由Yahoo Blog 搬過嚟(累積瀏覽 400 )
4月7日星期日
今日爸爸話入大埔行山 , 揀咗條舒舒服服嘅石屎路比我行 , 唔想我行得太辛苦之如...............又可以比我吸吓新鮮空氣 , 一舉兩得呢~!! 
三點鐘入到嚟目的地~!! 
呢啲天氣最適宜行山~!! 
話咁快就嚟到配水庫~!! 
企定定影張相留念~!! 
又繼續我哋嘅行程~!! 
hea 住行真係好寫意~!!
到咗涼亭休息吓先~!! 
行咗個半鐘頭就到終點~!!
媽媽趁住爸爸去廁所 , 就同我影吓沙龍相~!! 
大家話靚唔靚呢~?
影埋呢張相爸爸返嚟 lu~!!
回程同爸爸孖住行~!!
當然都會做吓乖仔等埋媽媽呢~!!
行咗二個鐘出返路口 lu~!!
路口有個公園...............嚟咁多次都無影過呢個涼亭比大家睇 , 今次企定定影張相比大家睇呢~!!
呢度仲有個草地比我跑~!! 
玩咗一陣..............係時候返屋企喇~!!!!!!!! 
响公園發生一段小插曲 , 當媽媽同我响草地影相相嘅時候 , 特然媽媽聽到身後面傳來一聲狗吠聲 , 另轉身一看..............發現有五六隻流浪狗離遠望住我哋 , 吠嗰隻仲走上前嚟 , 嚇到媽媽即刻走上前抱起我 , 然後大聲叫爸爸 , 爸爸聽到媽媽嘅叫聲仲施施然咁行過嚟 , 好彩啲大狗見到爸爸無再跑上前嚟 , 唔係我同媽媽實嚇屎呢~!! 
真係有驚無險 , 咁就玩到五點半 , 上到車我攰到瞓著咗 , 今日真係難忘呢~!!
由Yahoo Blog 搬過嚟(累積瀏覽 365)
4月1日星期一
今日係復活節最後一日假期 , 爸爸媽媽見無落雨決定同我去赤柱玩 , 不過爸爸計錯數................以為今日無咩嘢人 , 點知嚟到.................所有停車場都爆滿 , 我哋等咗差唔多成個鐘先有車位泊 , 媽媽差啲決定改地方呢~!!
難得山長水遠入到嚟 , 當然要由市集開始行~!!
我哋由呢度出發...................
經過露天酒吧.................影張相留念先..................呢個小妹妹等我影完相就過嚟摸吓我~!!
行到嚟美利樓就開始落起雨嚟................唔通連個天都唔鐘意我? 
好彩等咗一陣.................停雨喇...................証明個天唔係唔鐘意我呢~!!
响"美利樓"做吓model 比爸爸影~!!
坐响樓梯又影吓相~!!
影完相去行"馬坑公園"................第一次嚟呢度影番張相留念先~!!
原來呢個公園有好多景點行架~!!
出發喇....................
要行咁長嘅樓梯 , 媽媽當然抱起我啦~!!
响呢度望出去環境好靚~!!
大家話靚唔靚呢~!!
話咁快就嚟到"山頂觀景臺"
休息完又去第二個景點~!!
天就嚟黑喇................行快啲先得~!!
第二個景點就係我身後面嘅"北帝廟" , 跟住我哋仲去埋第三個景點"古井" , 然後行番落山~!!
影埋碼頭就走lu~!!
行番出嚟美利樓吹吓海風先~!! 
响呢度遇見幾個外國人 , 佢哋不知幾鐘意我 , 又同我影相 , 又問媽媽我幾多歲同埋係咩嘢品種 , 仲讚我個樣好baby , 直情對我一見鐘情唔捨得走呢~!! 
玩到六點幾.................响"赤柱廣場"影埋呢張相就返屋企lu~!!
雖然越玩越夜 , 不過咁耐無嚟過呢度都係值得呢 , 呢個復活節假期對我嚟講真係過得好開心~!!
