由Yahoo Blog 搬過嚟(累積瀏覽 883)
7月8日星期日
今日媽媽有節目, 拋低我同爸爸响屋企 , 自己同一班朋友仔去尖沙咀喜來登酒店宴會廳食 lunch buffet , 原來係Fans club 幫學友搞嘅生日會活動 , 媽媽難得近距離見到佢嘅偶像 , 當然要帶齊相機鏡頭影餐飽呢~!!
睇吓會場幾靚~!!
壽星仔出場喇~!!!!!!!!!!
許願吹蠟燭
咁高興當然要飲番杯香檳呢~!!
指定抽獎環節
坐低同大家傾吓計 , 分享吓心得~!!
傾完計抽大獎 , 送出演唱會造型大相一張~!!
媽媽不嬲無抽獎運 , 所以預咗抽唔到大獎呢~!!
幾佰個fans 响生日咭上送上祝福~!! 
臨近尾聲...............當然唔少得唱番幾首金曲~!!
歌神不愧係歌神 , 唱得好投入呢~!!
同大家影埋大合照就夠鐘走lu ~!!!!!!!!!
花絮睇完.................就輪到我出場~!!
我又有禮物收喇..............., 話說我個出街袋用咗六年開始爛, 媽媽就訂咗個新嘅比我 , 趁住今日出開尖沙咀就順便攞埋 , 仲有一個玩具同涼浸浸嘅冰墊 , 哈哈.................全部都係我至愛嘅snoopy 系列 ~!! 
試吓個新袋舒唔舒服先................
張冰墊好涼浸浸呀~!!
坐响度睇電視................簡直係一大享受 , 仲唔駛開冷氣 , 夠哂環保~!!!!!!!!!!!
我非常滿意~!!
影完未呀..............舒服到要瞓番覺~!!!!!!!!!
大家唔好以為我無街去 , 等爸爸媽媽食完晚飯返嚟...............佢哋九點半車我去屯門狗公園玩 , 仲以為自己包哂成個場 , 去到都見到幾個朋友仔 , 玩咗一個鐘就返屋企lu ~!!
真係唔好意思呢篇blog 咁遲出 , 因為媽媽個妹妹入咗醫院做手術 , 媽媽每日都會去浸會探ee , 知道ee 手術順利 , ee 康復得好好, 媽媽先有心機搞相呢~!! 
沒有留言:
張貼留言