圓咕碌日記

2011年10月18日星期二

親善大使

由Yahoo Blog 搬過嚟(累積瀏覽 475)

10月16日星期日

今日又係我出勤嘅日子 , 地點係大棠谷 , 執勤時間係下午二點半至四點九 , 以下是活動探訪經過 :

活動個案一
約咗單車哥哥响紅樹下見 , 等咗好耐都未見人 , 啲紅樹又未變色 , 唔通佢去錯咗地方~?? (confused)

就响最失望嘅時候佢就出現咗喇~!!!!!!!!! (big hug)

即刻坐响佢架單車度同佢傾吓計先~!! (tongue)

睇吓大家傾得幾開心~!!!!!!!! (big grin)

哥哥仲讚我平行力好好呢~!! (batting eyelashes)

活動個案二
行到嚟呢度叔叔笑住咁迎接我 , 我緊係坐响佢身邊乖乖比佢摸吓~!! (big grin)

原來佢仲一早買定"珍珍"請我食 , 不過佢叫我問吓媽媽先~?? (drooling)

媽媽話做親善大使係唔可以受賄 , 無得食唯有望梅止渴啦 ~!!!!!!!!! (rolling on the floor)

活動個案三
呢個小朋友叫 E.T. 佢有過度活躍証架~!! (winking)

E.T.爸媽係唔敢放繩比佢自由行 , 經我勸導..............你哋睇吓佢可以同我玩一陣呢~!! (smile)

活動個案四
一班哥哥姐姐 , 為數八人 , 一見到佢哋我就即刻走去打招呼 , 佢哋好鐘意我 , 尤其嗰個哥哥 , 佢不停同我全身按摩摩 , 仲要我同佢影合照 , 至於姐姐們就要我企定定做model 比佢哋影 , 仲讚我好乖 , 又問媽媽點解唔同我考狗醫生 , 媽媽話唔想我太操勞呢~!! (big grin)

活動個案五
人有三急 , 去緊廁所嘅時候 , 呢位小朋友走嚟問路~?? (confused)

我本著人人為我..............我為人人嘅精神 , 拿拿聲去完.............教佢點行呢~!! (tongue)

活動個案六
回程時..............要行上後面呢條大斜路.................. (worried)

行緊途中遇見呢兩個小朋友 , 又陪咗佢哋玩咗一陣~!! (tongue)

玩到夕陽西下............... (big hug)

終於有時間陪吓呢個助手媽媽影番張親子相 ~!! (love struck)

行番去停車場.................差唔多五點................笑住同大家講Bye Bye 咯~!!!!!!!!!! (wave)

做咗親善大使咁多年 , 都未正正式式同大家交代過 , 藉著今次..............等大家了解我多一啲 , 下一個對象..............可能係你哋呢~!!!!!!!!!! (rolling on the floor)

2011年10月17日星期一

由Yahoo Blog 搬過嚟(累積瀏覽 181)

10月15日星期六

呢個星期媽媽工作得不太如意 , 心情唔係太開心 , 加上星期五食 lunch 嗰陣時................行緊路比迎面而來嘅呀嬋隻手打落媽媽隻錶度 , 原來係錶撞錶 ,結果媽媽隻錶面爆咗 ,
破財不特止 , 放工搭車返屋企途中 , 架巴士又爆軚 , 佢幾驚啲唔好嘢一不離二 , 二不離三 , 好彩平平安安返到屋企咋~!! (tongue)

每當媽媽唔如意嘅時候就會鐘意自己一個人去影吓相 , 今次都唔例外, 佢今日走咗去濕地公園行吓散吓心呢~!! (winking)

每次去濕地總會有驚喜比到媽媽 , 今次都唔例外 , 媽媽只係用咗支 Marco 鏡去影 , 估唔到有滿意作品 , 媽媽好想同大家分享一吓~!! (big hug)

所有相都無經過裁剪 , 真係影到咁近呢~!! (big grin)

影蝴蝶唔難..............難就難在要捕捉佢哋打開嘅一面~!! (batting eyelashes)