由Yahoo Blog 搬過嚟(累積瀏覽 582 )
5月12日星期日
今日爸爸話帶我去一個新地方玩 , 點知去到迪欣湖排隊等入停車場就落起雨來 , 仲越落越大 , 唯有轉場去欣澳跑草地 , 下次好天先再入過去玩~!!
好彩嚟到欣澳停咗雨 , 加上今日要洗白白 , 盡情跑草地都無問題~!!
睇到我嘅笑容就知我玩得有幾開心呢~!!
跑完草地..............响石屎地又行吓~!!
媽媽同我都好鐘意呢張相 , 覺得好佻皮~!!
呢張可愛得嚟又好搞笑~!!
跟住我哋去咗海旁吹吹風~!!
玩到藍天白雲都出埋嚟~!!
影完呢張相.............離遠見到一對黑白色曲架 , 媽媽叫我唔好過去 , 我唔聽.............一支箭跑上前 , 媽媽响後面追緊上嚟 , 我跑到去同曲架朋友打招呼 , 點知其中一隻無拖繩嘅曲架一手將我推落地下 , 嚇到媽媽加快腳步跑上前 , 即刻抱起我 , 只係見我好驚 , 曲架主人話無咬到我 , 媽媽唔信..............因為我耳仔同背部有口水印, 佢哋個主人解釋只係滴咗啲口水落我度 , 媽媽即刻同我檢查全身 , 好彩無咬痕 , 不過推咗我落地嘅時候 , 意外撞向大石 , 擦損咗大脾內側 , 出現一條紅痕 , 媽媽心痛到不得了, 反而比爸爸鬧我 , 經過今次嘅意外, 媽媽話以後離遠見到有狗 , 不論大少 , 都即刻抱起我 , 唔比我走去打招呼呢~!!
好彩有媽媽嘅安慰 , 我又開心番呢~!!
玩到五點半...............影埋呢張全家福 , 返屋企洗白白lu~!!
經過今次嘅教訓 , 我以後都唔夠膽跑去同狗狗哈佬佬喇~!!
沒有留言:
張貼留言