又有手信收

8月9日星期日

今日約咗 blog 友貞姐姐出嚟見面 , 原因係貞姐姐好有我哋心 , 去歐遊都不忘買手信比我哋 , 謝謝你呢~!!

第一次嚟呢間 Cafe 玩

牆上掛滿好多狗狗畫像

仲有好多皮製嘅物品 , 原來呢度有堂上架 , 有興趣學整皮銀包 , 歡迎大家報名~!! 

呢間 Cafe 仲好 welcome 狗狗呢~!! 

嚟到當然叫嘢食啦

媽媽嘅熱狗配沙律 , 荔枝梳打

爸爸嘅牛肉漢堡扒包配特飲

今次仲約埋豆豆同 Juicy 出嚟玩

呢度有間木製狗屋好靚呀)))))))) 

呀豆都話要入去玩吓

當然唔少得 Juicy 

因為貞姐姐好鐘意呀豆 , 所以媽媽靜靜雞安排佢哋見面 , 事前無話比貞姐姐知呢 , 卡卡

今日作打風 , 所以天氣非常熱同焗 , 好彩我哋响冷氣地方玩 , 一定唔怕中暑~!! 

第一次嚟呢度玩 , 點少得同豆媽影合照留念

我同豆豆做模豆比爸爸影

難得出嚟見面 , 我同呀豆好樂意同貞姐姐合照呢~!! 

 

謝謝貞姐姐咁錫咕碌家 , 份手信又靚又實用 , 媽媽同我都好鐘意 , 遲啲整好製成品 , 一定影比你睇呢~!! 

快樂嘅時光過得特別快 , 玩咗差不多三個鐘頭 , 係時候要返屋企 lu , 下次見呢~!! 

豆豆十歲生日會

8月2日星期日

今日係我嘅女神豆豆開生日會 , 狗生第一個十年 , 一定要搞大佢 , 生日會响下午二點鐘開始 , 我哋一點半到達 , 幫手佈置場地 , 爸爸負責做攝影師 , 我同媽媽當然周圍招呼朋友仔啦 , 唔講咁多...............去相~!!!!!!!!

呢個就係當日嘅生日蛋糕

人嘅食物

狗狗嘅食物

壽星女出場喇~!!!!!!!! 

比個近鏡大家睇清楚啲

睇吓豆媽笑得幾開心

豆豆一家

我都好替豆豆開心呢~!! 

影完相要招呼朋友仔喇~!!!!!!! 

豆豆換咗第二件衫出場

等我都同女神影張合照先

8月之星仲有 Timmy 仔 , 兩位壽星合照留念

當然唔少得我同豆豆合照呢~!! 

仲有我同媽媽合照

Juicy 妹妹

雪糕仔

QQ 媽媽

佢個孫 " 草莓 " 

新朋友仔 " 拉茜 " 

Hero 

Precy 

Horlick 妹妹

呀 Don 

難得3隻唔同色嘅臘腸合照

爸爸都幫我影咗呢張沙龍相

最後多謝大家出席豆豆嘅生日會

美中不足 , 我比隻大貴婦狗咬損咗隻耳仔 , 流咗少少血 , 當時媽媽去咗廁所 , 爸爸放咗我落地 , 嗰隻狗無端端走過嚟咬我 , 圍住條頸都損哂 , 媽媽知道咗件事之後好唔開心 , 止咗血唔再比我落地玩 , 唔想再有流血事件發生 , 好彩耳仔咬中耳邊位 , 如果成隻耳仔咬落去 , 嗰度咁多微絲血管 , 一定流好多血 , 止血嘅姐姐話我哋知嘅 , 唉................點解啲狗主知道自己隻狗會咬狗都唔拖住呢 , 事後先拖又有咩嘢用呢?????? 

寫意行屯門

7月26日星期日


今日因為要沖涼 , 媽媽唔想太夜同我出街 , 所以下午三點半出發 , 近近地去屯門碼頭其中一個公園 hea 行 , 有幾 hea ? 睇相就知呢~!!

呢個公園之前嚟過 , 有一邊係曬唔到太陽 , 加上近海 , 又吹住海風 , 咁就點玩都唔怕中暑呢~!! 

睇吓我個頭都吹到亂哂

呢度仲有片小草地 , 可惜太曬 , 影張相算啦~!! 

玩到熱 , 食返條紅豆雪條降温 , 咪話唔爽呢 , 卡卡~!! 

食完雪條去咗海邊個公園坐吓

望吓海 , 吹吓海風 , 真係一大樂事~!! 

响呢度仲撞到幾個朋友仔 , 打完招呼坐响度吹海風

又做吓 model 比爸爸影

每次我去嘅地方都經過精挑細選 , 有個咁錫我嘅媽媽 , 真係好幸福呢~!! 

唔知大家 feel 唔 feel 到呢 ?