6月1日星期日
一連兩日公眾假期 , 加上天氣咁炎熱 , 33度高温下.................係時候同爸媽出海暢泳 , 今日我哋揀咗去麗都灣游水 , 貪嗰度風景正又近近地 , 唔駛長途跋涉呢~!!
藍天白雲襯托下嘅汀九橋
望住青馬大橋游水真係零舍唔同啲~!!
落水游喇.................游呀.................游...................
我要加油................就嚟游到岸邊呢
睇吓我幾叻叻..............無整濕個頭仔架
啲海水仲好清澈呢
話咁快就上咗岸邊 , 係咪好叻叻呢 ?
難得近距離見到"汀九橋" , 點都要影張相留念
仲有青馬大橋
點少得同媽媽影合照留念呢 , 卡卡~!!
有不速之客嚟咗沙灘 , 媽媽叫我唔駛打招呼 , 遠處 hello 就得
開估...............係一對海鷗嚟架
游到攰................到爸爸接力呢
玩咗二個幾鐘 , 係時候去沖身 lu
再見喇...................麗都灣 , 有機會再嚟玩過~!!
6月2日 (端午節)
全家人响屋企 hea 爆 , 雖然我無得食糉 , 但係我有媽媽整比我嘅西瓜雪條食 , 我已經好滿足 , 睇吓我個食相就知有幾好味呢~!!
爸媽陪到我六點鐘 , 跟住佢哋返爺爺嫲嫲家做節食飯 , 我當然去揾周公傾計啦 , 快樂嘅假期就這樣畫上句號 , 希望大家同我一樣...............有個開心又難忘嘅端午節假期呢~!!
