廣告

2014年12月9日 星期二

第一次咁有米


11月30日星期日

自從睇完殷師奶個 blog ................介紹稻米田 , 媽媽就好有興趣去行吓 , 於是叫爸爸 plan 吓行程 , 就係咁..............我哋向最有米嘅地方(上水河上鄉)出發 ~!! 



第一次近距離接觸稻米 , 真係好興奮~!! 



體驗農夫種稻米 , 粒粒皆辛苦




估唔到香港有咁大片稻米田 , 今日真係大開眼介呢~!! 




咁大個仔..................第一次咁有米氣




當然唔少得留倩影




睇到我同媽媽個笑容 , 就知我哋玩得好開心~!! 




影完相...................同媽媽周圍行吓




呢度有好多貓咪 , 唔怕人 , 仲想同我玩添~!! 




呢隻貓咪仲問媽媽攞嘢食 , 媽媽分咗我啲零食比佢食 , 之後不停跟住我同媽媽 , 好好笑~!! 




呢度仲有好多稻草屋 , hehee..............歡迎入去坐吓~!! 




吸咗咁多米氣 , 係咪靚仔咗呢 ? 




我身後面嘅稻米全熟透哂 , 等緊收割 , 所以顏色比較深色~!! 




而呢片稻米田就係最新鮮又翠綠




附近環境真係一流 , 好舒服寫意~!! 




周圍影吓 , 有屋仔有鴨仔




呢度仲有一片白色花田




就係呢隻花 , 不過唔知叫咩嘢名 ? 




沿住塘邊行 , 真係好舒服




係時候落田摘返啲新鮮菜返屋企食




我哋就係由呢條橋行入去




响條橋上面影落嚟................就係雙魚河




行出嚟單車路................見到呢個景 , 忍唔住影番張相留念~!! 




途經呢度打算入去八吓 , 點知私人地方 , 不得內進 , 唯有掉頭走~!! 對面有間食豆腐花 , 不過唔歡迎我 , 爸媽無機會試食呢~!! 




見到呢間咁有特式嘅柌 , 51 K 嗰站就係响呢度側面呢~!! 




見未有車..................行咗去前面睇吓 , 呢間康樂中心好懷舊 , 好有特式~!! 




今日真係好難忘 , 仲玩到好攰 , 返到屋企有新鮮菜食就補返數啦~!! 



謝謝大家收看~!! 



註: 由於媽媽病咗幾日 , 加上食咗藥太眼訓 , 所以呢篇 blog 咁遲先出到呢 , 望大家體諒~!! 

28 則留言:

  1. 咕碌媽好番未呀?要多多休息,天氣涼要保重﹗

    回覆刪除
    回覆
    1. 媽媽上個星期好黑仔呀 , 病咗幾日 , 唔知係咪食咗藥腳步浮浮 , 有1日响街 PK , 撞咗落塊玻璃度 , 即時滿口鮮血 , 塊面瘀哂 , 隻腳又損咗 , 搞到佢好唔開心 , 邊有心情寫 blog 呢 , 依家塊面仲要搽藥酒散瘀 , 希望黑氣遠離媽媽 , 謝謝羊羊關心呢~!!

      刪除
  2. 新鮮唐生菜一定很甜
    兩位貓農夫與圓咕碌成了朋友嗎 ^_^
    是否問準稻田主人才可讓人進入呢

    回覆刪除
    回覆
    1. 係呀..............唐生菜又爽又甜 , 真係無買錯呢~!!
      hehee............算係朋友咁啦~!!
      嗰度好自由架 , 好多龍友去打雀呢~!!

      刪除
  3. 最靚第五、六兩張相,單車路個張都好靚,黃葉同碌BB好襯色呢!
    碌媽媽小心身體呀!著多件衫啦!

    回覆刪除
    回覆
    1. janejane 好有眼光呀 , 我都好鐘意嗰幾張相呢~!! ^0^
      我媽媽上個星期真係超級黑仔 , 希望黑氣快啲遠離我哋 , 謝謝 janejane 關心呢~!!

