去玄圓影菊花

由Yahoo Blog 搬過嚟(累積瀏覽 275)

12月18日星期日

今日爸爸媽媽約咗ee 去玄圓學院還太歲 , 估唔到咁快又一年~!! 原本無我份去架 , 因為媽媽怕多人帶住我好唔方便 , 但係我又唔想等佢哋返嚟先再接我出街 , 於是我諗到計仔..............專登走去飲好多水 , 媽媽怕我响屋企忍幾個鐘頭尿尿 , 迫於無奈就帶埋我去街 , 就係咁.............我個計畫成功咗 lu ~!!

去到玄圓學院...............先知一年一度嘅菊花展又嚟喇~!!!!!!!!!!




媽媽負責睇住我 , 而爸爸就同ee 去還神 , 橫掂都係坐响度等................就比媽媽同我影吓沙龍相~!!





今年嘅菊花又真係幾靚喎~!!





唔信...............影近啲比大家睇吓啦~!!





遠睇都好靚架~!!





我身後面全部都係菊花嚟架~!!





哈................唔記講比大家知 , 我呢條新 collar 係媽媽送比我嘅聖誕禮物 , 大家話係咪好襯我呢~!!





你哋有無發現 , 點解我呢張相個樣好無奈咁................

唉.................咪就係................因為佢囉~!!






我聽到佢哋啲聲就好驚 , 媽媽仲唔怕不停影佢哋採花蜜~!!





哈哈................嚟咁遠影就差唔多...............不過都好曬呢~!!

爸爸還完神返嚟就輪到媽媽去還神 , 爸爸影嘅菊花好迷幻呀~!!!!!!!!!!

仙女姐姐比好多菊花圍住...............好靚呢~!!





爸爸話影埋呢張相就去食 lunch , 咁我咪乖乖地坐埋去影 , 點知有好多蜜蜂响後面 , 睇吓我幾驚..............仲好想走添~!!!!!!!!!!





一知道走得................就開心番哂 lu ~!!





還完神我哋去咗深井食 lunch , 食完已經三點幾 , 然後車ee返屯門 , 跟住我哋一家人嚟咗屯門狗公園玩 , 今日好多人同狗狗呢~!!





估唔到响呢度撞到小二 , 佢染咗紫色耳仔 , 差啲唔認得佢呢~!!




睇吓我同小二玩得幾開心~!!





呢個係小二哥嘅妹妹 , 我第一次見咋~!!





佢最大嘅哥哥就係企响右手面嘅十一哥喇 , 右手面係肥mo 同佢個妹 , 都係我啲朋友仔嚟架~!!





妹妹真係笑得又甜又靚女





難得撞到十一 family , 媽媽當然要幫佢哋影張全家福相啦~!!





仲有mo 妹 family ~!!





玩到五點幾要返屋企 lu ...............

出到嚟比我撞到大舊 , 真係同佢有緣呢~!!





玩到街燈都著哂喇 , 依然好唔捨得走~!!




仲比媽媽笑我第一次玩到唔捨得走添 , 返到屋企六點鐘 , 麻煩媽媽幫我沖涼吹毛毛 , 搞掂哂..............爸爸媽媽就趕去爺爺嫲嫲家做冬節食晚飯 , 今日玩足全日真係好開心呢~!! 預告一吓我今年影嘅聖誕相 , 將會過兩日出 blog 呢 , 記得到時捧場呀~!!!!!!!!!!