4月12日星期日
等咗成個禮拜 , 今日終於到有街街去喇 , 今次媽媽點名話要去田夫仔行山 , 原來係為咗攞啲零食同啲濕糧比啲流浪狗 , 至於啲物資..............係我上次去 3D 狗狗嘉年華玩遊戲嘅時候嬴返嚟嘅 , 証明我都有出一分力架~!!
有得行山又可以做善事 , 緊係開心啦~!!
好快就行到嚟流浪狗出沒嘅地方
可惜一隻都見唔到
只係見到兩隻禪响度..................曳曳
唯有行完山................回程希望見到佢哋呢~!!
好彩皇天不負有心人 , 終於見到一隻流浪狗 , 不過佢剛剛比一位好心人餵飽咗 , 而呢位好心人係每日都會上山餵佢哋 , 媽媽同個好心人傾咗好耐 , 好心人叫媽媽放低啲食物比佢 , 佢第二日再餵比啲流浪狗 , 就係咁.............總算完成咗呢個任務~!!
可以開心咁跑吓草地呢~!!
快樂就係咁簡單
今次嘅行山行真係特別有義意呢~!!
玩浪浪好彩日日都有人餵，妳都好有愛心
回覆刪除少少心意 , 每次行呢度都會見到佢哋 , 又有善又乖 , 希望佢哋生活得開心 , 咁就好喇~!!
刪除施比受更有福，所以你地好快樂^^
回覆刪除咕碌媽 : 又唔係架 , 我其實都有好多嘢煩 , 不過睇得開 , 盡咗力就算 lu , 發覺唔強求 , 反而活得開心好多 , 希望承你貴言就好喇~!! ^0^
刪除圓咕碌一家真係好有心
回覆刪除希望更多人能夠好似你地一家人咁樣
愛護自家的寵物之外, 同時亦關注流浪動物
咁樣世界就會更加美麗
多謝你地 !!!
便心嚟咋 , 太誇獎喇 , 唔駛多謝我呢 , 如果盡一點愛心可以令一班流浪狗過得好啲 , 我願意咁做呢~!!
刪除When you share cannot find ...只係見到兩隻禪响度..................曳曳...make me laughing on the spot.
回覆刪除哈哈.............我嘅原意真係想大家睇到呢句說話會笑出嚟 , 証明我成功咗呢~!! ^0^
刪除圓咕碌嘅愛心同笑臉一樣咁可愛呀！
回覆刪除謝謝 , 希望多啲有愛心嘅人出嚟幫助啲流浪狗就好喇~!!
刪除有個咁乖咁可愛嘅碌BB，就有個咁好咁愛心嘅媽媽。
回覆刪除第6張相我至like~
刪除真係唔敢當呢 , janejane 太過獎了~!!
刪除你鐘意就好喇 , 今次爸爸好比心機影呢~!!
咕碌見唔到d流浪狗，一心唸住完成唔到任務時嘅表情堅愁呢，但一得知有好心人肯幫手，即刻開心返！
回覆刪除攞住咁多嘢 , 真係以為要拎返屋企呢 , 真係皇天不負有心人 , 完成任務好難唔開心呢 , 卡卡~!!
刪除流浪狗一定會好開心
回覆刪除圓媽媽和好心人都值得表揚,好多狗狗都無家可歸
之前行山有好多隻架，因為有啲行山人士唔鐘意佢哋响度，就叫漁署啲人嚟捉佢哋，捉咗幾隻走，真係好可憐呢。
刪除唔駛表揚，只係一份心意嚟呢，卡卡。
今日睇 yahoo, 有篇叫「夏天狗狗新造型 圓咕碌定‥‥‥正方形？！」, 唔知你媽媽會否帶你試試呢?
回覆刪除係咩？一陣睇吓先，謝謝你話我知呢。
刪除遇到浪浪都係要講緣份咖! 有時都好想自己扼自己, 希望見唔到, 就等於小咗浪浪, 但始終都不是事實呢! (T~T) (T~T)
回覆刪除你講得好啱，只希望佢哋生活得開心，又有兩餐温飽咁就好好呢。
刪除