突破500大關呢~!!!!!!!!!!

由Yahoo Blog 搬過嚟(累積瀏覽 836 )

9月20日

圓咕碌媽心底話:

由07年開始寫blog , 到依家足足已經5年喇................. , 好開心踏入第500篇 , 响度要多謝一直有睇我個blog 留言同無留言嘅人 , 仲有...............就係我嘅親朋戚友 , 記得寫第一篇blog 嘅時候 , 抱住朋友叫我寫..............我咪陪佢哋一齊寫嘅心態 , 响三年前興咗fb 之後...............我所有朋友唔再肯花時間寫blog , 眼見一個一個咁過檔走..............我真係有動搖過跟埋佢哋過檔走 , 响我最意興闌珊嗰段期間比我响巴士上遇見一位ee , 我仲好清楚記得佢一上車見到我就向住我微笑................然後好唐突咁走嚟我面前同我講: 佢無養狗..............不過佢一直都有睇我個blog , 最令我窩心嘅一句說話就係.................我改變咗佢對狗嘅睇法 , 佢一直以為養狗就係養狗 , 直至佢睇咗我個blog 之後..............發覺狗原來唔只係寵物咁簡單..................可以係家庭嘅一份子 , 聽完ee 所講嘅每一句說話 , 比咗好大嘅原動力我 , 令我唔再放棄寫blog , 仲令到我開心咗成日添~!!  我真係要响度同你講聲"多謝"~!!  仲有一次响西貢某間超市嘅售貨員小姐 , 同埋曾經走過嚟同我或者圓咕碌打招呼嘅每位朋友仔 , 多謝你哋一直咁支持我個blog , 仲有一次响我屋企附近超市遇見嘅一位小姐 , 你好興奮咁走埋你同我講...............一直都有睇我個blog , 仲好多謝我介紹咗好多地方比你同狗狗去玩 , 又讚我寫得好好 , 當時我老公在場..............聽完你不停咁讚我 , 你走咗之後................我老公忍唔住問"咩你個blog 真係咁多人睇嘅咩??"  我只有笑而不答.............!!  就由嗰次開始.............我老公都變埋我個blog 嘅其中一位小fans~!! 話個秘密比大家知吖..................佢之前一直都無睇我個blog 架~!!  


構思咗好耐...............決定用圓咕碌成長照片嚟砌成500呢個數目字 , 唔知大家睇唔睇到呢~??  

除咗你哋..............當然唔少得要多謝Yahoo 呢個平台 , 多謝你比咗個咁好嘅機會我 , 可以分享我同圓咕碌嘅生活點滴 , 多謝小編輯响呢幾年比機會我上精選blog , 証明我啲心機沒有白費 , 今年上半年都比咗二次機會我 , 令到我個blog 越嚟越多人認識 , 累積人次仲突破十萬大關呢 , 今年好開心仲多咗幾位無養狗嘅知心blog 友 , 感謝中~!!  

友誼波同自家制雪條都入選咗上半年嘅精選blog~!!






每篇blog 由影相到執相 , 用咩嘢標題 , 我都諗過度過 , 有陣時諗唔到點寫 , 頭都大埋 , 我會選擇唔寫 , 比自己休息一晚 , 諗到先再寫過 , 所以好多時都會花上兩三天時間先出到一篇 blog , 正所謂慢工出細貨~!!  所以好多時覆blog 友係會比別人慢 , 因為要搞好自己篇 blog 先有時間去睇其他嘅blog 友 , 希望大家唔好介意 , 總知我一有時間就會盡快覆大家呢~!!


送上圓咕碌bb 時的珍貴照片 , 係咪好可愛呢~!!







寫咗五年blog , 成功嘅係.................好多人認識圓咕碌 , 失敗嘅係................仲有人分唔清圓咕碌寫定我寫 ??  响呢度再一次話比大家聽...............呢個 blog 係圓咕碌~!! 當然係由佢寫啦~!!

最後又點少得圓咕碌出場答謝大家呢~!!




希望將來有第二個500................. 第三個500篇.................., 請大家繼續多多支持呢~!!!!!!!!!!!