12月13日星期日
今日好開心約咗 Qubi family 一齊遊迪迪尼 , 一點鐘响迪迪尼站出面等 , Qubi 比約定時間早咗半個鐘頭 , 我哋就準時到逹 , 然後由我做導遊 , 帶 Qubi family 玩轉迪迪尼 , 因為 Qubi family 第一次嚟呢度玩呢 ~!!
今日天氣真係好好 , 同我心情一樣咁靚~!!
呢位就係 Qubi , 男仔嚟架~!!
原來 Qubi 好怕狗狗 , 影咗好耐先有呢張咁 close 嘅合照
然後向碼頭出發 , 沿途又坐低影吓相
Qubi 笑得好甜呢~!!
到咗許願池 , 許返個願先....................
响碼頭玩咗一陣 , 然後行海旁
Qubi 原來好有天份做 model
話咁快開始同我 friend 咗啲
嚟到迪迪尼酒店又影吓相
帶 Qubi 參觀吓酒店
好有聖誕節氣氛
佈置得咁靚 , 同媽媽影吓合照留念
當然唔少得同 Qubi family 影返張相留念呢~!!
响草地 hea 吓又唔錯喎
咁靚嘅酒店 , 一定要留倩影
Qubi 笑得好開心呢~!!
影完相我哋跟住爸爸沿海旁行去另一邊
睇吓媽媽又偷影 Qubi 媽同 Qubi 影相
呢度好好行 , 又無人 , 風景又靚
Qubi 都不知行得幾爽呢~!!
Qubi 笑住影海景相
我比較鐘意 cool cool 地
好寧靜嘅環境
係咪好靚呢 ? 呢度真係香港嚟架~!!
Qubi 話行夠喇 , 有啲肚餓呢~!!
好啦...............回程去食嘢
爸爸車咗我哋嚟東涌呢間食肆食 dinner
爸爸叫咗個牛肉漢堡配薯條
媽媽食魚柳配薯條
Qubi 媽食薑汁牛肉配飛碟
我有少少包包食
食飽飽 , 傾多陣計已經六點幾 , 玩咗咁耐.............係時候各自回家 , 今日玩得好開心呢~!!
今年收到第一張由 blog 友靚姐姐從星球寄比咕碌家嘅聖誕咭 , 張咭仲可以做聖誕掛飾 , 有心思同好特別呢 , 謝謝靚姐姐 , 唔知你收到我寄比你張聖誕咭未呢 ?
呢份係媽媽第一份收到嘅自家制愛心餅餅聖誕禮物 , 好好味 , 謝謝 Bel ee 呢~!!
聖誕節收到好友嘅禮物同祝福 , 真係又感動又窩心 , 祝你們有個開心又温暖嘅聖誕節 , 我將會化身成聖誕老人 , 將愛心送給大家呢 , 留意下篇 BLOG 喇 , hohoohooo ~!!!!!!!!!
