浪嘅動物 , 爸媽自少教我..............施比受更有福呢~!!

      刪除