由Yahoo Blog 搬過嚟(累積瀏覽 292)
12月11日星期日
今早上午氣温得十度左右 , 爸爸媽媽決定下午等太陽伯伯曬番暖少少先同我去街街 , 因為爸爸媽媽今晚要去飲 , 所以近近地行大棠 , 我哋响偉記食埋lunch 先開始行 , 响偉記仲比媽媽撞到小丸子媽同桐桐媽 , 佢哋一早十點幾入咗嚟影紅葉 , 影咗四個幾鐘頭..............啱啱先落嚟食lunch 呢~!!
去到大棠停車場見到我倆個學生架車 , 估唔到佢哋又嚟咗大棠 , 媽媽於是打電話比 MuiBe 媽 , 仲約埋一齊行 , 行到去紅葉區見到好多龍友响度影相 , 爸爸媽媽有啲失望 , 唔係因為多人 , 係好多紅葉樹都未變紅色 , 得幾棵變咗色 , 爸爸影咗呢張相就決定專心行山 , 下次先再嚟影過紅葉~!!
因為呢邊真係好多人太熱鬧 , 所以啲大人改咗去行黃泥墩 , 無咁多人我哋就行得舒服啲呢~!!
行行吓...............比我撞見我個好朋友"哈比"
仲有"卡卡"妹妹
佢哋仲多咗個細佬 , 叫"德德" , 三兄妹第一次一齊出街 , 當然要影番張相留念呢~!!
加埋我呢個老友一齊影.............好熱鬧呀~!!
响呢邊望番過去紅葉區...............真係好多紅葉樹都未變色架~!!
行咗咁耐...............著番件衫影番張沙龍相比大家睇~!!
MuiMui 扮唔望鏡頭...............張相影得幾自然~!!
仲有BeBe cool cool 地個樣 , 型哂~!!
原本想同兩個學生合照 , 點知 MuiMui 怕高 , 咁唯有同BeBe 影呢~!!
行咗二個幾鐘頭係時候回程 lu ~!!
今日真係好開心 , 估唔到撞到咁多好朋友仔 , 由原本一家人行山變咗三家人行山 , 真係好熱鬧呢~!!
返到屋企比媽媽洗手腳吹毛毛 , 食埋dinner 我就瞓覺豬 , 爸爸媽媽換衫趕住去飲 , 我就靜靜地响屋企看屋 , 咁就過咗一個愉快嘅週末lu~!!!!!!!
沒有留言:
張貼留言