廣告

2014年9月10日 星期三

今年中秋玩得好開心


9月8日星期一

一年容易又中秋 , 今年中秋節我過得好快樂 , 因為媽媽一早訂咗月餅比我食 , 又約咗我啲好朋友一齊過節 , 玩到十一點先返屋企 , 不知幾盡興 , 係呢..............唔知大家又點過呢 ?


首先同大家講聲: 中秋節快樂~!!!!!!!! 



媽媽買咗呢4款月餅返嚟
味道包括:三文魚紅蘿蔔  , 鴨胸小紅梅  , 雞胸羊奶芝士 , 鱷魚肉杞子 



不得不點名讚呢間公司 , 今年月餅收益全數變賣狗糧捐贈屯門MT狗場 , 咁有義意嘅活動又點會無我份支持呢~!! 




媽媽話我只可以食一個 , 其他留返夜晚請朋友仔食 , 我唔制呀))))))))) 





咁大個仔都未食過鱷魚肉 , 點都要試吓 , 卡卡~!! 




坐定定响度




開餐喇...............我唔客氣呢~!! 




好好味呀))))))))))))) 




仲有無呀? 




睇到我呢個樣...............就知我有幾滿足呢~!! 




等爸爸放工返嚟 , 跟住出發陪啲大人去食齋 , 食飽飽行公園 , 行咗個幾鐘 , 影埋呢張大合照跟住去 B仔食甜品 ~!! 




估唔到我有士多啤梨食 , 食埋甜品各自返屋企 , 咁就過咗一個開心又滿足嘅中秋節呢~!! 





28 則留言:

  1. 圓咕碌個食相好可愛呀!

    回覆刪除
    回覆
    1. 哈哈...............好多人都咁講呢~!!

      刪除
  2. 睇到碌碌食嘢個滿足樣係好開心咖! (*^_^*) ( *3* )
    啲月餅又好味, 又可以做善事! 係最好的! *\(^v^)/* (^__^)y YA~~

    回覆刪除
    回覆
    1. 媽媽見到我食得咁滿足 , 佢不知幾開心呢~!!
      係呀........................有得食又可以做善事 , 我一定全力支持呢~!!

      刪除
  3. Hahaha.....第一次見到咕碌仔嘅為食樣, 眼都矇理, 好得意呢! 中秋節快樂! ^_^

    回覆刪除
    回覆
    1. 我呢個滿足樣好難得先影到架 , 好開心個個都讚我得意同可愛 , 開心呢~!!
      係呢.............Grey ee 中秋節點過呀?

      刪除
    2. 今年留港過節, 晚上食完飯上天台賞月同影月光, 好充實呢! ^^

      刪除
    3. 上天台欣賞月亮,我都未試過呢,一定好正。

      刪除
  4. 睇到碌BB舔舔脷!我就笑啦!好鬼得意呀!媽媽點影到o架?要好快手囉!
    大家中秋節快樂!

    回覆刪除
    回覆
    1. 哈哈...............個個都讚我得意 , 下次叫媽媽再影多啲我個為食樣至得呢 ~!!
      媽媽一路影就一路問我好唔好味? 我會lam 脷答佢好味 , 咁佢就有機會影到我個為食樣呢 , 卡卡~!!

      刪除
  5. 回覆
    1. 係呀.............嗰張相我同媽媽都好鐘意 , 媽媽仲一路睇一路笑添呢 , ee 真有眼光~!!

      刪除
  6. 圓咕碌矇眼舔脷個樣超可愛呀! 睇得出真係好滿足 ( ^o<)
    你呢個表情好似未曾出現過呢!

    回覆刪除
    回覆
    1. hehee..............講得無錯 , 我呢個樣係從未出現過架 , Waii 真係要望多兩眼呢~!!

      刪除
  7. wa...Baby 睇你咁满足嘅表情就知你過節有多開心啦啦啦啦。我在星球简简單單亦好開心,因有家人陪伴玩燈籠吃潮洲月餅已十分滿足!

    回覆刪除
    回覆
    1. 靚姐姐 , 我越嚟越鐘意中秋節 , 又有得去街街 , 又有得食咁好味嘅月餅 , 最難得係可以一家人一齊賞月 , 快樂就係咁簡單~!!
      我都知靚姐姐好知足 , 只要有愛你嘅人一齊陪你賞月 , 玩吓燈籠 , 食吓月餅 , 咁就過咗一個好 sweet 嘅中秋節呢~!!

      刪除
  8. 祝圓咕碌一家中秋快樂,甜甜蜜蜜!

    回覆刪除
    回覆
    1. 大家咁話呢 , 我都祝你中秋節大快樂~!!!!!!!!!

      刪除
  9. 尾二個張超得意!睇圓咕碌個樣就知月餅又靚又好味啦~~~

    回覆刪除
    回覆
    1. 嗰張相真係出賣咗啲月餅有幾好味,我食到停唔到口,回味再回味呢,卡卡。

      刪除
  10. 碌碌E牙果張好可愛, 依輯為食碌好正!

    回覆刪除
    回覆
    1. 媽媽最鐘意影我為食樣,佢話自然得嚟又可愛喎,卡卡。

      刪除
  11. 小食多滋味, 有一個食都開心 ~

    回覆刪除
  12. 一直都覺得圓咕碌是一個可愛的bb ^^ 驚訝見到佢e 牙這張見到佢另一面啊 wakakkaaaaa

    回覆刪除