廣告

2014年11月14日 星期五

我和她她有個約會


11月9日星期日

唔好意思呀 , 媽媽呢幾日唔舒服 , 所以呢篇 blog 咁遲先出到 , 希望大家體諒 , 言歸正傳 , 上個星期日約咗豆豆朱屎 family 上山頂野餐 , 仲預備咗醉雞翼同飲品 , 仲有士多啤梨同薯片 , 初時都擔心要取消 , 因為早兩日仲落緊雨 , 好彩天公造美 , 呢個約會先可以如期舉行呢~!! 



Set 好個位 , 同女神 " 豆豆 " 影張合照先



當然唔少得 Juicy 妹妹呢~!! 




豆豆朱屎 family 




點少得兩位媽媽合照呢~!! 





嗰日豆豆唔知仲咩嘢 , 又鬧我 , 仲飛禽大咬咗我一啖 , 痛到我大叫咗一聲 , 好彩無損到咋 , 之後仲比豆爸懲罰打咀仔添 , 希望下次佢唔好再咁對我呢~!! 




之後識咗呢個朋友仔




Juicy 好享受自己玩波波




只要有波波 , 佢連食都無興趣呢~!! 




我嗰日不停响草地跑跑跑




仲跑到飛起咗呢~!! 




豆豆肥到跑唔郁 , 好好笑




豆豆又响度唱歌仔




跑完草地做吓 model 比爸爸影




好榮幸...............仲有個 baby 過嚟同我合照~!! 




呢家人好 nice 架 , 借咗架車仔比我影相相




睇吓佢哋幾鐘意我




跟住同豆豆影沙龍相




睇唔睇得出我有啲驚呢? 因為啲波波不停郁 , 我驚驚呢~!! 




嗰日仲有呢對新人嚟山頂影婚紗相 , 好 sweet 呢~!! 




hehee................佢哋仲邀請埋我一齊影呢~!! 




玩到五點返上嚟停車場 , 呢度好大風呀 , 吹到我啲毛毛飛起哂呢~!! 




跟住我哋揸車落咗去影呢間屋




估唔到影出嚟嘅效果又唔錯喎




影埋呢張相去銅鑼灣食dinner 



我哋揾咗間食西餐廳 , 坐 outdoor , 環境仲唔錯添 , 可惜太黑好難影比大家睇 , 啲食物水準都好好 , 揾日下午再嚟過介紹比大家 , 食到八點各自返屋企 , 返到屋企仲要比媽媽沖涼涼 , 吹毛毛 , 玩足成日真係攰到爆 , 食埋糧糧我就覺覺豬 lu , 今日真係超開心呢~!! 






26 則留言:

  1. 女仔脾氣有時係好飄忽,好彩無咬損你,不過你倆個的樣好相似.

    回覆刪除
    回覆
    1. 識咗豆豆咁多年...........都未試過咁對我架,好彩無損到呢,唔係就嚇壞媽媽喇。

      刪除
  2. 你係咪話豆豆肥,所以發你脾氣呢,哈哈

    回覆刪除
    回覆
    1. 緊係無啦,佢幾年前已經咁肥架,卡卡。

      刪除
  3. 哩D天氣野餐最好!咁圓咕碌媽咪好番未呀?好好保重呀~~

    回覆刪除
    回覆
    1. 嗰日玩玩吓越嚟越凍,好彩媽媽帶咗件衫比我,唔係實變咗雪條呢。
      有心呀..........媽媽食咗幾日藥,已經好番呢,謝謝艾華斯關心。

      刪除
  4. 碌碌, 做了免費花仔! (✿◕‿◕) (◕‿◕✿)
    間白色屋係住宅嗎? 仲有無人住咖? 如果屋主修葺一下會仲靚! 張相有啲似去咗歐洲咁! (^0^)b

    回覆刪除
    回覆
    1. 真係估唔到新娘子同新郎哥咁鐘意我,榮幸呢。
      間屋仔無人住架,媽媽見到幾特別,咪叫爸爸停車影幾張相,估唔到影出嚟嘅效果真係好似去咗歐洲咁呢。

      刪除
  5. 咕緑仔果然人見人愛,車見車載 <3

    回覆刪除
  6. 豆豆肥左好多喎!又咁惡嘅..唔似女神喇!
    碌BB,你被咬我都心痛呀!見你識跑,都安樂d!
    前兩日我見到隻狗仔幾似你,我拉住超市買嘅重物,一路行諗住你,本來要行8分鐘路,好似半分鐘就返到屋企咁快呢!快樂不知時間過。

    回覆刪除
    回覆
    1. 都唔明豆豆點解會咁對我,無啦啦追住我嚟咬,媽媽聽到我慘叫,嚇屎佢呢,好彩只係有口水印無損到咋,豆爸即刻捉住豆豆嚟鬧,仲打佢咀仔呢。
      原來janejane 諗住我...........時間會過得特別快,咁你每日都要諗住我呢,卡卡。

      刪除
    2. 加多左貓貓狗狗D相啦!係呢度睇:
      http://travelling-janejane.blogspot.hk/2014/11/blog-post_4.html

      刪除
  7. Wa~ Happy Gathering indeed, can take the pre wedding photo with you is my dream also baby!!
    This place very nice (Victory concept is my cup of tea le)

    回覆刪除
    回覆
    1. 我都想做靚姐姐 pre wedding 主角之一 , 可惜我哋天各一方呢~!!
      山頂呢個地方真係好適合大人同小朋友 , 仲有毛小孩嚟玩呢~!! ^0^

      刪除
    2. opssss....sorry, what is 毛小孩?! :-p

      刪除
    3. P.S. I love your green bow tie too~Sooooooo handsome !!

      刪除
    4. 靚姐姐,毛小孩即係指狗狗呢,卡卡。
      我個 bow tie 係深淺藍色嚟架,謝謝讚賞。

      刪除
  8. 豆豆可能有點小姐脾氣, EE 知你一定唔會嬲佢

    回覆刪除
    回覆
    1. 千金小姐豆豆真係有小姐脾氣 , 點解月ee 會知道呢?
      我唔會嬲佢 , 不過有啲驚佢呢~!!

      刪除
  9. D 相好靚呀 ^^ 坐車仔好smart ^^
    間屋影出嚟成個圖都好靚 ^0^

    回覆刪除
    回覆
    1. 謝謝讚賞,難得出到咁遠,點都要影啲靚相交吓差呢,卡卡。

      刪除
  10. 批相好靚, d色好sharp, 咕碌仔同bb個張, 重有同豆豆大屋個張, 好似廣告相, 讚!!!

    回覆刪除
    回覆
    1. 好開心 Grey ee 讚啲相影得靚,爸爸知道咗一定開心屎佢呢。

      刪除