7月28日星期四
由日本姐姐幫我剪完毛影嘅靚相 , 好有夏日色彩 , 好鐘意 , 所以同大家分享呢~!!
扮完靚靚 , 媽媽買咗日本山梨縣嘅水蜜桃比我食 , 成個拳頭咁大隻 , 又香又多汁 , 媽媽仲用手機影咗我個為食樣比大家睇~!!
坐定定影張相先...................
好香呀)))))))))))
幾時食得呢 ?
望鏡頭 , o.k.
笑 easy 呢
心型咀都出埋喇 , 食得未呀?
掛住食.................唔記得影相添 , hehee................真係又甜又多汁 , 無得輸 , 大家買嚟試吓呢~!!!!!!!!
7月31日同 8月7日星期日
好耐無用大機影靚相 , 媽媽星期日去咗果欄買生果 , 買咗日本香印青提返嚟 , 我無得食 , 不過都著件日本和服影返張相留念呢~!!
連續兩個星期日 , 我都改咗夜晚九點半落街散步 , 一來無咁熱 , 二嚟行得舒服啲
有得去街街 , 可以周圍聞吓花花草草 , 我都好滿足 ~!!
啲相用手機影 , 所以影得我無咁靚仔
唯有返到街屋補返張清楚啲嘅靚仔相比大家睇~!!
我好叻叻 , 行咗差不多一個鐘頭先返屋企 , 唔該哂爸爸幫我梳毛毛同吹毛毛 , 行完有啲攰
, 要瞓覺 lu , 下次見 ~!!
件和服仔確係好型喎^^
回覆刪除係呀，有個朋友去日本買比我做手信呢
刪除睇見碌碌仔笑騎騎張相, 連我都笑埋呀 ^^
回覆刪除引到 ee 笑，我都好開心呢。😊
刪除碌碌, 咁叻仔自己行咗一個鐘! 夏天多水果, 叫媽咪買多啲唔同種類嘅水果比你試下! 好多都好好味咖!係喎! 今年媽咪好似無整雪條比碌碌食嘅? 嘻嘻! 多口添! (^皿^) (^皿^)
回覆刪除B姐姐，爸媽都讚我叻叻，行到咁耐。
刪除我想食西瓜，已經同媽媽反映咗呢。
媽媽呢排身體唔好，啱啱喉嚨痛好返，但係仲有幾聲咳未好，加上手手又痛，無心機整雪條比我食，所以買綠豆雪條代替呢。
圓咕碌笑到心形咀，睇見你個笑樣我都開心呀﹗
回覆刪除謝謝羊羊，聽到你咁講.........我好開心呢。
刪除個桃仲大個咕碌仔個pat pat 呢，哈哈
回覆刪除ee 你好鬼馬呀，我幾時比嗰個 pat pat 你睇呢？😁
刪除圓咕碌點影都咁靚仔！D生果好靚，我都想咬啖呀~~
回覆刪除哈哈.........有無比咗啲新靈感艾華斯呢？你可以試整水蜜桃蛋糕 or 麵包，相信一定好吸引呢。
刪除圓咕碌嘅笑容好可愛，好得意呢。
回覆刪除每次聽到你讚美我，我就好開心呢。😊
刪除吹緊毛毛嗰張無戴頸飾，少咗一份帥氣，多咗一份傻氣。
回覆刪除我估咕碌家就係鍾意呢種簡單純樸嘅快樂 (๑^ ^๑)
哈哈........比姐姐講中哂添，比十個叻你。👍😊
刪除衣起牙仔個張相好為食呀,引得我哈哈笑.
回覆刪除為咗食..........親人都無情講呢，janejane 一定明白我。😉
刪除The Peach sooooooo big! Recently I find a lot of HK people always 去果欄買生果...
回覆刪除P.S. U laugh. I laugh XD
果欄生果真係平，加上好新鮮，去到好想買哂啲生果返屋企呢，真係人山人海架。😊
刪除圓咕碌個表情實在太生動，搞到我loop咗好多次嚟睇！💕💕💕
回覆刪除係咪真架？開心屎我呢。😊
刪除