廣告

2013年11月19日 星期二

女神之約


11月17日星期日
 
响差唔多一個月前我嘅女神"豆豆" 約咗我今日出街 , 為隆重其事今次嘅約會 , 我揀咗佢未曾踏足過嘅迪士尼碼頭作為今次嘅約會地點 , 希望同佢留下一個難忘嘅回憶~!!
 
一點鐘到達迪士尼樂園 , 女神已急不及待起程呢~!!

 

第一次見咁大條鯨魚 , 豆豆小姐好興奮~!!
 
 

 
 
藍天白雲襯托下 , 心情都特別靚啲~!!
 
 
 

 
 隨行仲有我請番嚟嘅攝影師哥哥 , 同埋佢個得力助手"朱屎" 小姐
 
 
 
 
 同女神嚟到許願池 , 當然要許番個願望呢~!!
 
 
 

 
 我希望"豆豆"永遠都開開心心 , 健健康康~!!
 
 
 

 
 大家話我同女神襯唔襯呢?
 
 
 
 
 呢個"朱屎"小姐最鐘意玩波波 , 無嘢做就自己玩波波 , 好獨立架~!!
 
 
 
 
 話咁快就行咗一半路程
 
 
 

 
 到咗碼頭..............我哋玩捉迷藏 , he.............hee................坐到咁高佢一定揾我唔到~!!
 
 
 

 
 坐呢度比"豆豆"揾到我添~!!
 
 
 

 
 "朱屎" 藏响櫈底又比我捉到~!!
 
 
 

 
 玩咗咁耐...............到我表演玩滑板車比豆豆小姐睇呢~!!

 
 

 
 表演完..............我哋入咗迪士尼樂園酒店影相
 
 
 
 
 趁"豆豆"小姐去咗影沙龍相 , 我坐响呢度等佢~!!
 
 
 

 
 型像指導見我响度咁悶 , 就捉咗我去影合照~!!
 
 
 
 
 玩到三點幾 , 我哋回程 lu
 
 
 

 行到嚟大門口..............估唔到撞到我兩個學生 , 佢哋啱啱嚟咋 , 呢個就係"Mui Mui "
 
 
 

 
 呢個係佢個妹"BeBe"
 
 
 

 
 咁難得撞到 , 影番張合照留念先~!!
 
 

 
影完相...............我同"豆豆"小姐去咗荃灣 high tea , high 完 tea 就各自回家 , 返到屋企即刻比媽媽幫我沖涼涼吹毛毛 , 食埋dinner , 我就攰到去揾周公傾計 , 而爸爸媽媽就趕住扮靚靚過海去飲 , 各自各精彩 , 希望豆豆小姐滿意我今日嘅安排呢~!!
 
 
 
 


40 則留言:

  1. 女神同你好有夫妻相 wor. :)

    回覆刪除
  2. 同女神去約會影相,圓咕碌你一定好開心定啦

    回覆刪除
    回覆
    1. 講得無錯.........我開心到之前一晚瞓唔到呢。

      刪除
  3. 個日咁好天,最啱去約會啦^^

    回覆刪除
    回覆
    1. 係呀...........連個天都幫埋我,卡卡。

      刪除
  4. 靚仔靚女襯到無得彈呀。

    回覆刪除
  5. 碌碌! 你同女神唔單只好襯重好有夫妻相, 既然青梅竹馬, 又係你女神, 咁你重唔快啲同佢求婚? (^皿^)

    回覆刪除
    回覆
    1. 你估我唔想咩?人哋係大家閨秀,我怕高攀唔起呢。

      刪除
  6. Mui Mui : 好少咁晏出動嘅我地, 竟然撞到, .. 教練,...我地同你真係有緣哩 :D ^0^

    回覆刪除
    回覆
    1. 哈哈..........有緣到比你哋撞到我嘅女神。

      刪除
  7. 好得呀圓咕碌! 不過你咀兩旁的毛有高低不一, 少少影響咗個賣相咁啦!

    回覆刪除
    回覆
    1. 係咩?有啲咁嘅事?少少缺憾美唔緊要啦,最緊要女神唔嫌棄我就得喇。

      刪除
  8. 同女神十個襯呀))))) 一定玩得好好開心
    朱屎小姐個名...............@@

    回覆刪除
    回覆
    1. 點止開心呀...........仲好難忘呢。
      係英文翻譯成中文,叫 Juicy 小姐呢。

      刪除
  9. 原來喺同女神有個約會,唔怪之得圓咕碌全程都甘“正經”,魅力十足呢~ <3

    回覆刪除
    回覆
    1. 你都睇得出我唔同咗,証明約會係會令人神彩飛楊呢,卡卡。

      刪除
  10. 你的女神個樣好甜好靚女呀!同你好襯呀!你同媽媽的合照都影得好呢!見你好返哂真係好啦!

    回覆刪除
    回覆
    1. 個個都話我同女神合襯,唔知可唔可以同佢有結果呢?
      媽媽同我都好鐘意呢張相,影到我哋好sweet 呢。
      謝謝janejane 關心,我好番喇。

      刪除
  11. 咕碌仔, 你D 朋友仔個個都係靚女喎, 你媽媽有無打算搵番個女友比你呀? ^田^

    回覆刪除
    回覆
    1. 靚仔當然要配靚女,卡卡。
      媽媽响呢方面比好大嘅自由度我架,況且我係唔會為一棵樹放棄成個森林架。😜

      刪除
  12. 豆豆小姐真係好靚女,又斯文,同你好襯呀~~

    回覆刪除
    回覆
    1. 哈哈........好開心咁多人讚佢靚女,証明我眼光唔錯呢。

      刪除
  13. 真係約都冇咁準, 咁都撞到muibe, 你地真有緣

    回覆刪除
    回覆
    1. 咪係囉........我哋真係好有緣,因為佢哋好少咁遲出動架。

      刪除
  14. 圓咕碌, 你同豆豆小姐不論面型身高都好襯呀! 趁最近天氣咁好,你有冇再約豆豆女神出嚟拍拖增進感情呀?

    回覆刪除
    回覆
    1. 哈哈........連你都話襯,我信心又大咗呢。
      呢幾日媽媽要入院做手術,我要乖乖留响屋企等媽媽返嚟呢。

      刪除
  15. Aiyo...U're soooo romantic leh baby wakakakaka

    回覆刪除
    回覆
    1. 靜靜雞話比你知吖,我响爸爸身上學架。>.<

      刪除
  16. 酒店呢邊未去過呢 :) 有一度類似迷宮位有無影?高位影好正的 ^^

    回覆刪除
    回覆
    1. 迷宮位多小朋友玩,唔方便入去呢。

      刪除
  17. 回覆
    1. 唔知呀........有啲地方都無時間行。

      刪除
  18. 同酒店內的心形草飾影相 so sweet ^0^

    回覆刪除