廣告

2016年8月1日 星期一

近況


8月1日星期一


好耐無見大家 , 一次過出哂幾篇, 交代點解咁耐無寫 blog , 你哋就會明白呢~!!


6月27日星期一 , 呢篇補返嘅...............媽媽响一個月前幫我 book 咗上門洗牙 , 佢仲睇咗好多呢方面嘅資料 , 先決定咁做 , 始終媽媽覺得麻醉洗牙係有風險呢~!!


媽媽其實自己都有動手同我刮牙石 , 可惜大牙位置真係好難搞 , 所以都係交比人洗呢~!! 





呢位哥哥真係好有經驗 , 已經洗咗超過 2仟隻狗狗 , 不過我都係不停 woo 佢 , 仲有用手推開佢 , 可惜都係唔成功 , 唯有肉隨針板上呢~!! 




好彩媽媽之前同我刮咗十隻牙仔 , 所以哥哥唔洗同我洗咁耐 , 全程用咗九個字搞掂哂




係咪好白淨呢 ? 大牙位置無哂牙石 , 乾淨哂 , 仲無口氣 lu ~!! 





7月1日星期五


今日係七.一回歸紀念日 , 爸媽唔駛返工响屋企陪我 , 天氣太熱無出街街 , 嘆住冷氣食雪條仲開心呢~!!


我最鐘意同媽媽互動呢~!! 



媽媽叫我 down 好 , 我會乖乖聽指令




我咁乖.............當然有得食雪條呢~!! 



sweet 完..............下篇要入正題 lu ~!! 

7月6日星期三


媽媽如常一早起床 , 餵完我食糧 , 準備換衫返工 , 我伸完個懶腰 , 特然全身不停打冷震 , 嚇到媽媽不知所措 , 即刻同我檢查 , 初步估計..............係腰部位置整親 , 即刻打電話 book 醫生 , 可惜醫生今日 full booking , 最快都要聽日先有得睇呢~!!


全身震哂無表情



仲行得好慢呢




全日卷埋一舊唔願郁




媽媽唯有請假陪住我




仲同我按摩摩 , 舒緩痛楚




半夜都痛醒 , 好可憐呢~!! 





7月7日星期四


為咗最快有得睇張醫生 , 媽媽同爸爸抱住我出荃灣享和睇 , 入到診所我全身震哂 , 我真係好怕睇醫生 , 經張醫生診斷後 , 我應該拉傷咗腰部嘅肌肉 , 食完哂啲藥仲未好 , 就要返嚟覆診呢~!!


呢隻消炎止痛藥食 7日



仲有止痛藥




仲有消腫嘅藥




醫生仲吩咐.................呢個星期都唔可以跳同企企




我唯有乖乖聽醫生話 , 多多休息呢 ~!! 









32 則留言:

  1. 陰公猪,搞到我上次都無機會見碌碌呢~
    而家見你精神返就開心喇!要時時小心呢~

    回覆刪除
    回覆
    1. 下年你返嚟,我一定出嚟見你同錫啖你呢。

      刪除
  2. 咁耐無消息,原來是圓咕碌有事,大人整親條腰都痛到CC吓,何況是狗狗,咁好番晒未呢?

    回覆刪除
    回覆
    1. 羊羊真有我心,謝謝你呢。
      依家好返喇,不過又到媽媽整親隻手,睇咗兩個禮拜骨科,依家好得七七八八,先可以幫我出相呢。

      刪除
  3. 真係慘豬豬, 而家好返未呀? 一定好痛痛! 祝你同媽咪早日康復!

    回覆刪除
    回覆
    1. Grey ee ,我好返哂喇,媽媽仲差少少,食埋呢幾日藥,應該好返九成呢。

      刪除
  4. 陰公豬囉,咕碌仔要快啲好番,姨姨要睇妳去街街個開心樣

    回覆刪除
  5. 過咗一個月休養係咪已經生猛返晒呢^^

    回覆刪除
    回覆
    1. 你真係心水清,無見你一個月,幾好嗎?

      刪除
  6. 以為你掛住面書, 一去不返^^
    講返正經, 上門洗牙, 唔使麻醉, 犀利喎, 我以前兩隻肯咬硬狗餅, 唔係洗牙餅喎, 只係IMAS狗餅, 好硬, 尤其係隻仔, 好鐘意食, 一日咬幾塊, 十七年, 牙仔都冇牙石, 獸醫都話犀利.
    吉唔咬, 只肯食潔齒餅, 唔掂, 結果得返前面嗰啲牙 >.<

    碌碌條腰好返晒未呀?

    回覆刪除
    回覆
    1. 始終唔捨得你哋,點會唔寫呢,不過媽媽隻手甩咗胶,要帶住手套唔方便執相,所以要等媽媽好得七七八八,先可以再寫 blog 呢。
      我已經好返哂喇,ee真有我心呢。

      刪除
    2. @@ 咗胶 ??? 好得七七八八就好.

      刪除
    3. 係呀,依家隻手都仲有啲痛,希望快啲好返呢。

      刪除
  7. 經過爸媽的悉心照料,圓咕碌又可以活活潑潑的四處走動了。
    這篇給我看到了愛的守護!

    回覆刪除
    回覆
    1. 謝謝你從相片感受到咕碌家濃濃的愛意。

      刪除
  8. 咁慘!而家好番就好啦^^ 同媽媽分享雪條個幾張相好SWEET呢~~

    回覆刪除
    回覆
    1. 我好返哂喇,謝謝艾華斯姐姐關心,媽媽隻手仲未好返呢。

      刪除
    2. 咁咕碌要錫住媽媽啦~~希望佢都快D好返~~

      刪除
    3. 媽媽知道艾華斯咁關心佢,佢一定好感動呢,謝謝你。

      刪除
  9. 碌BB和媽媽都保重呀,我想抱抱你呀BB!

    回覆刪除
    回覆
    1. 等天氣無咁熱,再約 janejane 去街呢。

      刪除
  10. 好彩知道圓咕碌好番都放心D,可以出街行下冇咁悶。以後要小心唔好再扭傷,因為你爸媽會好担心架。

    回覆刪除
    回覆
    1. 真係嚇屎媽媽呢,媽媽話寧願代我受苦呢。
      謝謝 Man Man 關心呢。

      刪除
  11. So sad to know baby拉傷咗腰部嘅肌肉 ...poor boy...may I know what's the reason?

    回覆刪除
    回覆
    1. 唔少心响sofa 仔跣咗落地,靚姐姐唔駛擔心我,依家已經好返呢。

      刪除
  12. 陰公豬啦~ 圓咕碌要多啲休息呀!!

    回覆刪除
  13. 你好,我想知個上門洗牙個男仔聯絡資料,我倆個寶貝想搵人上門洗牙石.唔該晒

    回覆刪除