廣告

2017年2月21日 星期二

今日係我嘅牛一




1月21日星期六


今日我又大一歲喇 , 之前每年訂開蛋糕嘅姐姐 , 依家唔接 order , 搞到媽媽陣腳大亂 , 唯有幫襯另一間試吓 , 希望唔太差呢~!!


呢個就係我今年嘅蛋糕 , 主題係和風式 , 呢個蛋糕用只黏土做 , 可以存放一至兩年時間 , 食得嗰個圓型蛋糕 , 因為只 keep 得3日 , 所以未到生日就食咗一半 lu , 講返嗰蛋糕 , 啲生日字刻得唔太好 , 媽媽已經有啲唔滿意 , 最過份係...............蛋糕盒 , 有好大陣藥丸味(爸媽覺得) , 但係嗰姐姐話係重膠味 , 叫佢換過另一個盒 , 佢話無盒 , 咁大間店得一個盒? 真係一點兒那個 ,  媽媽決定下年自己整呢~!! 




壽星點都要同蛋糕影張相留念




媽媽送比我嘅日式圍巾 , 靚嗎? 





生日願望...............當然要身體健康 , 我知爸媽都想我咁嘅 , 可以陪佢哋多啲 , 食多啲好嘢 , 仲有去多啲街街 , 咁就心滿意足呢~!!



1月15日星期日 , 天氣非常凍 , 加上朝早落過雨 , 等到地下乾咗 , 爸媽同我落屋企樓下行咗一陣 , 就返屋企洗白白呢 , 所以用手機影咗呢張相咋 , 不過我都行得好開心 ~!!




報告完畢 , 謝謝大家支持~!! 






18 則留言:

  1. 祝圓咕碌生日快樂🌷🎂💝🤗
    健康快樂再陪伴爸媽下一個十二年!

    回覆刪除
    回覆
    1. 謝謝祝福,講中哂我嘅心願呢。😊

      刪除
  2. 日式圍巾靚爆啦, 生日快樂呀碌碌^^

    回覆刪除
  3. 支持圓媽下年自己整,好過唔知食D咩落肚

    回覆刪除
    回覆
    1. 哈哈........謝謝你呀,我早幾日買咗啲材料,試吓星期六整,睇吓成唔成功呢。😁

      刪除
  4. 祝圓咕碌:生日快樂!身體健康!

    回覆刪除
  5. 蛋糕盒有好大陣藥丸味!呢間店真係唔好幫襯佢,咁o既服務態度。
    BB 呢幾張相好靚呀,比我影到咁靚就好啦!

    回覆刪除
    回覆
    1. 真係唔會再幫襯,下年媽媽話自己整比我食,期待呢。😋
      哈哈........實有機會嘅。😉

      刪除
  6. 圓咕碌一定會繼續健康精靈!咕碌媽加油呀,期待你嘅作品~~

    回覆刪除
    回覆
    1. 謝謝艾華斯嘅祝福,媽媽話謝謝你鼓勵呢。😉

      刪除
  7. 有一年時間比媽咪學習做蛋糕, 明年碌碌就有自家製生日蛋糕食, 唔洗受人氣!

    回覆刪除
    回覆
    1. B 姐姐講得啱,比錢仲要受氣,仲有成年時間,媽媽應該成功呢。。😉

      刪除
  8. 條圍巾仔好靚喎Yuen Ko Lok^^
    祝生日快樂健健康康肥肥白白....

    回覆刪除