2月26日星期日
今日天蔭蔭.............仲有少少凍 , 爸爸話近近地行藍地水塘 , 大部份相都係手機拍 , 今次唔係爸爸無帶相機 , 係屋企部電腦壞咗...............無咗好多相 , 都係唔好再提喇 , 媽媽會好傷心呢~!!
泊好車..............沿石屎路開始行
聞吓草草先...................
落完長長嘅樓梯 , 話咁快就嚟到藍地水塘
咁靚嘅環境...............同媽媽坐低欣賞吓......................順便比爸爸幫我哋影張合照留念
hehee.................我自己又留倩影
爸爸影梗咩嘢呢 ?
跟住我哋行另一條山路 , 媽媽快啲比粒零食我補充吓體力
你哋兩個又發現咩嘢呀 ?
快啲起程啦....................唔係好快天黑喇~!!!!!!!
原來影呢啲似星型嘅草草
企定定比爸爸幫我影張沙龍相
估唔到呢度都有紅葉睇
真係好靚呢~!!
呢張相係媽媽偷影爸爸 , 好有賣綠茶 feel
最難忘係...............比兩個行山人士欺騙咗 , 同我哋講................繼續向前行係可以返出燒烤場 , 結果我哋越行越唔對路 , 不停上山 , 爸爸見唔對路................叫我同媽媽响度等 , 佢去揾路 , 嗰度又靜...............得返我同媽媽真係有啲驚呢~!! 好彩等咗幾個字爸爸返嚟會合我哋 , 我哋真係行錯咗 , 要原路折返 , 仲要加快腳步 , 天黑前要返到去燒烤場攞車 , 好彩趕得切咋 , 真係好難忘呢~!!!!!!!! 我哋足足行咗3個幾鐘頭 , 哈哈............勁唔勁呢 ?
好慘呀，唔見咗啲相，點解唔back up呢
回覆刪除無時間搞，所以無咗好多相呢。😓
刪除著左哩件衫,顯得對毛毛BOOTS好靚^^
回覆刪除無back up 咩??上月我電腦都死左,係時候要換
無呀，你知我每日都好忙架啦，唔係日日都開電腦呢。😉
刪除吓？你都壞咗部電腦？換啦，支持你。😊
真係好慘！好在唔係全軍覆沒，仲有手機同FB~~咕碌媽影得咕碌爸好有型呀！
回覆刪除真係好好彩，仲有fb 同手機相咋，我構圖唔錯架，哈哈.........~!!!!!!! 😉
刪除着得咁靚仔去行山? 有無吸引到啲狂蜂浪蝶呀?
回覆刪除無呀，因為天氣都幾凍，浪蝶無出嚟呢。😂😂
刪除好彩搵到路,唔係入夜都幾驚喎
回覆刪除無錯，真係會心慌慌，好彩返回程路咋。😜
刪除BB 仲叻過我好多，行咁多山真勁！
回覆刪除哈哈........其實我都係 hea 行 , 辛苦唔啱我呢~!!
刪除