      刪除
  4. 下次抓埋殷師奶一起在度野餐 LOL

    回覆刪除
    回覆
    1. 好呀...............等你返嚟一齊去野餐吖~!! ^0^

      刪除
    2. 聽到有人提起我喎.....
      一定要等你)))))
      當日掛住搵米無買菜,又天黑黑
      親眼見到稻田,真係好開心架
      白花是通菜花^^

      刪除
    3. 叫埋你一齊玩會開心啲呢。
      啲菜好鮮甜,可惜無木瓜賣,媽媽最想食木瓜呢,卡卡。
      見到咁大片稻米田,真係大開眼介。
      原來叫做通菜花,謝謝你話我知呢。

      刪除
  5. Oh what's the meaningful program you have indeed, every time when I see some rice remain at bowl, my heart will voice out "粒粒皆辛苦"... after that I will force myself finish all & make sure no rice stick at bowl anymore :)
    P.S. Please send best regards to your mummy, must keep healthy to celebrate X'mas & New Year or!!

    回覆刪除
    回覆
    1. 靚姐姐 , 媽媽好似哥哥咁................每次食飯見到爸爸食唔清啲飯就會同爸爸咁講: 粒粒皆辛苦 , 同埋唔食清碗入面嘅飯.................媽媽就會有雀班架 , 就係咁..............爸爸就皮光肉滑 , 媽媽就.................wakakaka
      謝謝靚姐姐關心 , 今年最快收到第一張聖誕咭 , 好surprise 呀~!!!!!!!!! 我同媽媽都好鐘意張咭呢 , 再一次謝謝靚姐姐呢~!! ^0^

      刪除
    2. U're most welcome my Dear (with kiz)

      刪除
    3. 你咁有我哋心,真係好感動呢。

      刪除
  6. 咕碌媽耍好好保重呀~~
    我都未見過稻米田呢,有機會要見識下^^

    回覆刪除
    回覆
    1. 好多謝艾華斯關心 , 媽媽病好返喇 , 唔駛掛心呢~!! ^0^
      一定要去行吓 , 估唔到香港有咁大片稻米田 , 比錢仲有得自己試吓收割呢~!!

      刪除
  7. 地方好靚呀, 好有田園氣息, 又有唔怕人嘅小貓咪, 咕碌小朋友好開心呢! ^_^ 媽媽好返未呀? 食咗西药有時真係好眼訓, 出街要小心D!

    回覆刪除
    回覆
    1. 真係估唔到香港有個咁正嘅地方 , 我同爸媽都好享受田園氣息 , 有機會 Grey ee 都去行吓吖? 又可以同吓啲貓咪玩吓 , 一大樂事呢~!!
      知道喇..............媽媽話下次會小心啲 , 謝謝 Grey ee 關心~!! ^0^

      刪除
  8. 咕碌媽, 無事嗎? 近期你時常生病, 小心身體呀!
    碌碌, 農夫允許你哋落稻田影相咁好? 呢輯相好靚呀! 我最鍾意第四, 第十和第十六張, 影到碌碌好開心呀! (*3*) (*3*)

    回覆刪除
    回覆
    1. 咕碌媽 : 唉...............自從轉咗份新工 , 真係每日都好忙碌 , 回到家又要煮飯 , 可能太操勞 , 所以抵抗力差咗 , 我會小心身體 , 有心呢~!!
      可以呀..............不過要好小心行入去 , 每扎稻米都會有個空位可以企到人入去 , 唔會踩到啲稻米 , B 姐姐大可以放心呢~!!

      刪除
  9. 碌媽媽小心呀, 係咪休息唔夠.

    回覆刪除
    回覆
    1. 謝謝小月關心 , 可能最近轉咗新工 , 比較忙碌 , 所以休息唔夠 , 依家每日都好定時休息呢~!!

      刪除
  10. 保重啊圓咕碌媽 ^^
    唔講以為圓咕碌出咗國添呀, 原來香港仲有咁天然咁靚的地方 ^0^

    回覆刪除
    回覆
    1. 咕碌媽 : 有心毛毛媽 , 我依家好返好多喇 ~!!!!!!!!! ^0^
      咕碌 : 我當自己同爸媽一齊去咗旅行 , 仲玩得好開心呢~!!

      刪除
  11. D 花好似係牽牛, 但白色真係好少見..... 天氣時冷時熱, 蛇都C 啦, 要好好小心, 聽話多D 休息及食藥.... 不過今日已經13/12了, 你媽媽應該好番了吧 ^^

    回覆刪除
    回覆
    1. 係喎.........比你提醒咗我,啲花好似係牽牛花嚟架,白色我都係第一次見呢。
      有心喇...........月ee,媽媽好返哂喇,謝謝關心。

      刪除